GENESIS 22:9 - Bawm Common Language Bible Version

⁹ Pathian nih a simh mi mun chu an va tlung rawh. Abraham nih mâichâm a siam le, a tlûnah thing chu a timhtuah. A fapa chu a ṭêm le, mâichâm tlûnah mi thing pawng tlûnah a thâng.

GENESIS 22:9 ပူးပေါင်းရင်းမြစ်များ

GENESIS 12:7

LALPA chu Abram sinah â langh le, “Hi ram hi na thlâk tla ka pêk ding mi ram chu asi,” a ti. Abram nih chun LALPA a sinah a langhtu sinah mâichâm a siam.

GENESIS 12:8

Chu nûnah chun Bethel khuapi saklei tlâng ram ah â ṭhial le, chunah chun um mun a khuar. Thlanglei ah Bethel a um le, saklei kângah Ai khua a um. Chunah khawm chun mâichâm a siam le, LALPA a sawnh.

GENESIS 13:18

Churawhchun, Abram chu a um mun a ṭhial le, Mamre mi thing thenhlimh kiang Hebron ah a va um rawh, chunah chun LALPA rangah mâichâm a siam.

GENESIS 22:10

Thah ding hen a nâmtê zum chu a lirh rawh.

GENESIS 22:8

Abraham nih, “Pathian nih pakhat hawng kan pêk ko lai,” ti hen a sâng. An panih hen munkhat an kal vima.

GENESIS 8:20

Noa nih mâichâm LALPA rangah a siam le, ran leh vâ thenhlimh chi kip pakhat chiau a lâk le, mâichâm ah bâwlnâk ah a duah hep na.

1 Lal 18:33

Chu mâichâm tlûnah thing a pawng le, chawchal chu a chan dip le, a tlûnah a siah. “Bêl pali khat phak hen tî than ule, chaw sâ leh thing tlûnah tawih u” a ti na le, chu hâwi hen an ti.

SAM 118:27

LALPA chu Pathian asi, kan lakah a ṭha; nan kut hen thing ṭeng put ule, puai tuah dawmh ule, mâichâm hêl u.

MATHAI 27:2

Chun, an phuar le, an kalpi le, governor Pilat sinah an pêk rawh.

MARK 15:1

Chun, zînglei a hawng si kâ hen bâwlpu lal tla chu upa tla leh Dân sîntirtu tla zawzawng hen anna thluk le, Jisu chu an phuar le, an ruai le, Pilat sinah an pêk sawm rawh.

THILTI 8:32

Chun, Pathian lasui thu a rêl liau mi chu hi hi asi: “Thah ding mi dawrâ hâwi hen anih chu an kalpi le, dawrâ fa a mul mêttu mâika ah a dâisip hâwi hen anih khawm nih a kâ a âng loh.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

JEM 2:21

Hawng kan thlâktu Abraham nih chun a fapa Isak chu mâichâm tlûnah a ap liau khan thilti ruangah Pathian lakah midik asi phah lo ma?

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.