GENESIS 23:2 - Bawm Common Language Bible Version

² Kanaan ram Hebron ah a thi le, Abraham nih a thihnâk chu a ulh.

GENESIS 23:2 ပူးပေါင်းရင်းမြစ်များ

GENESIS 13:18

Churawhchun, Abram chu a um mun a ṭhial le, Mamre mi thing thenhlimh kiang Hebron ah a va um rawh, chunah chun LALPA rangah mâichâm a siam.

GENESIS 23:1

Sari chu kum zâ leh kul pasarih tiang upa hen a dam.

GENESIS 23:19

Churawhchun, Abraham nih a nupi Sari chu Kanaan ram pûk ah a vûi rawh.

GENESIS 24:67

A nu Sari umnâk puanin ah chun Isak nih Rebek a kalpi rawh le, a nupi a hawng si rawh. Isak nih Rebek chu thungâi a dâwt le, a nu a thi rawh mi lakah thungâi a thla a ngamh.

GENESIS 27:41

A pa nih Jakob rangah malsâwmnâk a pêk ving ruangah Esau nih Jakob rangah a hua rawh. A thinlung hen, “Ka pa thih ni ding a nâi rawh, chu tikah Jakob chu ka thah nget lai,” a ti.

GENESIS 35:27

Jakob chu a pa Isak, Hebron kiangah Mamre ah a um mi leiah a va kal le, chu chu Abraham leh Isak umnâk asi.

GENESIS 37:14

A pa nih a sinah, “Na unau leh an dam mawh, ranrual tla an him ma va zauh le, hawng kîr nawlh le hawng ka simh,” a ti. Hebron Vakuam thawk hen a pa nih a fial rawh. Josef chu Sekem a va tleng le,

GENESIS 50:1

Josef nih a pa chu a bawk nawh le, a biang ah a châwchawk.

GENESIS 50:10

Chun, Jordan saklei Atad ah fâng chîlnâk an va tlung rawh chun, sâwt ual an ṭappi, Josef nih chu ulhnâk chu ni sarih a ruat.

2 SAMUEL 1:12

An ngaih a sia tuk le, nî tlâk hen buh an ei lo. Saul leh Jonathan leh Israel LALPA minung tla râltuknâk ah tam tak thah hen an um ruangah.

2 SAMUEL 1:17

David nih hi la Saul leh Jonathan sûnnâk hi a sak.

2 SAMUEL 2:11

Hebron ah Juda tla lakah kum sarih leh a khing lâi a rêl.

2 SAMUEL 5:3

Churawhchun, Israel ruitu tla zawzawng chu David sinah Hebron ah an hawng hep. Anmah hen tlâinâk ding David nih a siam le, annih nih sariak an thuh le, Israel tla lalchem asi rawh.

2 SAMUEL 5:5

Hebron ah Juda tla lakah kum sarih leh a khing lâi a rêl. Jerusalem ah Israel leh Juda lakah kum sâwmthum leh kum thum lâi a rêl.

1 CHRONICLES 6:57

Hi bang khuapi tla hi Aron thlâk tla rangah pêk mi chu asi: Hebron, himnâk khuapi, Jatir, Libnah khuapi tla, Estemoa, Hilen, Debir, Asan leh Beth Semes ran tlatnâk mun hen.

2 CHRONICLES 35:25

Khuavâng Jeremia nih lalchem Josiah lakah lungfâknâk thu a phuah. Nunau khawm mipa khawm Josiah rangah lungfâknâk la an sak mi chu Israel ram ah dân hâwi hen an nei. Hi la hi sûnnâk la phuah mi tla lakah a um.

NEHEMIAH 11:25

Mi tam tak chu an phâisen kiangah mi khua lian tla ah an um. Juda phun tla chu Keriath Arba, Dibon leh Jekabzeel ah leh khuapi kiangah mi khua tênâu tla lakah an um.

JEREMIA 22:10

Juda mi tla, lalchem Josiah chu ṭappi lah ule, a thihnâk khawm ulh lah u. Sikhawmsele a fapa Joahaz an kalpi ving mi hawng kîr lo rawh hen, a suaknâk ram muh lo rawh ding mi rangah lungfâk tak hen ṭap u.

JEREMIA 22:18

Churuangah Juda lalchem Josiah fapa, Jehoiakim thu chu LALPA nih a sim le, “Âukhawm nih a thihnâk ulh hen ‘Ṭihnung a kâi chiam e! Kawi, ṭihnung a kâi chiam e!’ an ti lai lo. Âukhawm amah ṭappi hen, ‘Ka bâwipa! Ka lalchem!’ an ti lai lo.

NUMBER 13:22

A masa hen marlei ram an zauh le, Hebron ah an kal, chunah chun Ahiman, Sesai, Talmai, Anakim murui milian thlâk tla an um. (Hebron chu Aigupta ram Zoan um lân kum sarih a ti rawh.)

NUMBER 20:29

Zapi minung tla nih Aron a thi mi an theih le, ni sâwmthum an ulh rawh.

JOHAN 11:31

Chun, in sungah a thlangamhtu Juda tla nih chun Mari mawhsareh hen a thawk le, a suak mi an muh kâ hen, thlân ah ṭap ding hen a kal awt bei an ti le, an zûl.

JOHAN 11:35

Jisu a ṭap rawh.

THILTI 8:2

Chun, Pathian sunhsaktu âu tla nih mawh Stephen chu an vûi le, thungâi hen an ṭappi.

DEUTERONOMY 34:8

Israel mi tla nih Moab phâi ah ni sâwmthum an ulh.

JOSUA 10:39

Lalchem leh a kiangkam ah mi zawzawng a lâk hep, chunah mi chu a thah hep na. Josua nih Hebron leh Libnah leh a lalchem tlûnah a ti mi hâwitê hen Debir khua leh a lalchem tlûnah a ti.

JOSUA 15:13

LALPA nih Josua rangah thu a pêk mi hâwi hen Juda tingvo lakah mi Juda phun lakah mi Jephuneh fapa Kaleb sinah khawm ram tingvo an pêk bâk. Anak thlâktu Arba khuapi Hebron â ting.

JOSUA 15:54

Humtah, Hebron leh Zior: a kiangkam mi khua lian tla hen khua kua an si.

JOSUA 20:7

Churawhchun, Jordan Va thlanglei sîrah Galili ah Kades chu an siam, Naphtali tla umnâk tlâng ram; Sekem, Efraim umnâk tlâng ram ah, Hebron chu Juda umnâk tlâng ram asi.

JOSUA 21:11

Arba khuapi pêk an si. (Arba chu Anak thlâktu asi), tuah lam chun Hebron ti asi, Juda tlâng ram ah a um, a kiangkam ah ran tlawngnâk mâng tla hen.

LÂIRÊL 1:10

Kanaan minung Hebron khuapi ah um mi tla do ding hen an va kal, chu chu Kiriath Arba an ti. Sesai, Ahiman leh Talmai chi tla chu an neh na.

1 SAMUEL 20:31

David a dam kar vial chu hi ram ah lal na si dah awtlo ti na theih lo ma? Tuah va kal le, hinah hawng ruai, a thi ding asi!” a ti.

1 SAMUEL 25:1

Samuel chu a thi le, Israel mi zawzawng anna pûm le, an ulh. Ramah a umnâk khua ah an vûi. Chu nûnah chun David chu Paran ramkaro ah a va kal.

1 SAMUEL 28:3

Samuel chu a thi le, Israel mi zawzawng nih an ulh le, Ramah khua ah an vûi. Saul nih Israel ram ah mi, mithi thlarau kawh thiam mi leh dâwithiam tla chu a nar ver na.