GENESIS 17:8 - Bawm Common Language Bible Version

⁸ Hi mun, ram dang mi hâwi a nan umnâk hi na sinah leh na thlâk tla sinah ka pêk lai. Kanaan ram zawzawng hi na thlâk le tla tâ asi kumza lai le, Kei chu an Pathian kasi lai,” a ti.

GENESIS 17:8 ပူးပေါင်းရင်းမြစ်များ

GENESIS 12:7

LALPA chu Abram sinah â langh le, “Hi ram hi na thlâk tla ka pêk ding mi ram chu asi,” a ti. Abram nih chun LALPA a sinah a langhtu sinah mâichâm a siam.

GENESIS 13:15

na muh mi zawng chu nang leh na thlâk tla rangah nan tâ si kumza ding hen kan pêk awt asi.

GENESIS 13:17

Tuah kal le, ram pumpi zauh hep, a ektê hen nangmah rangah ka nan pêk awt mi asi ruangah,” a ti.

GENESIS 23:4

“Ramdang minung nan sinah um mi kasi le, ka nupi ka vûi khonâk ding hen mun hawng ka zuarh u,” a ti na.

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 28:4

Abraham rangah mal a sâwm mi hâwi hen, nang leh na thlâk tla mal an sâwm na seh, Abraham sinah a pêk mi na umnâk ram hi a ting rawh!” a ti.

GENESIS 35:27

Jakob chu a pa Isak, Hebron kiangah Mamre ah a um mi leiah a va kal le, chu chu Abraham leh Isak umnâk asi.

GENESIS 36:7

An panih um ding hen chu ram nih a tlum na lo ruangah a kaltâk na mi asi. Ranrual tam tak an nei ruangah munkhat um kho an si lo rawh.

GENESIS 37:1

Jakob chu a pa umnâk Kanaan ram ah a um vima le,

GENESIS 48:4

‘Fa tam tak ka nan pêk lai le, churawhchun na thlâk tla chu phun tam tak an hawng si lai; hi ram hi na thlâk le sinah kumleza an tâ siding hen kan pêk lai,’ ” hawng ka ti.

2 SAMUEL 23:5

Keimah hen zungzâl thudântuknâk a nei rawh ruangah asi, Pathian nih hi hâwi hen ka thlâk tla chu mal a sâwm awt; chu remnâk chu â râwk lai lo le, a thutiam khawm thlâkthleng asi lai loh. Chu zawng chu ka duh mi chu asi; ka nehnâk ding mi chu asi. Chu chu Pathian nih a langhtir lai.

1 CHRONICLES 16:18

“Kanaan ram chu ka nan pêk na lai le, nanmah tâ tak asi lai,” a ti mi chu.

SAM 103:17

Sikhawmsele, amah zahtu tla rangah LALPA dâwtnâk chu zungzâl tiang asi, a ṭhatnâk chu thlâk tla zawzawng tiang hen a um.

SAM 105:11

“Kanaan ram chu ka nan pêk lai,” a ti. “Nangmah tâ bîk asi lai,” a ti.

SAM 105:9

Abraham sinah a thutiam chu a kil kumza lai, Isak sinah a thutiam khawm.

EXODUS 13:11

“LALPA nih Kanaan ram an thlâk natu leh nanmah rangah a tiamh mi ram ah an kalpi na awt. An pêk na tikah chun,

EXODUS 21:6

a pu nih Pathian sawnhnâk mun ah a kalpi ding asi. Chunah kawtkâ mawh kawtkâ tung kiangah dîrtir sele, a nâ vih seh. Churawhchun, san tlum hen a sal asi lai rawh.

EXODUS 29:45

Israel mi tla lakah ka um lai le, Kei, an Pathian kasi lai.

EXODUS 32:13

Na to-aw tla, Abraham, Isak leh Jakob theihkumza na rawh. An sinah na thutiam vân ah ârfi zat siding leh zungzâl hen an thlâk tla nih luah ding hen ram na tiamh mi tla theihkumza rawh,” a ti.

EXODUS 40:15

An pa hâwi hen sariak thuh na le, ka sinah bâwlpu rian an ṭuan khonâk ding hen. Hi nûnthâi ah zeiliau khawm ah hi sariak thuhnâk nih bâwlpu ah a siam na rawh asi,” a ti.

EXODUS 6:4

Ramdang mi tla hâwi hen an umnâk Kanaan ram pêk ding mi lak khawm ah an sinah thudântuknâk ka siam.

EXODUS 6:7

Ka minung ah kan siam na lai le, Kei nan Pathian kasi lai. Aigupta sal nan si mi ka nan suah na tikah chun, Kei, LALPA nan Pathian kasi mi nan ka theih lai rawh.

JEREMIA 25:5

Nan umdân sual leh nan thilsual ti bâng ding hen a nan simh na. LALPA nih nanmah leh an thlâk natu tla nih ting pawt ding hen a nan pêk na mi ram ah nan um kumza khonâk ding hen.

JEREMIA 31:1

LALPA nih, “Israel phun zawzawng Pathian ka siding mi leh ka mi tla an siding mi tik chu a tlung rawh.

EZEKIEL 11:20

Churawhchun, ka dân tla an zûl lai le, zumhkâi tak hen ka thupêk tla an zûl lai rawh. Ka mi tla an silai le, kei an Pathian kasi lai.

