GENESIS 18:26 - Bawm Common Language Bible Version

²⁶ LALPA nih, “Sodom khua ah sual nei lo mi sâwmnga ka tawng chun, anmah ruangah khuapi chu ka zuah lai,” ti hen a sâng.

GENESIS 18:26 ပူးပေါင်းရင်းမြစ်များ

GENESIS 18:17

LALPA nih, a thinlung hen, “Ka thilti ding mi hi Abraham sinah ka pheh awtlo.

ISAI 10:22

Israel mi tla chu tuah tipi kapah sep hâwi hen tam khawmsele, tâwmtê cho an hawng kîr lai. Siatnâk chu mi zapi tla rangah khawng asi le, an rangah siah ziar hen a um.

ISAI 19:24

Chu tik chun, Israel chu Aigupta leh Asiria mi tla hen bang cho hen an um lai. Chu phun thum tla chu laikulh zawzawng rangah malsâwmnâk an si lai.

ISAI 6:13

Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

ISAI 65:8

LALPA nih, “Pakhat khawm nih grep ṭha tla an râwk lo, chu ngâk hen chu hen chun uain an siam. Ka mi tla chu ka veih hep na lai lo le, ka nâwl zulhtu tla chu ka hum na lai.

JEREMIA 5:1

Jerusalem mi tla, nan khuadung suak hen tek u! A kiangkam tla a hawi! Nangmah tak a zauh! Sumtuah mun tla hâwl. Pathian lakah zumhkâi hen um tumtu leh thil dik titu pakhat tal na muh kho ma? Na muh kho mi asi chun, Jerusalem chu LALPA nih a ngaihdam lai.

EZEKIEL 22:30

Mi âumawh kulh siam khotu ding, kulh râwknâk mun ah dîr khotu leh ka thinthawknâk nih a râwk awt liauah vêngtu ding ka hâwl le, sikhawmsele pakhat khawm ka tawng na lo.

MATHAI 24:22

Chun, chu ni tla chu tâwitir lah sele, minung rerêng dam hen an suak lai lo. Sikhawmsele, thîm tla ruangah chun chubang ni tla chu tâwitir asi lai.