GENESIS 18:1 - Bawm Common Language Bible Version

¹ Lalpa chu Abraham sinah Mamre ah mi thing thenhlimh ah â va langh. Abraham chu a puanin kawtkâ ah sûn nî linh liau chirah a to le,

GENESIS 18:1 ပူးပေါင်းရင်းမြစ်များ

GENESIS 12:7

LALPA chu Abram sinah â langh le, “Hi ram hi na thlâk tla ka pêk ding mi ram chu asi,” a ti. Abram nih chun LALPA a sinah a langhtu sinah mâichâm a siam.

GENESIS 13:18

Churawhchun, Abram chu a um mun a ṭhial le, Mamre mi thing thenhlimh kiang Hebron ah a va um rawh, chunah chun LALPA rangah mâichâm a siam.

GENESIS 14:13

Sikhawmsele, minung pakhat a suak le, Amor mi Mamre tâ thing thenhlimh kiangah um mi Abram Hebrai mi chu a va simh. Mamre leh a unaupa Eskol leh Aner chu Abram ṭangpitu an si.

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 17:22

Pathian nih Abraham chu a sawnh dih rawh chun a kaltâk rawh.

GENESIS 18:22

Churawhchun, minung panih nih an kaltâk le, Sodom khua lei an fûk, sikhawmsele, LALPA lam chu Abraham sinah a um ko.

GENESIS 20:1

Abraham chu Mamre thawk hen Kanaan simlei Kedes leh Sur karah a va um. A nehnûnah Gerar ah a va um le,

GENESIS 26:2

LALPA chu Isak sinah â langh le, hi hâwi hen a ti: “Aigupta ah kal lo hen um, ka nan tinâk ram ah hin um ko.

GENESIS 35:27

Jakob chu a pa Isak, Hebron kiangah Mamre ah a um mi leiah a va kal le, chu chu Abraham leh Isak umnâk asi.

GENESIS 48:3

Jakob nih Josef sinah, “Zeizawng tikho Pathian chu Kanaan ram Luz khua ah ka sinah a hawng a langh le, mal a ka sâwm.

2 CHRONICLES 1:7

Chu zân chun Solomon sinah Pathian â langh le, a sinah, “Zei an pêk sele na duh?” ti hen a deih.

EXODUS 4:1

Churawhchun, Mosi nih LALPA rangah a sâng le, “Israel tla nih an ka zumh lo hen ka thusim tla khawm an ngâi lai lo dahmawh. Na sinah Pathian â langh lai lo an hawng ka ti chun zeitin ka ti lai rawh ne?” a ti.

THILTI 7:2

Chun, Stephen nih, “Unau tla, pa tla, ngâinik u! Kan thlâktu Abraham, Haran khua ah a um lânah Mesopotamia ram ah a um liau khan rokualnâk Pathian chu a sinah a hawng a langh le,

HEBRAI 11:9

Lungnâk hen ram tiamh ah khan mi ram ah châm mi hâwi cho hen a châm ko le, thutiam munkhat hen ro a tingpi ding mi Isak leh Jakob hen puanin ah an um.

HEBRAI 13:2

Khual tla tlûnah dâwtnâk suah philh lah u; zeimaw mi nih theih lo thlo hen vânmifial tla lawmh hen thil an ti.

JOSUA 5:13

Josua chu Jeriko khua kiangah a um liauah lâkkhatko ah minung nâmsâu put hen a mâika ah dîr mi a muh. Josua chu a sinah a va kal le, thu a deih, “Kan kawrsen lakah mi ma na si? Asi lo leh mêlma ma na si?” a ti.