GENESIS 15:7 - Bawm Common Language Bible Version

⁷ Churawhchun, LALPA nih a sinah, “Kei LALPA, Babulon ram ah mi Kaldai tla umnâk Ur khua thawk hen hi ram hi nangmah tâ ah a nan pêk ding hen a nan suakpitu chu kasi,” a ti.

GENESIS 15:7 ပူးပေါင်းရင်းမြစ်များ

GENESIS 12:1

LALPA nih Abram sinah, “Na umnâk ram, na rualsia leh na pa in mâk le, ram ka nan zauhtir ding mi leiah kal rawh.

GENESIS 12:7

LALPA chu Abram sinah â langh le, “Hi ram hi na thlâk tla ka pêk ding mi ram chu asi,” a ti. Abram nih chun LALPA a sinah a langhtu sinah mâichâm a siam.

GENESIS 28:4

Abraham rangah mal a sâwm mi hâwi hen, nang leh na thlâk tla mal an sâwm na seh, Abraham sinah a pêk mi na umnâk ram hi a ting rawh!” a ti.

GENESIS 50:24

A unau tla sinah, “Ka thih a nâi rawh, Pathian nih ka pu Abraham, Isak leh ka pa Jakob sinah a tiamh thlir mi ram leiah hi mun thawk hen an kalpi na lai,” a ti.

SAM 105:11

“Kanaan ram chu ka nan pêk lai,” a ti. “Nangmah tâ bîk asi lai,” a ti.

SAM 105:42

A to-aw Abraham sinah a thuthup tiamh chu a theihkumza.

SAM 105:44

Midang tla ram chu a pêk le, an phâisen tla chu a lâktir na.

EXODUS 32:13

Na to-aw tla, Abraham, Isak leh Jakob theihkumza na rawh. An sinah na thutiam vân ah ârfi zat siding leh zungzâl hen an thlâk tla nih luah ding hen ram na tiamh mi tla theihkumza rawh,” a ti.

NUMBER 33:53

Chu ram chu ka nan pêk na mi asi ruangah luah ule, um u.

ROM 4:13

Dân ruangah Abraham leh a thlâk tla sinah chun laikulh ro tingtu ding asi lai ti lam chu tiamh asi lo le, lungnâk ah repnâk ruangah asi dauh.

DEUTERONOMY 3:18

“Chu liau chun hi bang sîntirnâk tla hi ka pêk na: ‘LALPA kan Pathian nih Jordan Va saklei ram hi nan luah ding hen an pêk na asi. Tuah nan minung râltuktu tla chu râlthuam pêk na ule, Israel phun dang tla mâilei ah Jordan Va kanh ding hen fial na u, an ram luah ding hen ṭangpitu ding ah.

DEUTERONOMY 9:5

LALPA nih an ram an tingtir na mi chu nan ṭhat ruang leh nan dik ruangah asi lo. An sual ruangah leh a nan thlâk natu Abraham, Isak leh Jakob sinah thu a tiamh mi ti a tum ruangah a nar na awt mi asi.