GENESIS 2:2 - Bawm Common Language Bible Version

² Chun, Pathian nih a thilsiam chu a lîm rawh ruangah ni sarih ni ah chun a dinhtâk rawh.

GENESIS 2:2 ပူးပေါင်းရင်းမြစ်များ

GENESIS 1:31

Pathian nih a siam mi zawzawng tla a zauh le, thungâi thlâk hen â lâwm. Zânlei a vei le, zînglei a hawng um, chu chu a ni ruknâk asi.

GENESIS 2:3

A ni sarihnâk ni chu mal a sâwm le, chu ni ah chun a thilsiam chu a lîm rawh ruangah leh rianṭuan a dinhtâk ruangah a bîk hâwi hen a dangtê hen a thlei rawh.

EXODUS 23:12

“Zarhkar khat ah ni ruk kar rianṭuan ule, sikhawmsele, a ni sarih ni ah chun ṭuan lah u. Chu tikah nan sal tla leh ramdang mi tla rian an ṭuan piak natu leh nan ran tla anna dîn kho lai.

EXODUS 31:15

Nan rianṭuannâk ding ah ni ruk nan nei, a ni sarih ni lam chu dinhnâk ni rangah ka sinah apnâk ni asi. Chu ni ah rianṭuantu zawng chu thah ding asi lai.

EXODUS 31:17

Hi hi Israel mi zapi leh keimah karah singsiahnâk um kumza ding mi chu asi. Kei, LALPA nih tual leh vân ni ruk sungah ka siam le, a ni sarihnâk ah ka rianṭuan chu Ka dinhtâk ruangah,” a ti.

ISAI 58:13

LALPA nih, “Dinhni chu thenhlimh tak hen na ulh hen chu ni ah nangmah duhkâng na ti lo hen; ka ni thenhlimh na sung-û tir hen na zah hen chu ni chu khualtlâwngnâk, rianṭuannâk ah mawh dâithlâng tak hen thuruatnâk ah na mang lo mi asi chun,

JOHAN 5:17

Sikhawmsele, Jisu nih annih chu a sawnh na le, an sinah, “Ka Pa nih tutiang khawm hen rian a ṭuan tâwn, kei khawm nih ka ṭuan tâwn,” a ti.

DEUTERONOMY 5:14

sikhawmsele a ni sarih ni chu ka sinah ap hen dinhnâk ni chu asi. Chu ni ah chun âukhawm nih rian an ṭuan ding asi lo, nan fa tla, nan sal tla, nan ran tla, ramdang minung nan ram ah mi tla khawm nih an ṭuan ding asi lo. Nanmah hâwi hen nan sal tla khawm anna dîn ding asi.

HEBRAI 4:10

Âuzawng lût hen Pathian sinah â dîn mi chu Pathian nih a rianṭuan a dinhtâk hâwi hen a rianṭuan a dinhtâk.

HEBRAI 4:4

Ni sarih ni thu hi Pathian lasui thu nih zei mun ah mawh a sim asi: “A ni sarih ni ah chun Pathian nih a rianṭuan zawzawng a dinhtâk rawh,” ti hen.