GENESIS 15:17 - Bawm Common Language Bible Version

¹⁷ Nî chu a tlâ le, a hawng mûi rawh, mei bêl lakah meikhû leh meifâr alh chu lâkkhatko ah a hawng lang le, sa vo chan mi karah anna zî lemang.

GENESIS 15:17 ပူးပေါင်းရင်းမြစ်များ

GENESIS 15:10

Abram nih ran tla chu Pathian sinah a put le, a lâi ah a tan na le, anmah tan zâwn chiauah tlar nih hen a siah na le, vâ lam chu a tan na lo.

2 SAMUEL 22:9

A nârkua thawk hen meikhu a suak. A kâ thawk hen zawrtirnâk meialh leh meihawl kâng mi a suak.

1 Lal 18:38

LALPA nih mei a hawng thlâk le, bâwlnâk chu thing tla, lung tla a kâng hep le, tualchâr fêk hen a kâng hep le, a kiangkam ah chawh mi lakah tî khawm a kâng hep.

1 CHRONICLES 21:26

David nih chunah chun mâichâm a siam le, duah mi thil ap leh remnâk thil ap a ap. Thla a cham le, LALPA nih mâichâm ah mi khangh ding hen vân thawk hen mei thlâk hen a thlachamnâk a sâng piak.

EXODUS 19:18

Sinai Tlâng pumpi chu meikhû nih a tuam pang, LALPA chu mei hen a hawng ṭum ruangah. Meikhû chu meialhpî lakah mi meikhû hâwi hen a kâi le, zapi minung tla chu thungâi an thir.

EXODUS 20:18

Chun, mi zapi tla nih khuarît hâu leh tâwtawrâwt tum hâu an theih hen mîmthlalek leh tlângah meikhû tla an muh rawh chun an ṭih le an thir rawh, râl lât takah an dîr.

ISAI 62:1

Jerusalem fawrhnâk thu ka sim lai le; Him tak hen a um lânlo leh a nehnâk chu Zân ah mi meifâr hâwi asi lânlo chu ka dâisip awtlo.

JEREMIA 11:4

Aigupta ram, an rangah meialh hâwi mi thawk hen ka suakpi na liauah an thlâktu tla sinah thudântuk ka siam mi chu asi. Ka thu ngâi ding leh thu ka pêk na mi zeizawng ti ding hen ka simh na. An zûl mi asi chun, ka mi tla an si lai le, Kei, an Pathian kasi lai ti ka simh na.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

LÂIRÊL 13:20

Mâichâm ah mei chu a alh rawh chun Manoah leh a nupi nih LALPA vânmifial chu meialh lakah vân leiah a kâi mi an muh. Manoah nih chun chu minung chu LALPA vânmifial asi ti a theih le, amah leh a nupi chu tual ah bawkbukhup hen an bawk rawh. Vânmifial chu an muh lo rawh.

LÂIRÊL 6:21

Churawhchun, LALPA vânmifial nih a tleih mi ṭhianṭhunh chu a lirh le, sâ leh sang chu a tawngh rawh. Lung thawk hen mei a hawng suak le, sâ leh sang chu a kâng hep. Churawhchun, vânmifial chu a tlâu ving.