GENESIS 15:13 - Bawm Common Language Bible Version

¹³ LALPA nih a sinah, “Na thlâk tla chu mi ram ah an um lai le, chunah chun sal an si lai le, kum zali nehsawh hen an um lai.

GENESIS 15:13 ပူးပေါင်းရင်းမြစ်များ

GENESIS 15:16

San li an si lânlo chu hinah na thlâk tla an hawng kîr nawlh lai loh, Amor tla chu rêp leh nar an si khonâk ding an sual thlo lânlo chu,” a ti.

GENESIS 17:8

Hi mun, ram dang mi hâwi a nan umnâk hi na sinah leh na thlâk tla sinah ka pêk lai. Kanaan ram zawzawng hi na thlâk le tla tâ asi kumza lai le, Kei chu an Pathian kasi lai,” a ti.

GENESIS 47:4

Annih nih, “Kanaan ram ah pâm a fâk tuktarâi le, kan ran tla rang khawm ah ram a ningno lo, churuangah hi ram ah kan hawng kal mi asi. Churuangah zângfahtê hen Gosen ram ah um kho ding hen hawng kan siang piak le kan duh,” an ti.

SAM 105:42

A to-aw Abraham sinah a thuthup tiamh chu a theihkumza.

EXODUS 1:11

Churawhchun, Aigupta mi tla nih anmah neh ding hen rian fâk tak ṭuantir na ding hen vêngtu tla an siah. Churawhchun, Israel tla nih lalchem rangah thil-leh-rî siahnâk ding hen Pithom leh Rameses khuapi an siam.

EXODUS 1:13

Israel tla chu sal ah siam hen hamh kho rirî an hamhtir na. An in sak leh an phâisen rianṭuantu ah an mang na le, an lakah tâwm khawm khua an ruat lo.

EXODUS 2:24

An rûm leh âi hâu theihtu Pathian nih chun Abraham, Isak leh Jakob sinah thu a tiamh mi chu a theihkumza.

EXODUS 22:21

“Ramdang mi minung nehsawh hen nauneh lah; Aigupta ram ah ramdang mi nan si mi kha theihkumza u.

EXODUS 23:9

“Ramdang mi chu nehsawh lah, Aigupta ram ah ramdang mi na va si rawh ruangah ramdang mi umzia na theih rawh.

EXODUS 3:10

Tuah Aigupta lalchem sinah ka nan fial asi, a ram ah mi ka minung tla chu suakpi hen na rui na ding hen,” a ti.

EXODUS 3:17

Aigupta ram ah nehsawh hen an umnâk ah mi suakpi hen Kanaan mi, Hit mi tla, Amor mi tla, Periz mi tla, Hiv mi tla leh Jebus mi tla umnâk neihnâk leh ram ṭha mun ah kalpi na ding ka tum mi simh na,” a ti.

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

LEVITICUS 19:34

Nanmah Israel mi tla hâwi hen zauh na u, nanmah nanna dâwt mi hâwi hen dâwt na u. Aigupta ram ah nan um liauah ramdang mi nan si mi kha theihkumza u. Kei, LALPA nan Pathian kasi.

NUMBER 20:15

kan thlâktu tla Aigupta ram ah an kal le, chunah kum tam tak kan um rawh mi khawm na theih. Aigupta mi tla nih kan thlâktu tla hen thungâi hawng kan nehsawh,

THILTI 7:17

“Chun, Pathian nih Abraham sinah thu a tiamh mi tik kha a hawng tlung awt hen Aigupta ram ah kan minung tla chu an hawng pung le, an hawng tam dadauh.

GALATIA 3:17

Chun, hi hâwi hen ka ti asi: Thutiam Pathian birhtir rawh mi chu Dân kum zali leh kum sâwmthum nûnah um rawh mi nih khan thutiam chu zeikhawm lo hen a veih loh.

DEUTERONOMY 10:19

Churuangchun ramdang minung tla chu dâwt na ule, nannih khawm veikhat Aigupta ram ah nan va um bâk rawh ruangah.

DEUTERONOMY 5:15

Nannih khawm Aigupta ram ah sal nan si. Kei, LALPA nan Pathian nih ka thiltikhonâk rokual leh ka chaknâk hen kan suah na mi nan si ti theihkumza u. Churuang tak chun Dinhni ulh ding hen thu ka nan pêk na asi.