GENESIS 22:17 - Bawm Common Language Bible Version

¹⁷ na thlâk tla chu vân ah ârfi zat leh tipi kapah sep zat hen kan pêk lai. Na thlâk tla nih an mêlma tla an neh lai.

GENESIS 22:17 ပူးပေါင်းရင်းမြစ်များ

GENESIS 12:2

Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

GENESIS 13:16

Âukhawm nih rêl châwklo rê ding hen thlâk tla ka nan pêk lai le, mi nih sep an rêl kho lo hâwi hen asi lai!

GENESIS 15:5

LALPA nih lênglei ah a suakpi le, a sinah, “Vân lei khi zauh le, ârfi tla khi rêl nik, khi zat khin na thlâk tla chu tam tak an um lai,” a ti.

GENESIS 17:6

Thlâk tam tak ka nan pêk lai le, an lakah zeimaw mi chu lalchem an si lai. Thlâk tam tak na nei lai le, phun tla an hawng si lai.

GENESIS 24:60

Hi hâwi hen Rebek chu mal an sâwm: Ka farnu, nang hi, nuai tam tak nu hawng si rawh; na thlâk tla nih an mêlma tla khuapi chu neh na seh!” ti hen!

GENESIS 25:11

Abraham thih nûnah Pathian nih ‘Beer-lahai-roi’ (Hawng ka Muhtu a Nung mi Tikhurchawh) ti mi kiangah um mi a fapa Isak rangah mal a sâwm.

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 26:4

Vân ah mi ârfi zat hen thlâk tla ka nan pêk lai. Hi ram zawzawng tla hi ka pêk na lai. Na thlâk tla mal ka sâwm na mi hâwi hen phun zawzawng nih an hawng ka deih lai.

GENESIS 28:3

Pathian zeizawng tikhotu nih nanna umhnâk chu malsâwm sele, fa tam tak an pêk na seh; churawhchun phun tam tak pa hawng si rawh!

GENESIS 28:4

Abraham rangah mal a sâwm mi hâwi hen, nang leh na thlâk tla mal an sâwm na seh, Abraham sinah a pêk mi na umnâk ram hi a ting rawh!” a ti.

GENESIS 32:12

Thu na ka tiamh mi, ka rangah thil zeizawng sul-le-lam tluang ding mi tla, thlâk tam tak âukhawm nih rêl châwklo, tipi kapah sep zat siding hen na sim mi tla kha theihkumza,” a ti.

GENESIS 32:13

Chunah an riak nûnah chun, Jakob nih a neih lakah mi, a ûpa Esau rangah pêk ding hen kêl nunau zanih leh a mipa kul, dawrâ a nunau zanih leh a mipa kul, sangâwngsâu nûk sûr liau mi sâwmthum leh an fa tla, chaw nunau sâwmli leh a chal parâ, sanatung nunau kul leh a chal parâ a thîm.

2 SAMUEL 17:11

Kei krai chu hi hâwi asi, khatlei ram dawng thawk hen khatlei mi, tiva kap ah sep zat hen hawng a pûm na sele, nangmah nih tuknâk ah na ruai na lai.

1 Lal 4:20

Juda leh Israel tla chu tipi kapah sep rêl châwklo hâwi hen an hawng pung le; an din hen an ei le, lâwptlo tak hen an um.

1 Lal 9:26

Lalchem Solomon nih Edom ram ah Agaba tisumsumriat likâwlneng kap Elat kiangah mi Eziongeber ah lawng rual tla a siam.

1 CHRONICLES 27:23

Lalchem David nih minung kum kul tanglei mi chu a rêl na lo, LALPA nih Israel fa tla chu vân ah ârfi zat hen ka tamtir na lai a ti ruangah.

2 CHRONICLES 1:9

LALPA, Pathian, ka pa sinah thu na tiamh mi chu hawng puitlingtir rawh. Rêl châwklo rê, zapi lakah lal ah na ka siam.

