GENESIS 21:14 - Bawm Common Language Bible Version

¹⁴ A thâituan zîngtê ah Abraham nih Hagar chu buh leh savun tî dûr tî khat phak mi a pêk. A dunglei ah a fa chu a pâwktir le, a kaltir rawh. Hagar chu a kal le, Bersheba ramkaro ah a vâi lemang.

GENESIS 21:14 ပူးပေါင်းရင်းမြစ်များ

GENESIS 16:7

LALPA vânmifial nih Hagar chu ramkaro mi lampi Sur leikângah a kal mi tinung va ah a tawng le,

GENESIS 19:27

A thâituan zîngtê ah Abraham chu LALPA mâika ah a dîrnâk ah mawhsareh hen a va kal.

GENESIS 21:13

Hi salnu fapa rang khawm hin fa tam tak ka pêk bâk lai. Phun pakhat an hawng si lai le, anih khawm na fapa asi,” a ti.

GENESIS 21:15

Tî a dih rawh chun, a fa chu thing bû tangah a siah thlap le,

GENESIS 21:31

Chu mun min ah chun Bersheba a ti, an panih hen chunah chun thutiamhnâk an siam ruangah.

GENESIS 21:33

Chun, Abraham nih Bersheba ah Tamarik thing a phun le, LALPA, Zungzâl Pathian chu a sawnh.

GENESIS 22:19

Abraham chu a to-aw tla sinah a kîr le, a rual hen a umnâk Bersheba leiah an kîr rawh.

GENESIS 22:3

A thâituan zîngtê ah Abraham nih a bâwlnâk rangah thing châr a khawmh le, sanatung a phurhtir le, Isak leh a to-aw panih chu a sinah a put na. Pathian nih a simh mi mun ah chun kal ding anna thawh rawh.

GENESIS 24:54

Abraham to-aw leh a hâwi tla nih an din hen an ei le, zân khat an riak. Zîng ah an thawk le, “ka pu leiah hawng ka kîrtir u rawh,” a ti.

GENESIS 25:6

Sikhawmsele, a dam liauah a nupi dang fa tla sin khawm ah thil tla a pêk na bâk. Hi bang a fapa tla hi saklei ram ah, a fapa Isak thawk hen ram lât takah a fial ving na.

GENESIS 26:31

A thâituan zîngtê ah mikip nih mah thutiam chiau siatsirh hen an birhtir. Isak nih, ‘dam bâk u’ ti hen hâwikawmh ṭha tak si hen an ṭian rawh.

GENESIS 26:33

Chu tikhurchawh min chu ‘Shebah’ (Thutiamnâk) a ti. Chu chu asi Bersheba khuapi nih min a putnâk san chu.

GENESIS 28:18

A thâituan zîng ah Jakob chu a thawk le, â tlinh mi lung chu a lâk le, theihkumzanâk ding hen a phun. Pathian sinah ap ding hen oliv sariak a tawih.

GENESIS 37:15

chu ram ah chun a vâi le, minung pakhat nih a muh le, a sinah, “Zei me na hâwl?” a ti.

GENESIS 46:1

Jakob chu a thil a ri zawzawng a timh le, a pa Isak Pathian sinah â bâwlnâk mun Bersheba ah a kal rawh.

1 Lal 19:3

Elija chu a ningṭih le, a nungnâk him ding hen a to-aw a kalpi le, Juda ram ah mi Bersheba ah a kal rawh. Chunah chun a to-aw a mâk thlap le,

2 CHRONICLES 29:20

Sâwtlotê ah lalchem Hezekiah nih khuapi mi ruitu tla a pumh na le, anmah tla hen a rual hen Biakin ah an va kal.

SAM 107:4

Lampi umlonâk ramkaro ah mi zeimaw mi an vâi le, um ding hen khuapi lei kalnâk an tawng kho lo.

SAM 119:60

Na thupêk tla zûl ding hen ka nam.

THUFING LASUIBU 27:14

Zîngtê hen na hâwipa rangah ṭhangh hen aw-hâu fâk tak hen chibai na ti chun na hâwipa rangah siat na barh mi asi.

THUFING LASUIBU 27:8

Mi nih in a kaltâk chun, va nih a bû a kaltâk mi hâwi asi.

THUSIMTU 9:10

Na thilti zeizawng lakah hamh tak hen ṭuan rawh, hi laikulh thihnâk ah chun, thilti, thinlung dawn, theihhâk tla, finghnâk a um awtlo rawh ruangah; chunah chun nang khawm kal ding mi na si.

ISAI 16:8

Hesbon kiangah mi phâisen leh Sibmah mi grep dûm chu veih hen an um. Chubang lakah mi uain chu phun lakah lâirêltu tla nih an din tâwn. Veikhat chu grep zûn chu Jazer khuapi tiang a zâm le, saklei kângah chun ramkaro tiang, thlanglei kângah chun Tipi Thi varâl tiang a zâm.

JOHAN 8:35

Sal chu zungzâl hen in ah a um kumza lo; fapa lam chu zungzâl hen a um kumza tâwn.

JOSUA 3:1

A thâituan zingtê hen Josua leh Israel mi zawzawng tla an thawk le, Akasia mun chu an kaltâk le, Jordan Va kanh hen anna ngâknâk mun leiah an kal rawh.

1 SAMUEL 15:12

A thâizîng zîngtê ah Saul hâwl ding hen a kal rawh. Saul chu Karmel khuapi ah a kal le, chunah chun amah theihkumzanâk ding hen lung a phun le, Gilgal leiah a kal rawh.