GENESIS 19:2 - Bawm Common Language Bible Version

² “Pu le tla, nanmah nâwlzulh ding hen hinah ka um ko. Zângfahtê hen ka in leiah hawng u, Nan kê tla nan ṭâwl lai le, zân khawm nan riak ko lai. Thâizîng zîngtê hen nan thawk lai le, nan kalnâk ding leiah nan kal ko lai,” a ti. “Silo, khuapi sungah kan riak awt ko,” ti hen an sâng.

GENESIS 19:2 ပူးပေါင်းရင်းမြစ်များ

GENESIS 18:4

Nan kê ṭâwlnâk ding hen tî ka va lâk duak lai rih; hi thing tangah a dîn rih râu u.

GENESIS 19:1

Vânmifial panih Sodom khua ah zânleibâi ah an va kal liauah, Lot chu khuapi kulh kawtkâ ah a to ko. A muh na kâ hen a thawk le, anmah tawng ding hen an sinah a va kal, an mâika ah a kûn le,

GENESIS 19:3

A ngiar chiam na le, a nehnûnah chun a in ah an va kal rawh, Lot nih a to-aw tla rangah sang em hen buh-an ṭha tak khual rangah timhtuah ding hen a fial na, An timhtuah rawh chun an ei rawh.

GENESIS 24:31

“In leiah hawng ka zûl. Nang hi LALPA nih mal an sâwm mi minung na si. Zei rangah lênglei ah hinah na dîr ko! Ka in ah na rangah mun timhtuah zet hen a um, na sangâwngsâu tla rang khawm mun a um” a ti.

GENESIS 43:24

To-aw nih unau rual tla chu in ah a kalpi na le, an kê ṭâwlnâk ding hen tî tla a pêk na. An sanatung tla khawm râwl a pêk piak na.

2 SAMUEL 11:8

Churawhchun, Uria sinah, “In leiah va lâwi le, va a dîn rih,” a ti. Uria chu a suak le, David nih Uria in leiah lâwmman thil a kuat.

JOB LASUIBU 31:32

Khualtlâwng mi minung tla tualmâi ah ittir na lo hen, ka in ah ka kawh na.

THUFING LASUIBU 25:17

Na zâwlbâwm tawih nawh tuk lah, a nan neng chun a nan hua lai.

LA TLA LA 5:3

Thuam lo hen ka um le, zei rangah ka thuam nawlh êu lai? Ka kê ka ṭâwl le, zei rangah ka nâwmtir nawlh êu lai?

LUK 7:44

Chun, nunau lei chu â hawi le, Simon sinah chun, ‘Hi nunau hi na muh ma? Na in ah ka hawng lût le, nangnih ka kezaphah ṭâwlnâk ding tî na ka pêk lo, anih lam nih chun a mitthli hen ka kezaphah a chinh le, a sam hen a nâwt asi.

JOHAN 13:5

Chun, mâihûm ah tî a tleng le, a ṭhiruai tla kê a ṭâwl le, thlan nâwtnâk puan â menh mi hen chun a nâwt vima na.

THILTI 16:15

Chun, amah leh a dâwngsung tla hen baptis an si rawh chun, Lalpa lungtu tak hen nan hawng ka ruat chun ka in ah hawng tlung u,” ti hen hawng kan ngiar chiam le, hawng kan thloh rawh.

HEBRAI 13:2

Khual tla tlûnah dâwtnâk suah philh lah u; zeimaw mi nih theih lo thlo hen vânmifial tla lawmh hen thil an ti.