EZEKIEL 33:24

“Thikho mi minung, Israel ram ah khuapi a râwk mi lakah um mi tla nih thu an sim: ‘Abraham chu mi pakhat cho asi, ram pumpi pêk hen a um. Tuah chun kan tam thlo rawh, ram chu kan tâ asi,’ an ti.

LEVITICUS 14:34

LALPA nih Mosi leh Aron rangah dân a pêk mi tla chu asi. (LALPA nih anmah ram rang ding ah a pêk na mi Kanaan ram ah an lût tikah Israel fa tla nih an mang ding mi chu asi.)

LEVITICUS 16:34

Hi bang dân tla hi, hi nûnthâi tiangah nan mang kumza ding asi. Hi dân hi Israel mi zapi tla sual thenhlimhtirnâk ding hen kum khat ah veikhat nan nei ding asi. Mosi nih LALPA thupêk hâwi hen a ti rawh.

LEVITICUS 26:12

Nan sinah ka um lai le; nan Pathian kasi lai le, nannih chu ka mi le nan si lai.

ZEKARIA 8:8

Jerusalem ah um ding hen saklei ah leh thlanglei ah mi chu ka kîrpi nawlh lai. Annih chu ka mi tla an si lai le, kei chu an Pathian kasi lai le, an tlûnah rep tak leh zumhkâi tak hen lâirêltu kasi lai.

NUMBER 10:29

Mosi nih a nupi ṭapa Hobab, Midian mi Jethro fapa sinah, “LALPA nih hawng kan pêk mi mun leiah kan kal awt rawh. Israel tla chu sul-le-lam tluangtir ding hen thu a tiamh na rawh, churuangah kan sinah hawng bâk le, kan sul-le-lam tluangnâk kan voh bâk lai,” a ti.

NUMBER 25:13

Amah leh a thlâk tla chu bâwlpu si kumza ding hen ka birhtir, ka lakah hel mi tla a sâithiam lo ruangah leh mi zapi sual rangah ngaihdamnâk a siam ruangah,” a ti.

NUMBER 27:12

LALPA nih Mosi sinah, “Abarim Tlângah kâi le, Israel tla rangah ram ka pêk ding mi va chuanh.

THILTI 7:5

Chun, hinah chun zeikhawm mun luah ding, a kê siahnâk tlâk khawm a pêk lo; sikhawmsele, amah leh a nehnûnah a thlâk tla tiang a ro ting ding hen pêk a tiamh le, fa a neih lân khawm ah.

DEUTERONOMY 14:2

LALPA nan Pathian mi nan si, amah mi siding hen laikulh ah um mi lakah an thîm na mi asi.

DEUTERONOMY 26:18

Tusûn ni ah hin LALPA nih amah mi tak ah thu a nan tiamh na mi hâwi hen a nan pawm na rawh; a dân zawzawng zûl ding hen thu a nan pêk na asi.

DEUTERONOMY 29:13

LALPA nih a mi tla nan si mi leh nan Pathian sinâk chu nan sinah leh a nan thlâk natu Abraham, Isak leh Jakob sinah thu a tiamh mi hâwi hen tuah a birhtir khonâk ding hen.

DEUTERONOMY 32:49

“Jeriko khuapi zâwn ah mi Moab ram ah Abarim Tlângah kal le; Nebo Tlângah kâi, Israel tla ka pêk na ding mi Kanaan ram chu chuanh.

DEUTERONOMY 32:8

Chungnungchem nih chun phun tla chu an ram tla a ruat piak na le; Mi zapi tla chu an umnâk ding ruat piak na a tum. Phun kip rangah pathian a ruat piak chiau na.

DEUTERONOMY 34:4

Churawhchun, LALPA nih Mosi sinah, “Hi ram hi Abraham, Isak leh Jakob sinah an thlâk tla rangah pêk ka tiamh mi ram chu asi. Muh lam chu kan muhtir lai le, sikhawmsele, chunah chun kan kaltir awtlo,” a ti.

DEUTERONOMY 4:37

A nan thlâk natu tla a dâwt na ruangah a nan thîm na le, a thiltikhonâk rokual hen amah ngelchel nih Aigupta thawk hen a nan suakpi na.

DEUTERONOMY 9:5

LALPA nih an ram an tingtir na mi chu nan ṭhat ruang leh nan dik ruangah asi lo. An sual ruangah leh a nan thlâk natu Abraham, Isak leh Jakob sinah thu a tiamh mi ti a tum ruangah a nar na awt mi asi.

HEBRAI 9:15

Chun, hi ruangah hin Krist chu thudântuk thar thulanhtu asi, Pathian nih a kawhmi tla chu Pathian nih a tiamh mi zungzâl thudântuk masa tangah buarnâk lakah mi tlanhnâk ding hen Jisu a hawng thi rawh ruangah.

JOSUA 1:2

“Ka to-aw Mosi chu a thi rawh le, tuah a tîm le, Israel mi tla zawzawng hen Jordan Va kanh ule, Ka pêk na mi ram leiah kal u.

THUPHUANG 21:7

A nehtu vial nih chubang tla chu ka sinah mi a tawng lai le, anih chu ka fa asi lai.