GENESIS 18:8 - Bawm Common Language Bible Version

⁸ Chawpê nûk khal, chaw nûk hâng, a sa leh buh chu chu minung tla mâika ah chun a hunh piak na. Chun, thing tangah amah ngelchel nih an nâwl a zulh na le, an ei rawh.

GENESIS 18:8 ပူးပေါင်းရင်းမြစ်များ

GENESIS 18:7

Churawhchun, a ran rual leiah a tek phêt le, alâ tê, a no nek hen a bit tel mi a va tleih le, a to-aw â râlring zet mi sinah a pêk.

GENESIS 18:9

Churawhchun, Abraham sinah, “Na nupi Sari zeiah a um?” ti hen an deih. “Puanin sungah a um ko” ti hen a sâng.

GENESIS 19:3

A ngiar chiam na le, a nehnûnah chun a in ah an va kal rawh, Lot nih a to-aw tla rangah sang em hen buh-an ṭha tak khual rangah timhtuah ding hen a fial na, An timhtuah rawh chun an ei rawh.

NEHEMIAH 12:44

Chu liau chun Biakin rang ding ah khawlh mi parâ lû ah pakhat fâng thar leh thingthei rah min kum siar khawlh mi tla siahnâk mun hotu rang ding ah mi tla ruat an si. Chubang minung tla chu khuapi kiangah phâisen lakah mi bâwlpu leh Levi tla rangah Dân nih a herh a ti mi hâwi hen khawlhtu rang ding ah pêk an si. Juda mi zawzawng chu thenhlimhnâk leh Pathian nih thu a pêk mi hâwi hen an timhtuah ruangah,

ISAI 7:15

Amah lakah lungfiang tâwk hen a upa tik chun, mi tla chu nûk hâng leh khuaitizû an din lai.

ISAI 7:22

nûk a herh zat zawng an suah piak kho lai. Asi, a thibang tâwmtê ram lakah an um mi khawm nih nûk leh khuaitizû ei ding an nei lai.

LUK 12:37

An pu a hawng kal tikah ngâk kumza hen a muh na mi to-aw tla chu an thaw a suak. Thungâi tak hen ka nan simh na, anih nih chun a tâi a sâwm lai le, anmah tla buh dûm hen a totir na lai le, an eibâr a timhtuah lai.

LUK 17:8

‘Ka ei ding hawng ka tuah piak le, na tâi sâwm le, ka din leh ka ei dih lânlo chu hawng ka bul; chu nûnah chun nang na din hen na ei lai, âunih ti dauh lo lai?

LUK 24:30

Chun, an sinah buh dûm hen a to rawh chun sang a lâk le, mal a sâwm le, a phel le, an sinah a pêk.

LUK 24:43

Chun, a lâk le, an mâika ah chun a ei rawh.

JOHAN 12:2

Chunah chun amah rangah zân puai an tuah le; Marthi nih eibâr a tuah le, Lazar lam chu a buh dûmpitu pakhat asi.

THILTI 10:41

Sikhawmsele mi zawzawng sinah asi lo, Pathian nih theihtu ah a ruatkan mi tla sinah cho asi; kanmah tla mithi lakah thawk hen a thawhnawlh nûnah a sinah ei leh bâr mi tla sinah hin.

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

DEUTERONOMY 32:14

An chawpinu leh an kêl tla nih nûk hâng tam tak an suah; dawrâ ṭha chem, kêl tla, ranrual tla, fâng ṭha chem tla leh uain sung tak tla anna ting.

THUPHUANG 3:20

Ngâinik, kawtkari ah dîr hen ka kik hi, âuzawng ka hâu theih hen kawtkâ hawng ka awnh chun, a sinah ka lût lai le, zânriah ka ei lai le, anih khawm ka sinah a ei bâk lai.

LÂIRÊL 13:15

Manoah nih LALPA vânmifial asi ti a theih lo le, churuangah a sinah, “Zângfahtê hen kal lah rih, na rangah kêl la kan suang awt,” a ti. Sikhawmsele, vânmifial nih, “Ka um khawmsele na buh ka ei awtlo. Sikhawmsele timhtuah ding mi na duh êu chun, LALPA sinah duahphung thil ap rangah mang rawh,” a ti.

LÂIRÊL 5:25

Sisera nih tî a deih le, sikhawmsele, nûk hâng a pêk; nûk khal chu khêng dawh tak hen a pêk.