GENESIS 20:9 - Bawm Common Language Bible Version

⁹ Chun, Abimelek nih Abraham a kawh le, “Kan lakah zei thil me na ti? Ka tlûnah leh ka ram lakah siatnâk na hawng tlungtir rê ding hen zei thilsual me na lakah ka ti? Ka lakah thil na ti mi hâwi hi âukhawm nih an ti dahlo.

GENESIS 20:9 ပူးပေါင်းရင်းမြစ်များ

GENESIS 12:18

Churawhchun, lalchem nih Abram sinah mi a fial le, “Zei rangah ka lakah hi hâwi hen thil na ti? Na nupi asi mi zei rangah na hawng ka simh lo?

GENESIS 20:10

Zei ruangah hi hâwi na ti zia?” a ti.

GENESIS 20:8

A thâituan zîngtê ah Abimelek nih a rianṭuantu zawzawng tla chu a kawh na le, thil umdân a simh na le, thungâi an lâu.

GENESIS 26:10

“Kan lakah zei zia hi hâwi na ti?” a ti. Abimelek ber nih, “Ka minung âutal nih na nupi hi awl tak hen an ihpi lai le, kan sualnâk mawh chu nangmah mawh asi lai,” a ti.

GENESIS 29:25

A thâizîng khua a dei lânlo chu Jakob nih Leah asi ti a theih lo thlo. Laban sinah a va kal le, “Zei rangah hi hâwi hen na ka ti zia? Rakel tawng ding hen rian ka ṭuan mi lakah zei rangah na ka perpet?” a ti.

GENESIS 34:7

chu chu Jakob fa tla phâi thawk hen an hawng kîr lântê asi. Chu thu an hawng theih rawh chun, an thinlung a purh khit le, Israel mipi zauhnawmh hen Sekem nih Jakob fanu a tleihrêm mi thu ah thungâi an thin a thawk.

GENESIS 38:24

Thla thum nûnah mi âumawh nih Juda sinah, “Na monu Tamar â zuar mi hâwi hen thil a ti le, a râi rawh,” a ti. Juda nih, “Suah ule, thi thlo hen rawh ko u,” ti hen thu a pêk.

GENESIS 39:9

Amah hen bang cho hen hi in ah hin thuneitu ah hawng ka siam, nangmah cho lo chu ka kut ah ap lo mi zeikhawm a um lo, zeitin kha bang hâwi thil diklo ti hen Pathian tlûnah thilsual ka ti kho lai?” a ti.

2 SAMUEL 12:5

David chu mineipa thu lakah thungâi a rothawk le, “LALPA a nung mi min sâl hen ka tiam, chu hâwi minung chu thi tlâk asi!

2 SAMUEL 13:12

Tamar nih, “Ka duh loh, chubang hâwi thangduainâk ding hen hawng ka ti êu lah. Hi hâwi chu a mualpho tuk!”

EXODUS 32:21

Aron sinah, “Hi bang hâwi sual ṭihnungkâi titir ding hen hi minung tla nih hin zeitin a nan ti?” a ti.

EXODUS 32:35

Churawhchun, LALPA nih mi zapi nâwngah râi a fial, Aron rangah ngûn chawchal lem siam ding an nâwr ruangah.

THUFING LASUIBU 28:10

Mi dik rangah thilsual ti ding hen na perpet chun nangmah thang nih a nan awh lai. Sualnâk nei lo mi chu lâwmman ṭha tak pêk asi lai.

LEVITICUS 20:10

Mi âuzawng mah Israel mi tla nupi hen ṭângdang pawmtu chu an panih hen thah ding asi.

ROM 2:11

Pathian nih mi zawzawng bang ver hen a zauhkhenh ruangah.

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

JOSUA 7:25

Josua nih, “Zei rangah kan lakah nawknâk na siam? LALPA nih na tlûnah nawknâk a hawng tlungtir bâk lai!” a ti. Churawhchun, mi zapi tla nih Akan chu lung hen thi thlo an seh; a dâwngsung tla khawm chu hâwi hen lung hen an seh na le, a neih zawzawng khawm an duah hep.