GENESIS 17:13 - Bawm Common Language Bible Version

¹³ Mi kip fêmtan an siding asi. Chu chu taksa leikâng thu ah zungzâl nan sinah thudântuk asi lai.

GENESIS 17:13 ပူးပေါင်းရင်းမြစ်များ

GENESIS 14:14

Abram nih a unaupa fapa chu an tleih ving tih a theih rawh chun, a umnâk mun ah râltuktu ding mi chu a pumh na le, an ektê hen 318 an tling. Chun, lalchem pali tla chu Dan tiang hen an ṭhâwl na.

GENESIS 15:3

Fa na ka pêk lo ruangah chun, ka to-aw mi pakhat hi ka neih tingtu ding asi ko,” a ti.

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

GENESIS 37:27

Ismael tla sinah lam zuar ving ding hi. Churawhchun, nganfâk khawm kan pêk lai lo le, kan unaupa khawm asi, kan taksa leh kan thisen khawm asi,” a ti. A unau dang tla nih rem an ti.

GENESIS 37:36

Chu liau chun, Aigupta ram ah Midian tla nih Josef chu Potiphar, lal milian pakhat, a mun vêngtu lian chem sinah an zuar rawh.

GENESIS 39:1

Ismael murui nih Josef chu Aigupta ah an kalpi le, lal tangah mi hotu pakhat, lal umnâk mun vêngtu tla lakah hotu Potiphar sinah an zuar.

GENESIS 9:16

Sûm lakah chumchâ a hawng lang chun kei leh thil nung zawng karah zungzâl thudântuk asi ti ka muh hen ka theihkumza lai.

NEHEMIAH 5:5

Kannih khawm kan hâwi Juda tla hen phun khat kan si dangâiah. Kannih fa tla khawm anmah fa tla hâwi hen an ṭha bâk lo ma? Kan fa tla chu sal ah kan siam ver na awt rawh. Kan fanu zei mi châng chu sal ah kan zuar ving na rawh. Kan phâisen leh kan grep dûm tla hawng kan lâk piak ving rawh ruangah a ti dân kan thiamlo rawh,” an ti.

NEHEMIAH 5:8

an sinah, “Hun sâwt tak kan unau ramdang ah mi sinah anna zuar rawh mi kan tlanh na rawh. Tuah nannih chu nan unau tak tla chu nan hâwi Juda sinah nan zuar awt,” ka ti na. Ruitu tla chu a sâng ding an theih lo le, an dâisip.

EXODUS 12:44

Sikhawmsele, nan sal nan châwk mi âutal nih a fêm nan tan rawh mi nih chun a ei kho lai.

EXODUS 21:16

“Âuzawng nih sal ah zuar ding hen mawh siah ding hen mawh minung a fîr asi chun a fîrtu chu thah ding asi.

EXODUS 21:2

Hebrai lakah mi sal nan châwk chun kum ruk nan rian a ṭuan lai. A kum sarihnâk ah chun tlanh lo hen a suak ding asi.

EXODUS 21:4

A nupi chu a pu nih a ṭhît piak mi asi chun, fanu fapa tla ring khawmsele a nu leh a fa tla chu a pu tâ asi, amah lâwng a suak ding asi.

LEVITICUS 22:11

Sikhawmsele, bâwlpu sal tangka hen a châwk mi mawh a in sungkhur ah a suak mi mawh tla nih a bâwlpu tingvo an ei kho lai;

MATHAI 18:25

Chun, pêk ding a nei lo ruangah a pu nih chun amah hen a nupi hen, a fa tla hen, a neih zawzawng zuar hen rulh ding thu a pêk.