GENESIS 18:19 - Bawm Common Language Bible Version

¹⁹ A fa tla leh a thlâk tla nih ka sinah ê-aw ngâi ding leh diknâk leh repnâk chu zûl ding hen thu a pêk kho na ding hen ka thîm mi asi. An ti mi asi chun, a rangah thil zeizawng ka tiamh mi chu ka ti lai,” a ti.

GENESIS 18:19 ပူးပေါင်းရင်းမြစ်များ

GENESIS 12:2

Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

GENESIS 12:3

Mal a nan sâwmtu chu mal ka sâwm lai, sikhawmsele siat an barhtu chu siat ka barh lai. Chun nangmah ruangah phun zawzawng mal ka sâwm lai,” a ti

GENESIS 17:9

Pathian nih Abraham sinah, “Nang leh na thlâk tla mâilei ah um ding mi tla nih ka thudântuk chu nan zûl vevê ding asi.

GENESIS 22:18

Phun zawzawng tla nih an thlâk tla mal ka sâwm na mi hâwi hen malsâwmnâk an hawng ka deih lai. Ka thupêk zawzawng na zûl ruangah,” ti hen thu a tiamh.

GENESIS 35:2

Churawhchun, Jakob nih a dâwngsung leh a sinah um mi tla zawzawng sinah chun, “Ramdang tla pathian nan nei mi kha lawnh u, nanmah kha a thenhlimh ule, ni le puan thiang a aih u.

2 SAMUEL 22:22

LALPA dân ka zâwt le, Ka Pathian chu ka hawitâk lo.

2 SAMUEL 7:20

Na sinah thusim ding dang zei me ka nei lai rawh! Na to-aw chu na ka theih asi.

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

2 CHRONICLES 14:3

Ramdang mi lunglotu pathian sawnhnâk tla a râwk le, Aserah pathiannu lem lungtung tla a thlûk.

NEHEMIAH 9:7

LALPA Pathian, nangnih Abram, na thîm le, Babulon ram Ur khua mi na suakpi le; a min chu Abraham ti hen na lêt.

JOB LASUIBU 1:5

Chu puai lîm nûn zînglei kip ah Job chu zîngtê ah a thawk le, a fa tla thenhlimhnâk ding hen bâwlnâk a pêk tâwn. A fa tla lakah zeimaw mi nih thilsual an ti lai dahmawh ti hen a nei kumza tâwn.

SAM 1:6

Mirep tla chu Pathian nih a hum na lai le; Misual tla lam chu anmah siatnâk lampi ah an um.

SAM 11:4

LALPA chu a Biakin thenhlimh ah a um le, a laltophah chu vânah a um. Munkip ah mi a vêng na le, an thilti tla a theih hep.

SAM 34:15

LALPA nih mirep tla chu a vêng na le, an âu hâu a ngâi piak na.

THUFING LASUIBU 22:6

Ngâksia chu a umdân ding sîntir le, a dam sung zawzawngah a theihkumza lai.

ISAI 38:19

A nan sawrtu tla chu a nung mi tla an si, Tuah ka nan sawr mi hâwi hen. Pa tla nih an fa tla rangah zumh na kâi zia an simh na.

LEVITICUS 14:42

A lânah an siatnâk mun ah lung dang hen an sak hen, a vâm dang an bêk nawlh ding asi.

AMOS 3:2

“Hi tual tlûnah phun zawzawng lakah nanmah cho hi kan theih na hen kan zauhkhenh na mi chu nan si, chu hâwi mi nan si ruang chun nan sual tla ṭihnung a kâi hen ka nan rêp na san chu asi,” a ti.

MATHAI 25:17

Chu hâwi ber hen talent nih tingtu khawm nih chun talent nih dang a suah rawh.

JOHAN 10:14

Kei lam chu dawrâ vêngtu ṭha kasi; Pa nih a ka theih mi leh kei nih Pa ka theih hâwi hen ka tâ ka theih le; ka tâ khawm nih an ka theih asi;

JOHAN 21:17

Chun, a veithumnâk ah chun a sinah, “Simon, Johan fapa, nangnih kei na ka dâwt ma?” a ti. A veithumnâk ah, “Nangnih na ka dâwt ma?” a sinah a ti ruangah chun Peter a lawksawng le, a sinah, “Lalpa, zeizawng na theih le, ka nan dâwt ti na theih,” a ti. Jisu nih a sinah, “Ka dawrâ tla zauhkhenh rawh.

THILTI 27:31

Chu liauah Pawl nih chun kawrsen zâ hotu leh kawrsen tla sinah chun, “Hi bang tla hi lawng ah an um ko lo chun an him lai loh,” a ti.

EPHESI 6:4

Chun, nannih nu leh pa tla, nan fa tla thinruntir lah ule, Lalpa nunsimhnâk leh simhfâinâk ah chun zauhkhenh u.

DEUTERONOMY 32:46

“Tusûn ni ah hi thupêk tla zawzawng ka nan pêk na mi hi zûl ding hen theih set u. Nan fa tla simh lemang na ule, Pathian sîntirnâk zawzawng zumhkâi tak hen an zûl kho ding hen.

1 TIMOTHE 3:12

Kawhmi rianṭuantu tla chu an fa tla leh anmah dâwngsungkhur kilkâwi kho mi, nupi pakhat nei mi si seh.

2 TIMOTHE 1:5

Na pi Loisi leh na nu Euniki khawm nih an nei mi lungnâk tak na nei ti ka theih.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

2 TIMOTHE 3:15

Chun, Jisu Krist ah lungnâk hen ruangsuahnâk ah an ruai kho ding hen finghnâk an pêk khotu Pathian lasui thu thenhlimh chu na ngâksia liau thawk hen na theih.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.

LÂIRÊL 13:12

Churawhchun, Manoah nih thu a deih le, “Na thu hâwitê hen a hawng tlung tikah, hi ngâksia nih zei a ti lai? Zei hâwi nunchan me a put awt?” a ti.