GENESIS 20:7 - Bawm Common Language Bible Version

⁷ Sikhawmsele, tuah nunau chu a pasal sinah khirh nawlh; anih chu khuavâng asi, thla an cham piak lai le, na thih lonâk ding hen. Sikhawmsele, na khirh lo asi chun, nang leh na mi tla an thi ver awt tih kan theihtir,” a ti.

GENESIS 20:7 ပူးပေါင်းရင်းမြစ်များ

GENESIS 12:15

Mi lian tla nih an muh le, a mêlṭhat zia chu lalchem an simh; churawhchun lal in ah an kalpi rawh.

GENESIS 12:17

Sikhawmsele lalchem nih Sarai a lâk mi ruangah chun lalchem leh a lal in ah mi tla lakah LALPA nih râi ṭihnungkâi tak a fial.

GENESIS 20:3

Zân khat chu a mang ah Pathian â langh le, “Hi nunau na lâk mi ruangah na thi lai, pasal a nei mi asi,” a ti.

GENESIS 20:8

A thâituan zîngtê ah Abimelek nih a rianṭuantu zawzawng tla chu a kawh na le, thil umdân a simh na le, thungâi an lâu.

GENESIS 23:6

“Pu, kan thu ngâi rawh. Ruitu chak tak hâwi hen kan ruat; kan nei mi thlân ṭha chem mi lakah na nupi chu vûi ko. Kan lakah âuzawng nih thlân pêk ding chu an siang lai, amah na vûi khonâk ding hen,” an ti.

2 SAMUEL 24:17

David nih vânmifial nih mipi a thah mi a muh le, LALPA sinah, “Keimah kasi a sual mi chu. Kei kasi thil diklo titu chu. Hi mipi ngâkṭah tak tla nih zei an sual? Kei leh ka dâwngsung tla rêp dauh na,” a ti.

1 Lal 13:6

Lalchem Jeroboam nih khuavâng sinah, “Zângfahtê hen LALPA na Pathian sinah thlacham le, ka bân a dam khonâk ding hen hawng ka ngiar piak râu rawh,” a ti. Khuavâng nih LALPA sinah thla a cham piak le, lal kut chu a dam rawh.

2 Lal 5:11

Naaman chu a thinthawk bû hen a kal le, “A suak tal hawng suak sele, LALPA a Pathian sinah thlacham hen a kut ka mâ tlûnah thâng hen hawng ka damh ding ka ruat mi!

1 CHRONICLES 16:22

“Ka to-aw thîm tla chu nganfâk pêk na lah ule, ka khuavâng tla chu tawngh lah na u,” ti hen.

2 CHRONICLES 30:18

Mi tam tak Efraim, Manaseh, Isakar leh Zebulun phun hawng kal mi tla khawm dân hâwi hen thenhlimhnâk anna timhtuah lo le, churuang chun Kalkanh Kût chu mang ding hâwi hen an mang kho lo. Lalchem Hezekiah nih hi hâwi hen an rangah thla a cham piak na:

JOB LASUIBU 34:19

Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

JOB LASUIBU 42:8

Tuah nanmah rang ding ah chawchal pasarih leh dawrâ chal pasarih Job sinah kalpi ule, bâwlnâk rangah ap u. Job nih thla an cham piak na lai le, kei nih a thlachamnâk ka sâng lai le, nan ti mi hâwi hen nan rangah ningzak a kâi lai loh. Anih nih a ti mi hâwi hen ka thu hi dik hen nan sim lo,” a ti.

SAM 25:14

LALPA chu amah thu ngâitu rangah chun an hâwikawmh asi le, an sinah a dân thu chu a birhtir.

EXODUS 18:17

Churawhchun, Jethro nih, “Na ti dân a diklo.

EXODUS 4:16

Nangmah ruangrûl ah thusimtu asi lai le, na ruangrûl ah zapi minung sinah thu a sim lai. Churawhchun, nang chu Pathian hâwi hen sim ding mi zawzawng amah chu na simh lai.

EXODUS 7:1

LALPA nih, “Lalchem sinah Pathian hâwi hen ka nan siam awt, na unaupa Aron chu khuavâng hâwi hen lalchem sinah thusimtu asi lai.

JEREMIA 14:11

LALPA nih ka sinah, “Hi bang minung tla ṭangpi ding hen hawng ka ngiar lah.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 27:18

Khuavâng tak an si hen ka thuchah simtu an si chun, Biakin ah mi leh lal in ah mi thil-le-rî Babulon ah kalpi lo ding hen Kei, LALPA, Zeizawng tikho sinah hawng ka deih na seh me,” a ti.

EZEKIEL 3:18

Misual chu a thi ding asi ka ti mi lakah, nangnih rim ding hen leh a nungnâk hum ding hen na simh lo hen misual si bû hen a thi asi chun, a thihnâk mawh chu nangmah kan phurhtir awt.

EZEKIEL 33:8

Misual chu thi ding asi ka ti mi lakah nung ding hen a umdân lêt ding hen na simhkan lo hen sual si bû hen a thi chun, a thihnâk mawh chu nangmah tlûnah ka thâng awt.

LEVITICUS 6:4

Mi âuzawng nih hi bang hâwi hen a sual chun, zumh a kai lo mi ruangah a neih zei tal hen a rulh ding asi. A sualnâk theih asi ni ah tling khap hen a dâwngpu sinah a rulh ding asi, chu nûnah a lei zâ lû ah kul a dân hâwi hen a pêk ding asi.

LEVITICUS 6:7

Bâwlpu nih chu minung sualnâk rang ding ah bâwlnâk a ap lai le, ngaihdam asi lai rawh.

THILTI 8:24

Chun, Simon nih, “Nan sim mi hi zeikhawm ka tlûnah a tlung lonâk ding hen Lalpa sinah thla hawng ka cham piak u,” a ti le, a sâng.

1 KORIN 14:4

Hawlh theih lo hen thusim nih chun mah cho a siam ṭha tâwn, thusimtu lam nih chun kawhmi tla a siamṭha dauh tâwn.

HEBRAI 1:1

A lânah Pathian nih kan thlâktu tla sinah vei tam tak leh kâng tam tak hen khuavâng tla mang hen thu a sim le,

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

1 JOHAN 5:16

Âuzawng a unaupa nih thihnâk khawp rê hen a tling lo mi sual ti hen muh sele, nungnâk pêk awttu Pathian chu a deih lai le, a deihnâk chu a siang piak lai. Sikhawmsele, thihnâk khawp rê sual a um le, chu hâwi mi rang chun deih piak ding ka ti mi si lo.

1 SAMUEL 12:19

“Pu, zângfahtê hen kan thi lonâk ding hen LALPA na Pathian sinah hawng kan deih piak. Tuah kan sualnâk zawzawng dang chu siah rih hen lalchem kan deih mi thu ah hin kan palh rawh ti kan theihfiang,” an ti.

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.

1 SAMUEL 7:5

Churawhchun, Samuel nih Israel mi tla chu Mizpah ah a tawng ding hen a chah na le, “Chunah chun LALPA kan ngiar piak na lai,” a ti.

1 SAMUEL 7:8

Samuel sinah, “Philistia mi tla lakah ruang hawng kan suah ding hen LALPA sinah thlacham kumza ko,” an ti.