GENESIS 15:3 - Bawm Common Language Bible Version

³ Fa na ka pêk lo ruangah chun, ka to-aw mi pakhat hi ka neih tingtu ding asi ko,” a ti.

GENESIS 15:3 ပူးပေါင်းရင်းမြစ်များ

GENESIS 12:2

Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

GENESIS 13:16

Âukhawm nih rêl châwklo rê ding hen thlâk tla ka nan pêk lai le, mi nih sep an rêl kho lo hâwi hen asi lai!

GENESIS 14:14

Abram nih a unaupa fapa chu an tleih ving tih a theih rawh chun, a umnâk mun ah râltuktu ding mi chu a pumh na le, an ektê hen 318 an tling. Chun, lalchem pali tla chu Dan tiang hen an ṭhâwl na.

GENESIS 15:2

Abram nih a sâng le, “Chungnungchem LALPA, fa ka nei lêm lo mi, zei lâwmman ṭha me na ka pêk awt? Kei rotingtu chu Damaska khua mi Eliazer cho asi.

THUFING LASUIBU 13:12

Lungumnâk â râwk chun, thinlung khawm â râwk. Sikhawmsele duhnâk dik nih chun lâwmnâk hen thinlung a khattir.

THUFING LASUIBU 29:21

Na to-aw chu a ngâksia liau thawk hen a duh mi vial na pêk chun, zeitik ni mawh chun na neih zawzawng a lâk hep lai.

THUFING LASUIBU 30:23

Nunau huatkâi tak pasal a nei mi, to-aw nunau nih a hotunu dîrmun a luah mi.

THUSIMTU 2:7

Sal tam tak ka châwk le, ka insungkhur ah sal suak mi tam tak an um. A lânah Jerusalem ah um mi tla ngâk khawm ran vulh mi ka nei dauh.

JEREMIA 12:1

LALPA, ka thunawk hi na sinah ka sim chun Nangnih a dik ti na theih lai. Sikhawmsele, a dik dân thu ka nan deih awt. Zei rangah misual hi an sul-le-lam a tluang zia? Zei rangah mi zumhkâilo tla anna dingchang?