GENESIS 16:7 - Bawm Common Language Bible Version

⁷ LALPA vânmifial nih Hagar chu ramkaro mi lampi Sur leikângah a kal mi tinung va ah a tawng le,

GENESIS 16:7 ပူးပေါင်းရင်းမြစ်များ

GENESIS 20:1

Abraham chu Mamre thawk hen Kanaan simlei Kedes leh Sur karah a va um. A nehnûnah Gerar ah a va um le,

GENESIS 21:17

Pathian nih ngâksia ṭap hâu a theih le, vân thawk hen vânmifial nih Hagar sinah, “Hagar, zei rangah ti ti na lawksawng? Ṭih lah. Pathian nih ngâksia ṭap hâu a theih rawh.

GENESIS 21:18

Thawk le, va thawh le, va lêm rawh. A thlâk thawk hen phun rokual tak ka siam lai,” a ti.

GENESIS 21:19

Chun, Pathian nih a mit a deitir le, tikhurchawh a muhtir. A kal le, savun tî dûr lakah tî khat phak a râwn le, ngâksia chu a pêk.

GENESIS 22:11

Sikhawmsele, vân thawk hen LALPA vânmifial nih, “Abraham, Abraham!” ti hen, a auh. Anih nih, “Uai, hinah ka um,” ti hen a sâng.

GENESIS 22:15

LALPA vânmifial nih Abraham chu vân thawk hen avei nihnâk ah a auh fâwn.

GENESIS 24:7

LALPA, vân Pathian nih chun, ka unau umnâk ram ah mi, ka pa in thawk hen a hawng ka lâk mi asi. Hi ram hi ka thlâk tla pêk ding hen thu bir tak hen hawng ka tiamh rawh. Churuangah chunah mi chu ka fapa nupi rangah na tawng piak kho ding hen, anih nih chun a vânmifial na mâi leiah a fial lai.

GENESIS 25:18

Ismael thlâk tla chu Aigupta saklei, Asiria lampi Ravilah leh Sur anna rînâk ah an um. Abraham thlâk dang tla lakah a dangtê hen an um.

GENESIS 31:11

LALPA vânmifial nih ka mang leiah hi hâwi hen a sim, ‘Jakob!’ a ti. ‘Uai’ ti hen ka sâng.

EXODUS 15:22

Mosi nih Israel mi zapi tla chu Tipi Sen thawk hen Sur ramkaro ah a kalpi na. Ni thum kar ramkaro ah an kal le, tî rerêng an tawng lo.

EXODUS 3:2

Chunah chun LALPA vânmifial chu thingbû nâwngah meialh hâwi hen â langh. Mosi nih thingbû chu meialh lakah um mi hâwi hen a muh le, sikhawmsele a kâng lo fâwn.

THUFING LASUIBU 15:3

Mun kip ah thil a hawng um mi chu LALPA nih a muh le, thilsual ma kan ti thil ṭha ma kan ti, amah nih hawng kan zauh ko.

1 SAMUEL 15:7

Saul nih Amalek mi tla chu a neh na le, Aigupta saklei ah Havilah thawk hen Sur tiang anna do,