NEHEMIAH 9:23

Vân ah ârfi zat hen fa tla na pêk na le, anmah thlâktu tla rangah pêk ding hen na tiamh mi ram na nehtir na hen a sungah na umtir na.

EXODUS 32:13

Na to-aw tla, Abraham, Isak leh Jakob theihkumza na rawh. An sinah na thutiam vân ah ârfi zat siding leh zungzâl hen an thlâk tla nih luah ding hen ram na tiamh mi tla theihkumza rawh,” a ti.

ISAI 48:19

Nan thlâk tla chu sep zat hen an tam lai le, vei lo rawh ding mi an si ti ka theihtir na lai,” a ti.

JEREMIA 32:22

‘An thlâktu rangah thu na tiamh na mi hâwi hen hi neihnâk leh ram ṭha hi na pêk na.

JEREMIA 33:22

Ka to-aw David thlâk tla leh Levi phun lakah mi bâwlpu tla chu vân ah ârfi rêl châwklo leh tipi kapah sep rêl châwklo hâwi hen ka pungtir na lai,” a ti.

HOSEA 1:10

Israel mi tla chu tipi mi sep hâwi hen an tam lai le, rêl châwklo leh tah châwklo rê an si lai. Tuah Pathian nih an sinah, “Ka mi tla nan si lo,” Sikhawmsele “Pathian nung fa tla nan si” an ti na ding ni chu a hawng tlung lai.

HOSEA 2:1

Churuangah na hâwi Israel mi,”Ammia’’ (Pathian Mi tla) leh “LALPA nih a dâwt mi tla,” chu kawh na.

MIKAH 1:9

Samaria â liam mi chu damh kho asi lai lo, Juda khawm chu hâwitê hen a tuar bâk awt; ka mi tla umnâk Jerusalem kulh kawtkâ tiang chu siatnâk nih a phanh rawh” a ti.

ROM 4:13

Dân ruangah Abraham leh a thlâk tla sinah chun laikulh ro tingtu ding asi lai ti lam chu tiamh asi lo le, lungnâk ah repnâk ruangah asi dauh.

ROM 9:27

Isai khawm nih Israel tla thu a phuang le, “Israel tla chu tisumsumriat ah sep zat hen tam khawmsele, a rêp bang cho chu ruangsuah hen an um lai.

1 KORIN 15:57

Sikhawmsele, kan Lalpa Jisu Krist zârah nehnâk hawng kan pêktu Pathian sinah chun lâwmthu um seh.

EPHESI 1:3

Kan Lalpa Jisu Krist Pathian leh Pa chu sawr hen um seh! Anih nih chun vân mun tla ah khin Krist ah chun thlarau lei malsâwm piaknâk kip hen mal hawng kan sâwm le,

DEUTERONOMY 1:10

LALPA, nan Pathian nih chun vân ah ârfi zat hen an tamtir na rawh.

DEUTERONOMY 1:11

LALPA, nan thlâktu tla Pathian nih chun, thu a tiamh mi hâwi hen a let sâng hen an pungtir na sele, nan sul-le-lam an tluangtir na seh!

DEUTERONOMY 10:22

Aigupta ram ah a nan thlâk natu tla an kal liau chun sâwmsarih cho an tling. Tu lam chun LALPA nan Pathian nih vân ah ârfi zat an pungtir na rawh.

DEUTERONOMY 13:17

Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

DEUTERONOMY 13:18

Tusûn ni ah thu ka nan pêk na mi zawzawng hi nan zûl hen a nan ngiar na mi tla nan ti mi asi chun.

DEUTERONOMY 21:19

a nu leh pa nih a umnâk khua mi ruitu tla mâika ah kalpi na sele, lâirêlnâk ah dîrtir seh.

HEBRAI 11:12

Chun, Abraham chu thi khawmsele vân ah ârfi hâwi a tam hen, tisumsumriat kapah sep rêl châwklo hâwi hen an hawng suak rawh.

HEBRAI 6:14

“Mal ka nan sâwm ngelchel lai le, na thlâk tla ka pungtir lai,” ti hen a tiamh rawh.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.