GENESIS 18:6 - Bawm Common Language Bible Version

⁶ Abraham chu mawhsareh hen puanin sungah Sari sinah a va kal le, “Khulrang tak hen na sangvut a ṭha chem mi fûn lâk le, tâwm hen em rawh,” a ti.

GENESIS 18:6 ပူးပေါင်းရင်းမြစ်များ

GENESIS 18:5

Buh khawm tâwm ka nan put piak na lai, nan lam kal lakah tha an neihtir na ding hen; nannih nih ka in pal hen nan ka sunhsak ruangah, kei khawm nih ka nan zulh na bâk mi asi,” a ti. “Kanna lâwm, kan lungsi” ti hen an leh.

GENESIS 18:7

Churawhchun, a ran rual leiah a tek phêt le, alâ tê, a no nek hen a bit tel mi a va tleih le, a to-aw â râlring zet mi sinah a pêk.

GENESIS 19:3

A ngiar chiam na le, a nehnûnah chun a in ah an va kal rawh, Lot nih a to-aw tla rangah sang em hen buh-an ṭha tak khual rangah timhtuah ding hen a fial na, An timhtuah rawh chun an ei rawh.

2 SAMUEL 13:6

Churawhchun, Amnon chu â damlo tir le, a ihkhun ah a it rawh. Lalchem David chu amah zauh ding hen a va kal le, Amnon nih a sinah, “Zângfahtê hen Tamar kha hawng sele, ka mitmuh ah sang hawng ka siam piak sele, amah ngelchel nih ka rangah hawng ka timhtuah piak seh,” a ti.

SAM 119:60

Na thupêk tla zûl ding hen ka nam.

ISAI 32:8

Sikhawmsele, mi zahkâi tla nih zumhkâi tak hen thil an ti le, diknâk ah bir tak hen an dîr.

MATHAI 13:33

Tahṭhimh thu dang an sinah a sim nawlh le: “Vân Ram chu thilnu nunau nih a lâk le, sangvut seah thum lakah a ektê hen zunh ver tiang hen a phûm mi hâwi chu asi,” a ti.

THILTI 16:15

Chun, amah leh a dâwngsung tla hen baptis an si rawh chun, Lalpa lungtu tak hen nan hawng ka ruat chun ka in ah hawng tlung u,” ti hen hawng kan ngiar chiam le, hawng kan thloh rawh.

ROM 12:13

mi thenhlimh tla samhphângnâk ah chun, ṭangpi ule, khual tla rangah lawmh kumza na u.

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

HEBRAI 13:2

Khual tla tlûnah dâwtnâk suah philh lah u; zeimaw mi nih theih lo thlo hen vânmifial tla lawmh hen thil an ti.

1 PETER 4:9

Chipchiar lo hen khual a tlungtir tawnh u.

LÂIRÊL 6:19

Gideon chu a in leiah a va kal le, kêl la sâ a va suang le, sang rangah sangvut telh lo mi kilogramme râ a siam. Sâ chu pâi ah a siah le, a hâng chu bêl ah a siah le, oak thing tangah mi LALPA vânmifial sinah a kalpi le, a sinah a pêk.

1 SAMUEL 28:24

Nunau nih bit teng hen a vulh mi chaw lâ chu a thah piak. Sangvut a lâk le, a timhtuah, sang em mi thilnu tel lo hen a siam.