GENESIS 21:12 - Bawm Common Language Bible Version

¹² Sikhawmsele, Pathian nih Abraham sinah, “Na salnu leh a fapa ruangah lawksawng lah, Sari nih a sim zia hen ti ko, thlâk tla ka nan tiamh mi kha Isak thawk hen ding mi asi ruangah.

GENESIS 21:12 ပူးပေါင်းရင်းမြစ်များ

GENESIS 17:19

Sikhawmsele, Pathian nih, “Silo. Na nupi Sari nih fapa a nan ring piak lai le, a min ah Isak na sak lai. A sinah leh a thlâk tla sinah thudân ka tuk mi chu ka theihkumza lai. Chu chu zungzâl thudântuk asi.

GENESIS 17:21

Sikhawmsele, na fapa Isak sinah thudân ka tuk mi chu ka theihkumza lai le, kumvei ah tu tik ding ah Sari nih a ring ding mi chu,” a ti.

ISAI 46:10

A bul thawk hen a hawng um nawlh ding mi tla ka simkan le; a lân thawk hen thil a hawng um ding mi khawm ka simkan. Ka thiltum tla chu ka tlawlh lai lo le, ti ding hen thil zeizawng ka tum mi tla chu ka ti nget lai ti ka sim.

GALATIA 4:30

Sikhawmsele, Pathian lasui thu nih zeitin a sim: “Salnu chu a fapa hen nar rawh; salnu fapa nih chun salnu lo fapa chu ro a tingpi awtlo,” a ti.

HEBRAI 11:18

Pathian nik hen a um liauah a fapa neihlem chu bâwlnâk ah pêk ding hen â tîm rawh.

1 SAMUEL 8:7

LALPA nih, “Mi zapi nih na sinah an deih mi zawng chu ngâi piak na ko. Nangmah an duh lo mi lâwng asi lo le, keimah tiang an lal rangah an ka duh lo mi asi.

1 SAMUEL 8:9

Churuangah chun êt piak na ko le, sikhawmsele simhkannâk fâk tak pêk na le, an lal neih tla nih an nâuneh na awt mi tla khawm simhfiang na,” a ti.