GENESIS 19:3 - Bawm Common Language Bible Version

³ A ngiar chiam na le, a nehnûnah chun a in ah an va kal rawh, Lot nih a to-aw tla rangah sang em hen buh-an ṭha tak khual rangah timhtuah ding hen a fial na, An timhtuah rawh chun an ei rawh.

GENESIS 19:3 ပူးပေါင်းရင်းမြစ်များ

GENESIS 19:2

“Pu le tla, nanmah nâwlzulh ding hen hinah ka um ko. Zângfahtê hen ka in leiah hawng u, Nan kê tla nan ṭâwl lai le, zân khawm nan riak ko lai. Thâizîng zîngtê hen nan thawk lai le, nan kalnâk ding leiah nan kal ko lai,” a ti. “Silo, khuapi sungah kan riak awt ko,” ti hen an sâng.

GENESIS 21:8

Chun, ngâksia chu a hawng ṭhang le, nûk a tlei rawh chun, Abraham nih puai rokual tak a tuah.

GENESIS 24:31

“In leiah hawng ka zûl. Nang hi LALPA nih mal an sâwm mi minung na si. Zei rangah lênglei ah hinah na dîr ko! Ka in ah na rangah mun timhtuah zet hen a um, na sangâwngsâu tla rang khawm mun a um” a ti.

GENESIS 26:30

Isak nih an rangah puai a tuah piak na le, an din hen an ei rawh.

2 Lal 4:8

Ni khat chu Elisa, Shunem khua nunau nei tak umnâk ah a va kal le, chu nunau nih buh ei ding a sâwm. Shunem khua ah a kal kip ah Elisa chu chu nunau in ah buh-an a ei tâwn.

EXODUS 12:15

LALPA nih, “Ni sarih kar chu thilnu telh mi sang rerêng nan ei ding asi lo, thilnu tel lo mi karo nan ei ding asi. A ni khat ni ah nan in ah mi thilnu zawzawng nan thenh ver ding asi. Âuzawng nih ni sarih karah thilnu telh mi sang a ei chun, ka minung ah rêlsih asi lai lo.

EXODUS 12:39

Aigupta ram thawk hen an hawng suakpi mi sang chu an em le, an hawng suak liauah Aigupta ram mi nih mawhsareh hen an nar na ruangah eibâr zeikhawm an timhtuah manh lo.

LUK 11:8

ka nan ti na, a kâwi asi ruangah thawk hen a pêk lo narêng hen deih râm tak hen a deih ruangah thawk hen a duh zat zawng a pêk lai.

LUK 14:23

Chun, a pu nih to-aw sinah chun, ‘Suak le, lampi tla ah, khuavâu tla ah kal le, ka in khat ding hen hawng kaltir râm na rawh.

LUK 5:29

Chun, Levi nih chun a in ah Jisu rangah puai rokual tak a tuah le; chun, siah khawlhtu tla leh midang tla hen mi tam tak nih anmah tla an dûmpi na.

JOHAN 12:2

Chunah chun amah rangah zân puai an tuah le; Marthi nih eibâr a tuah le, Lazar lam chu a buh dûmpitu pakhat asi.

1 KORIN 5:8

Churuangah, kanna kût lai, thilnu li a kût lo hen, nunsiat leh sualnâk ah kût lo hen, thilnu tel lo hen taknâk leh diknâk sang hen kanna kût lai.

2 KORIN 5:14

Krist dâwtnâk nih chun kan lakah lâi a rêl asi, hi hâwi hen kan ruat: Mi zawzawng thih ruangrûl ah mi pakhat a thi le, churuang chun mi zawzawng chu an thi asi.

HEBRAI 13:2

Khual tla tlûnah dâwtnâk suah philh lah u; zeimaw mi nih theih lo thlo hen vânmifial tla lawmh hen thil an ti.

LÂIRÊL 6:19

Gideon chu a in leiah a va kal le, kêl la sâ a va suang le, sang rangah sangvut telh lo mi kilogramme râ a siam. Sâ chu pâi ah a siah le, a hâng chu bêl ah a siah le, oak thing tangah mi LALPA vânmifial sinah a kalpi le, a sinah a pêk.

1 SAMUEL 28:24

Nunau nih bit teng hen a vulh mi chaw lâ chu a thah piak. Sangvut a lâk le, a timhtuah, sang em mi thilnu tel lo hen a siam.