GENESIS 17:5 - Bawm Common Language Bible Version

⁵ Na min chu Abram asi lai lo rawh, Abraham asi lai rawh, phun tam tak thlâktu ah ka nan siam rawh ruangah.

GENESIS 17:5 ပူးပေါင်းရင်းမြစ်များ

GENESIS 17:15

Pathian nih Abraham sinah, “Na nupi khawm tu thawk hen Sarai asi lai lo rawh le, a min ah Sari asi lai rawh.

GENESIS 32:28

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

GENESIS 32:29

Jakob nih, “Na min hawng ka simh,” a ti. Sikhawmsele anih nih a sâng le, “Zei rangah ka min theih ding na duh?” a ti. Churawhchun, Jakob rangah mal a sâwm rawh.

GENESIS 35:10

Pathian nih a sinah, “Na min chu Jakob asi le, sikhawmsele, tu thawk hen Israel ti asi lai rawh,” a ti. Churawhchun, Pathian nih ‘Israel’ ti hen a sak rawh.

2 SAMUEL 12:25

Nathan khuavâng rangah a min ah Jedidiah sak ding hen thu a chan.

1 CHRONICLES 1:27

Abram (Abraham ti mi.)

NEHEMIAH 9:7

LALPA Pathian, nangnih Abram, na thîm le, Babulon ram Ur khua mi na suakpi le; a min chu Abraham ti hen na lêt.

ISAI 65:15

Ka mi thîm tla nih nan min ah hawlh siatbarh tla an ti na lai. Kei, LALPA Zahkâi nih ka nan thah na awt. Sikhawmsele ka thu ngâitu tla chu min thar ka pêk na lai.

JEREMIA 20:3

A thâituan ah rêng an hawng ka khimh mi hawng ka suah rawh chun a sinah, “LALPA nih na min ah Pasur a nan ti lai lo rawh. Min a nan pêk mi chu “Magor-Misaib” (Munkip Ṭihnungkâi) a nan ti lai rawh.

JEREMIA 23:6

Lalchem asi tikah Juda mi tla chu him tak hen an um lai le, Israel mi tla chu thlangam tak hen an um lai. Anih chu ‘LALPA kan Ruangsuahnâk’ mawh ‘Lalpa kan repnak’ ti asi lai.

NUMBER 13:16

Hi bang tla hi ram zauh thlingthlâk ding hen Mosi nih a fial na mi chu an si. Nun fapa Hosea min chu Josua ti hen a thleng.

JOHAN 1:42

churawhchun Simon chu Jisu sinah a hawngpi. Jisu nih anih chu a zauh le, “Johan fapa Simon na si, Kipha an sak lai,” a ti le, (chu chu Peter tinâk asi, Peter chu lungpi tinâk asi.)

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.