GENESIS 2:3 - Bawm Common Language Bible Version

³ A ni sarihnâk ni chu mal a sâwm le, chu ni ah chun a thilsiam chu a lîm rawh ruangah leh rianṭuan a dinhtâk ruangah a bîk hâwi hen a dangtê hen a thlei rawh.

GENESIS 2:3 ပူးပေါင်းရင်းမြစ်များ

GENESIS 1:31

Pathian nih a siam mi zawzawng tla a zauh le, thungâi thlâk hen â lâwm. Zânlei a vei le, zînglei a hawng um, chu chu a ni ruknâk asi.

GENESIS 2:2

Chun, Pathian nih a thilsiam chu a lîm rawh ruangah ni sarih ni ah chun a dinhtâk rawh.

GENESIS 2:4

Chu chu laikulh siam dân chu asi. LALPA Pathian nih laikulh a siam liauah,

NEHEMIAH 9:14

Na Dinhni chu thenhlimh tak hen mang ding hen na sîntir na le, na to-aw Mosi mang hen dân tla na pêk na.

EXODUS 23:12

“Zarhkar khat ah ni ruk kar rianṭuan ule, sikhawmsele, a ni sarih ni ah chun ṭuan lah u. Chu tikah nan sal tla leh ramdang mi tla rian an ṭuan piak natu leh nan ran tla anna dîn kho lai.

EXODUS 34:21

“Ni ruk kar rianṭuannâk ding nan nei, a ni sarih ni ah chun rian nan ṭuan ding asi lo, fângzûn liau khawm si seh, phâisen nâwn liau khawm si seh.

THUFING LASUIBU 10:22

LALPA malsâwmnâk nih asi a nan neitir mi chu. Tha fâk tak rianṭuan nih an neitir khun lai loh.

EZEKIEL 20:12

Anmah leh keimah karah remnâk singsiahnâk Dinhni ulh ding hen kei, LALPA nih thenhlimh tak hen ka siam ti theihtir na ding hen.

LEVITICUS 23:3

Ni ruk kar nan rianṭuannâk ding nan nei, sikhawmsele a ni sarih ni chu Dinhni asi ti theihkumza u. Chu ni ah chun rianṭuan lah ule, Pathian sawnh ding hen a pûm u. Dinhni chu LALPA tâ asi, zei mun tal ah um khawm ule mang vima u.

MARK 2:27

Chun, amah ber nih chun an sinah, “Dinhni hi minung rangah siam asi le, minung hi Dinhni rangah siam asi lo.

LUK 23:56

Chun, an lâwi nawlh le, zeilo rimthâw tla leh sariak rimthâw tla an siam. Chun, Dinhni ah chun thupêk hâwi hen anna dîn rawh.