GENESIS 15:1 - Bawm Common Language Bible Version

¹ Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 15:1 ပူးပေါင်းရင်းမြစ်များ

GENESIS 15:2

Abram nih a sâng le, “Chungnungchem LALPA, fa ka nei lêm lo mi, zei lâwmman ṭha me na ka pêk awt? Kei rotingtu chu Damaska khua mi Eliazer cho asi.

GENESIS 15:4

Churawhchun, LALPA nih a sinah thu a sim nawlh mi chu a theih le, “Hi na to-aw Eliazer nih na ro â ting ding asi lo, nangmah fa ngelchel nih na ro chu â ting lai,” a ti.

GENESIS 21:17

Pathian nih ngâksia ṭap hâu a theih le, vân thawk hen vânmifial nih Hagar sinah, “Hagar, zei rangah ti ti na lawksawng? Ṭih lah. Pathian nih ngâksia ṭap hâu a theih rawh.

GENESIS 22:1

A nehnûnah chun Abraham chu Pathian nih a nik le, a sinah a kawh, “Abraham,” a ti. Abraham nih “Uai hinah ka um” ti hen a sâng.

GENESIS 22:20

Chu nûnah Abraham nih a unaupa Nahor rangah Milkah nih fa pariat a ring piak rawh mi a theih le:

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 31:7

Sikhawmsele, hawng ka perpet le, ka lawh tla vei râ tiang a dangtir. Sikhawmsele Pathian nih zei nganfâk khawm hawng ka pêk lo.

2 SAMUEL 22:3

Ka Pathian chu ka himnâk, amah lakah ka him. Phaw hâwi hen a ka vêng le, him tak hen hawng ka kil. Amah chu ka ruangsuahtu asi, tuknâk ah hawng ka vêng hen hawng ka hum.

2 Lal 1:15

LALPA vânmifial nih Elija sinah, “A sinah va kal le, ṭih lah,” a ti. Churawhchun, Elija chu hotupa chu a zûl le,

1 CHRONICLES 28:20

Lalchem David nih a fapa Solomon sinah, “Zumh thlir le, tum thlir. Rian chu a dawmh le, zeikhawm nih an tlawlhtir lah seh. LALPA Pathian a rian ka ṭuan mi chu na sinah a um lai. LALPA nih Biakin sak ding mi rian na lîm lânlo chu kaltâk lo hen an um nawh kumza lai.

SAM 115:10

Nannih Pathian bâwlpu tla, LALPA chu rinhsan u. A nan ṭangpi na hen a nan kilkâwi na asi.

SAM 119:114

Nang chu hawng ka vêngtu leh humtu na si; na thutiam lakah lungumnâk ka nei.

SAM 142:5

LALPA, ṭangpi ngiar hen ka hawng âu; LALPA, nang chu, hawng ka humtu, ka dam sungah ka herhnâk zawzawng chu na si.

SAM 18:2

LALPA chu hawng ka vêngtu leh ka kulhpi bir na si. Ka Pathian chu ka himnâk asi le, amah lakah ka him. Phaw hâwi hen a ka hum le, a ka vêng le, him tak hen hawng ka kil.

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 3:3

Sikhawmsele, nang LALPA nih chun ṭihnungkâi lakah phaw hen hawng ka hum; nehnâk na ka pêk le, râlṭhatnâk na ka pêk.

SAM 3:4

LALPA chu ṭangpi ding hen ka kawh le, a tlâng thenhlimh thawk hen hawng ka sâng.

SAM 5:12

LALPA, nangmah ê-aw ngâitu chu mal na sâwm na le; Na dâwtnâk nih phaw hâwi hen na hum na.

SAM 58:11

Mi leh tla nih chun, “Mirep tla chu lâwmman pêk an si tak rawh, laikulh lâirêltu Pathian chu a um tatak ngâk,” an ti lai.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

SAM 84:9

Pathian, na thîm mi kan lal chu malsâwm rawh.

SAM 91:4

A thlâ hen a nan tuam lai le; amah vêngnâk ah chun him tak hen na um lai; zumh a kâinâk hen an vêng hen an zauhkhenh lai.

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

THUFING LASUIBU 11:18

Misual tla nih chun zeikhawm an lawh lo le, sikhawmsele thil dik na ti chun lâwmman na ting ngelchel lai.

THUFING LASUIBU 30:5

“Pathian nih a thutiam chu a kil. Himnâk ding hen amah kiltu rangah chun phaw hâwi asi.

ISAI 35:4

Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

ISAI 40:10

LALPA zahkâi chu a thiltikhonâk hen lâirêl ding hen a hawng kal le, ruang a suah na mi minung tla a sinah a hawngpi na.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 43:1

Israel, nan siamtu LALPA nih, “Lâu lah, ka nan hum lai. Na min hen ka nan auh, ka tâ na si.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

ISAI 44:2

Kei, LALPA a nan siamtu chu kasi; na suak liau thawk hen ka nan ṭangpi. Nang chu ka to-aw, ka mi thîm ka dâwt mi na si; ṭih lah.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

JEREMIA 39:17

Sikhawmsele, Kei, LALPA nih ka nan hum lai le, na ṭih na mi tla kut ah pêk hen na um lai lo.

LUNGFÂKNÂK 3:24

LALPA chu ka neih zeizawng asi le churuangah amah lakah lungumnâk ka nei.

EZEKIEL 1:1

Kum sâwmthumnâk a thla linâk ninga ni ah kei, bâwlpu Ezekiel, Buzi fapa leh Juda saltâng tla hen Babulon ah Kebar tiva kiangah kan um. Vân â awng le, Pathian muhtirnâk ka muh.

EZEKIEL 11:24

Muhnâk lakah chun Pathian thlarau nih hawng ka châwi le, Babulon saltâng tla sinah hawng ka put. Churawhchun, muhnâk chu a vei le,

EZEKIEL 3:4

Churawhchun, Pathian nih, “Thikho mi minung, