GENESIS 23:16 - Bawm Common Language Bible Version

¹⁶ Abraham nih rem a ti le, zapi theih ah Ephron nih a sim mi hâwi hen silver zali chu a khingh le, sâwlehtu tla nih an mang mi dân hen.

GENESIS 23:16 ပူးပေါင်းရင်းမြစ်များ

GENESIS 23:15

“Pu, mun man vial chu tangka zali asi; chu lo hen nang leh kei karah zeikhawm a um lo rawh; chunah chun na nupi chu vûi ko,” ti hen, a sâng.

GENESIS 43:21

Kan tlung leiah lampi ah riak mun kan khuar le, kan vûitun kan samh le, vûitun tlûnah a man zat tangka kan tawng chiau, chu chu kan hawng kîrpi nawlh.

GENESIS 49:29

Jakob nih a fapa tla thu a pêk na le, “Tu chun ka mi le tla hâwi hen ka thi bâk awt rawh le, Kanaan ram ah, Mamre saklei ah

GENESIS 50:13

a ruak chu Kanaan ram ah an kalpi le, Abraham nih vûinâk ding ah Hit mi Ephron sin thawk hen a châwk mi Mamre saklei ah phâisen ah mi Makpela pûk ah an vûi rawh.

2 SAMUEL 14:26

A sam khawm thungâi a ṭha, kum khat ah veikhat vima tan ding a suak, a sâu hen a rit tuktarâi ruangah. A sam rit chu tahnâk dân hen kilogramme nih ngâk hen a rit.

2 SAMUEL 24:24

Sikhawmsele, Lalchem nih, “Silo, a man ka nan pêk lai. Zeikhawm a man tla lo mi hen LALPA sinah thil ka ap awtlo,” a ti. Churawhchun, fâng chîlnâk mun leh chawchal chu tangka sâwmnga hen a châwk rawh.

JOB LASUIBU 28:15

Ngûn leh tangka hen châwk kho asi lo.

EXODUS 30:13

Minung rêlnâk lakah telh mi tla zawng nih chun a man an khiah mi zat chu an pêk ding asi. Mun thenhlimh tahnâk dân hâwi hen an ruat mi rih zat Shekel khingkhuai vima hen. Mikip nih ka sinah an hawng ap mi hawi hen an pêk ding asi.

JEREMIA 32:10

Ka min chu ka rîn le, ka singsiah le, theihpitu tla kan siam le, tangka chu khinghnâk hen kan khingh rawh.

JEREMIA 32:9

Hanamel phâisen chu ka châwk le, tangka chu ka pêk le; a man chu tangka leisarih asi.

EZEKIEL 45:12

“Nan khinghnâk chu hi hâwi asi ding asi: gerah 20 chu sekel khat tluk asi. Sekel 60 chu mina 1 hen a tluk.

ZEKARIA 11:12

An sinah, “Nan duh chun ka rianṭuantu lawh man hawng ka pêk u, asi lo chun kil ko u, churawhchun ka rianṭuan man ding ah tangka sâwmthum an hawng ka pêk.

MATHAI 7:12

“Chuvachun, thil zeizawng mi nih nan tlûnah ti sele, nan duh hâwi hen mi tlûn khawm ah ti bâk u; chu chu Dân leh khuavâng tla thu asi rêng asi.

THILTI 7:16

Sekem khua ah an zawnh le, Abraham nih Sekem khua ah Hamor fapa tla thawk hen tangka hen a châwk mi thlân lakah an vûi rawh.

ROM 13:8

A dâwt tawnhnâk cho lo chu âu sin khawm ah zeikhawm a bat lah u; mah minung hâwi dâwttu nih chun Dân chu a zâwt kim rawh asi.

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

1 THESALONIKA 4:6

chu leikângah chun âukhawm nih buar hen a unau lakah thil ṭhalo ti lah seh; Lalpa chu chu hâwi thil titu zawzawng lehrûl samtu asi ruangah kannih khawm nih kan simkan hen ka nan theihtir na rawh hâwi khan.