GENESIS 21:8 - Bawm Common Language Bible Version

⁸ Chun, ngâksia chu a hawng ṭhang le, nûk a tlei rawh chun, Abraham nih puai rokual tak a tuah.

GENESIS 21:8 ပူးပေါင်းရင်းမြစ်များ

GENESIS 19:3

A ngiar chiam na le, a nehnûnah chun a in ah an va kal rawh, Lot nih a to-aw tla rangah sang em hen buh-an ṭha tak khual rangah timhtuah ding hen a fial na, An timhtuah rawh chun an ei rawh.

GENESIS 21:7

Amah ber nih, “Abraham a tar nûnah fapa ka ring piak mi leh fa ka pawm ding mi hi âu me sim khotu um lai?” a ti.

GENESIS 21:9

Ni khat chu, Aigupta nunau Hagar nih Abraham rangah fapa a ring piak mi Ismael leh Sari fapa Isak an pang.

GENESIS 26:30

Isak nih an rangah puai a tuah piak na le, an din hen an ei rawh.

GENESIS 29:22

Laban nih lâwinâk puai a tuah le, mikip a sâwm na.

GENESIS 40:20

A ni thumnâk ah, Pharo suak cham puai lakah rianṭuantu zawzawng a sâwm na le, uain pêktu leh sang pêktu tla hotu chu rêngin ah mi chu a suah na le, a milian tla mâika ah chun a kawh na.

2 SAMUEL 3:20

Abner chu a minung kul hen David sinah Hebron ah an va kal liauah David nih puai a tuah piak na.

1 Lal 3:15

Solomon chu a hawng thawk le, Pathian nih a mang ah thu a sim ti a theih. Churawhchun, Jerusalem ah a va kal le, LALPA Thudântuk Bâwm mâika ah a va dîr le, duahphung bâwlnâk tla leh kawmhnâk bâwlnâk tla LALPA sinah a ap. Chu nûnah chun a rianṭuantu zawzawng tla sinah puai a tuah piak na.

ESTHER 1:3

A lal kum thumnâk ah a rianṭuantu leh ram zauhkhenhtu rangah puai a pêk na. Persia leh Media kawrsen tla khawm an um, ram lâirêltu leh milian tla khawm an um.

SAM 131:2

Chu ngâk hen chun, lungsi tak leh lungngam tak hen um ka duh dauh. Fa chu a nu ṭângka ah â ngauh mi hâwi hen ka thinlung nuam tak hen a um.

HOSEA 1:8

Gomer chu a fanu nûk a tlei nûnah a râi nawlh le, fapa dang a ring.

LÂIRÊL 14:10

A pa chu nungâk in ah a va kal le, Samson nih puai a tuah. Chu chu tlangvâl ti dân asi.

LÂIRÊL 14:12

Samson nih an sinah, “Thu theih har ka nan deih na lai. Hi umhnâk puai lîm lân ni sarih sungah simhfiangnâk nan hawng ka pêk kho lo chun puan mangṭhia leh nipuan thleng ṭha tak châwi ding hen a kam chiau u,” a ti. Annih nih, “Thu har chu hawng kan simh me ne, kan ngâinik lai,” an ti.

1 SAMUEL 1:22

Chu tan ah chun Hanah chu a va kal lo, a pasal sinah, “Hi ngâksia hi a tlei dauh tikah LALPA in ah ka kalpi lai le, chunah chun a san tlum hen a um lai rawh,” a ti.

1 SAMUEL 1:24

Chun, a tlei dauh rawh chun Siloh khua ah a kalpi le, kum thum mi chawchal a put le, sangvut kilogramme râ leh uain savun dûr khat a put. Samuel chu a kalpi le, a ngâksia ual rih; Siloh khua ah LALPA in ah a kalpi rawh.

1 SAMUEL 25:36

Abigail chu Nabal sinah a kîr le, Nabal lam chu lal hâwi hen puai a tuah le, zû a rî le, nuam but hen a um. Churuang chun a thâizîng khua a dei lânlo chu zeikhawm a simh lo.