GENESIS 21:6 - Bawm Common Language Bible Version

⁶ Sari nih, “Pathian nih lâwmnâk leh nihnâk hawng ka pêk rawh, a theihtu zawng nih an hawng ka nihpi lai,” a ti.

GENESIS 21:6 ပူးပေါင်းရင်းမြစ်များ

GENESIS 17:17

Abraham chu a mêl tual tawngh khet hen a kûn le, a dawn dudup le, a nih a suak, “Mi kum zâ a tling nûnah fa nei kho asi awt ma le? Sari hi kum sâwmkua asi mi nih fa a nei kho awt ma?” a ti.

SAM 113:9

Nupi fa nei lo chu a in ah a thang a ṭhattir le; fa tla pêk hen a lawmhtir. LALPA chu sawr u!

SAM 126:2

Nih leh khêk hen, lâwmnâk la sak hen kan um le! Phun dang tla nih anna thawh le, “LALPA nih an rangah thil rokual tak a ti,” an ti.

ISAI 49:15

Churuangah LALPA nih a sâng le, “Nunau nih a fa a philh hen a pâwi mi fasêm dâwt lo hen a um mazei? Nunau nih a fasêm a philh menza khawmsele kei chu ka nan philh dah na awtlo.

ISAI 49:21

Churawhchun, nangnih na thinlung ah ‘Âunih me ka rangah hi zawzawng fa an ring? Ka fa tla ka thlâu hep le, ka nei kho lo rawh mi kei tâ nih sal ah tâng hen nar hen ka um mi âunih hi zawng fa tla hi a châwm na? Keimah lâwng mâk hen ka um mi, hi bang fa tla hi zei thawk hen me an hawng?’ ” na ti lai

ISAI 54:1

Jerusalem, nang chu nunau fa nei lo hâwi na si le, sikhawmsele tu lam chu lâwm ruangah la sak hen âu kho na si rawh. Tu chun nunau, a pasal nih a umpi kumza mi ngâk hen fa tam dauh na nei lai.

JEREMIA 20:15

Mipa ngâksia asi! Mipa fa na nei rawh! ti thâwng ka pa rangah simh hen lawmhtirtu chu siatbarh hen um seh.

LUK 1:14

Chun, nang na lâwptlo hen na lâwm lai le; amah a suak tikah mi cherkhet anna lâwm lai.

LUK 1:58

Chun, a zâwlbâwm tla leh a rualsia tla nih chun Lalpa nih thungâi khua a ruat ti an theih le, an lawmhpi.

ROM 12:15

 lâwm mi tla chu lâwmpi ule, a ṭap mi tla chu ṭappi u.

HEBRAI 11:11

Lungnâk hen Sari khawm nih a tiamhtu chu zumhkâi hen a ruat ruangah a tar nûnah fa pâwi khonâk â ting.

1 SAMUEL 1:26

Hanah nih Eli sinah, “Pu, zângfahtê hen hawng ka ngaihdam, na ka theih ko rih ma? Hinah nunau a dîr hen LALPA sinah thlachamtu na ka muh mi kha kasi.