GENESIS 2:25 - Bawm Common Language Bible Version

²⁵ Mipa leh nunau chu takkaro hen an um vevê le, sikhawmsele pawi tinâk an nei lo.

GENESIS 2:25 ပူးပေါင်းရင်းမြစ်များ

GENESIS 3:7

An ei kâ hen theihthiamnâk an hawng nei le, takkaro an si zia anna theih rawh; churawhchun theipi nah an ṭhit le, anna aih.

SAM 25:3

Nangmah zumhtu tla tlûnah chun nehnâk na tlungtir lo, sikhawmsele, nangmah lakah heltu tla sin cho a tlung.

SAM 31:17

LALPA, ka nan auh asi; mualpho hen hawng ka umtir lah. Misual chu mualpho hen um sele, laikulh thihnâk lakah dâidep hen kaltir na.

EXODUS 32:25

Mosi nih mi zapi tla chu Aron nih a zauhkhenh neh na lo zia leh an mêlma tla mâika ah â tak hen a siam na mi chu a muh rawh.

ISAI 44:9

Milem tla siamtu zawzawng chu zeikhawm asi lo, pathian tla rangah lâwmman sâng tak an pêk mi khawm zeikhawm asi lo. Chu hâwi milem sawnhtu chu mitchâw leh zeikhawm theihlo mi an si, an ning a zak teh lai.

ISAI 47:3

Mi nih takkaro hen an muh lai le, ningzak tak leh nâu tak hen an muh lai. Phû ka lam lai le, âukhawm nih an hawng ka khap lai loh,” a ti.

ISAI 54:4

Ṭih lah, ningzak saih hen na um lai lo rawh le nâutir khawm na si lai lo rawh. Nupi seino tê hâwi hen zumh na kâi lonâk leh numei hâwi hen thim pem hen na um mi tla chu na philh lai rawh.

JEREMIA 17:13

LALPA, nang chu Israel lungumnâk na si le; nang rangah an kaltâktu zawng chu ningzak saih hen an um lai. Nang, LALPA tinungva thar a nan kaltâk ruangah phildip lakah min rîn hâwi hen an vei lai.

JEREMIA 6:15

Hi bang thil nâwmtâm an ti ruangah an ning a zak ma? Zak lo e, an ning a zak rîlmâl lo; zei hâwi ningzak a kâi ti khawm an theih lo. Churuangah midang an tlû mi hâwi hen an tlû lai le; anmah ka rêp na tikah an dawnghnâk asi lai rawh. Kei, LALPA nih ka sim asi,” a ti.

EZEKIEL 16:61

Chu lakah thil na ti mi leh ningzakkâi tak hen na um mi chu na unu leh na naunu na tawng nawlh na tik chun an theihkumza lai. Na fanu hâwi hen ka umtir na lai le, chu hâwi sikhawmsele hi hi na lakah thudântuk mi lam chu asi lo.

JOEL 2:26

Tu lam chun ei ding tam tak nan nei lai rawh le, nan khim lai rawh; nan rangah thilchê titu LALPA chu nan sawr lai rawh. Ka mi tla chu zauhnawmh hen an um lai lo rawh.

MARK 8:38

Âuzawng tu san zumhkâilo leh thilsual ti mang tla lakah keimah leh ka thu zahpitu zawng chu, Minung Fapa nih hin vânmifial thenhlimh tla hen a Pa rokualnâk ah a thuam hen a hawng kal tikah chun chu minung chu a hawng zahpi bâk lai,” a ti.

LUK 9:26

Âuzawng keimah leh ka thu zahpitu zawng, Minung Fapa nih hin, amah rokualnâk hen leh a Pa rokualnâk hen vânmifial thenhlimh tla rokualnâk hen a hawng kal tikah chun, chu minung chu a zahpi lai.

ROM 10:11

Pathian lasui thu nih, “Âuzawng amah lungtu vial an mualpho lai loh,” a ti asi.