GENESIS 20:3 - Bawm Common Language Bible Version

³ Zân khat chu a mang ah Pathian â langh le, “Hi nunau na lâk mi ruangah na thi lai, pasal a nei mi asi,” a ti.

GENESIS 20:3 ပူးပေါင်းရင်းမြစ်များ

GENESIS 12:17

Sikhawmsele lalchem nih Sarai a lâk mi ruangah chun lalchem leh a lal in ah mi tla lakah LALPA nih râi ṭihnungkâi tak a fial.

GENESIS 12:18

Churawhchun, lalchem nih Abram sinah mi a fial le, “Zei rangah ka lakah hi hâwi hen thil na ti? Na nupi asi mi zei rangah na hawng ka simh lo?

GENESIS 20:7

Sikhawmsele, tuah nunau chu a pasal sinah khirh nawlh; anih chu khuavâng asi, thla an cham piak lai le, na thih lonâk ding hen. Sikhawmsele, na khirh lo asi chun, nang leh na mi tla an thi ver awt tih kan theihtir,” a ti.

GENESIS 28:12

Mang a manh le, leilâk tual thawk hen vân sunh khet mi a muh, chu lakah chun vân minung tla ṭum leh kâi mi a muh.

GENESIS 31:24

Chu zân chun Laban sinah mang ah Pathian â langh le, “Jakob rangah zeitin khawm nehsawh lo ding hen a thiamthih,” ti hen a simh.

GENESIS 37:5

Zân khat chu Josef nih mang a nei le, a mang thu chu a unau tla a simh na le, a lân ngâk hen an hua dauh.

GENESIS 37:9

Josef nih mang dang a nei nawlh le, a unau tla sinah, “Mang dang ka nei fâwn, chu lak chun nî, thlâ leh ârfi leikhat tla nih an hawng ka mâimûk mi ka muh,” a ti.

GENESIS 40:5

Zân khat chu rêngin ah uain pêktu leh sang pêktu mang an nei veve le, an mang chu â dang veve.

GENESIS 40:8

Annih nih, “Kan panih hen mang kan nei veve le, chu mang chu hawng kan simhfiangtu pakhat khawm an um lo ruangah,” an ti. Josef nih, “Mang simhfiangnâk pêk khotu chu Pathian asi, nan mang chu hawng ka simh ko u me,” a ti.

GENESIS 46:2

Pathian chu zân ah a sinah â langh le, “Jakob, Jokob!” ti hen a auh. “Hinah ka um,” ti hen a sâng.

1 CHRONICLES 16:21

Sikhawmsele, Pathian nih âukhawm a nehsawhtir na lo le, a kilkâwi hen lal tla chu ningṭih a phaih na:

JOB LASUIBU 33:15

Zân ah mi tla an it liau khawm ah, manglei leh langhnâk hen Pathian nih thu a sim.

JOB LASUIBU 33:17

Pathian nih a zûm lo ding leh sual lo rawh ding hen an sinah thu a sim.

SAM 105:14

Sikhawmsele anmah nehsawh ding hen Pathian nih pakhat khawm a siang na lo; anmah hum ding hen lal tla chu ningṭih a phaih na.

JONA 3:4

Jona chu chu khuapi chu a lût a dawmhnâk thawk hen ni khat kal a tling rawh chun thu a sim le, “Ni sâwmli karah Ninevi khua chu â râwk lai!” a ti.

NUMBER 22:9

Pathian chu Balaam sinah a hawng le, “Âu me na sinah riak mi tla hi?” a ti.

MATHAI 1:20

Sikhawmsele, chubang thu chu a dawn liauah, ngâinik, a mang ah Lalpa vânmifial a sinah â langh le, “Josef, nang David fapa, na nupi Mari chu umpi ding ṭih lah; a nâu pâwi chu Thlarau Thenhlimh lakah mi asi.

MATHAI 27:19

Chun, lâirêlnâk tophah ah chun a to liauah, a nupi nih, “Kha mirep tak tlûnah khan zeikhawm ti lah; tusûn hin amah ruangah mang leiah thil tam tak ka tuar asi,” ti hen, a chah.