GENESIS 22:1 - Bawm Common Language Bible Version

¹ A nehnûnah chun Abraham chu Pathian nih a nik le, a sinah a kawh, “Abraham,” a ti. Abraham nih “Uai hinah ka um” ti hen a sâng.

GENESIS 22:1 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 21:11

Hi thu nih hin Abraham chu thungâi a lawksawngtir, Ismael khawm a fapa asi bâk ruangah.

GENESIS 22:11

Sikhawmsele, vân thawk hen LALPA vânmifial nih, “Abraham, Abraham!” ti hen, a auh. Anih nih, “Uai, hinah ka um,” ti hen a sâng.

GENESIS 22:7

Isak nih a pa rangah “Pa!” a ti. “Zei me, ka fapa?” ti hen a sâng. Isak nih, “Mei leh thing chu a um le, sikhawmsele, bâwlnâk ding dawrâ chu ka muh lo ne e?” a ti.

GENESIS 37:13

Chun, Jakob nih Josef sinah, ‘Sekem ah na unau le nih ranrual an vêngnâk ah va kal le, ka nan duh’ a ti. Josef nih “Ka tîm ko,” ti hen a sâng.

GENESIS 46:2

Pathian chu zân ah a sinah â langh le, “Jakob, Jokob!” ti hen a auh. “Hinah ka um,” ti hen a sâng.

2 SAMUEL 24:1

LALPA thinrunhnâk chu Israel tla tlûnah a um fâwn, an lawksawngtir ding hen David chu a mang. LALPA nih a sinah, “Kal le, Israel leh Juda mipi rêl rawh,” a ti.

2 CHRONICLES 32:31

Babulon ram ruangrûl ah hawng kal mi nih thâwngthâng tla, thil um dahlo mi a deih le, Hezekiah chu amah thinlung niknâk ding hen Pathian nih a ngâichâng.

SAM 11:5

Misual leh miṭha chu a nik vevê na le, dân nei lo mi chu a thinlung zawzawng hen a hua na.

EXODUS 16:4

LALPA nih Mosi sinah, “Tuah nan ektê rangah vân thawk hen sang ka hawng sûrtir lai. Mi zapi tla nih nisiar hen ni khat vo tâwk ding hen an va sar ding asi. Chu hâwi hen ka sîntirnâk tla hi nan zûl ma zûl lo kan nik na awt.

EXODUS 3:4

LALPA nih Mosi nih a hawng naih mi a muh le, thingbû thawk hen, “Mosi! Mosi!” ti hen a auh. Anih nih, “Hinah ka um, ti hen a sâng.

THUFING LASUIBU 17:3

Tangka leh ngûn chu mei hen nik asi le, minung thinlung lam chu LALPA nih a nik.

ISAI 6:8

Churawhchun, Lalpa thusim ka theih, “Âu me ka fial lai? Kan mifial chu âu asi awt?” a ti. Kei nih ka sâng le, “Keimah ka kal lai! Hawng ka fial rawh!” ka ti.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

DEUTERONOMY 13:3

an thu tla ngâi piak na lah u. LALPA, nan Pathian nih nan thinlung zawzawng hen, amah chu nan dâwt ma dâwtlo ti muh ding duh hen a nan nik na mi asi.

DEUTERONOMY 8:16

Ramkaro ah an thlâk natu tla nih an ei dahlo mi buh manna an pêk na. Nanmah niknâk ding hen harsatnâk an pêk na le, a dawnghnâk ah thil ṭha hen mal an sâwm na ding hen.

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

HEBRAI 11:17

Lungnâk hen Abraham chu thutiam tla ting hen, “Isak lakah hin na thlâk tla an hawng suak lai,” ti hen simh si menza khawmsele,

JEM 2:21

Hawng kan thlâktu Abraham nih chun a fapa Isak chu mâichâm tlûnah a ap liau khan thilti ruangah Pathian lakah midik asi phah lo ma?

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

LÂIRÊL 2:22

Anmah thlâktu tla nih an ti mi hâwi hen hi Israel mi nih hin ka lampi an zawh ma zawh lo rerêng theihnâk ah ka mang na awt,” a ti.

1 SAMUEL 3:4

Samuel nih a sâng le, “Zei me Pu?” a ti.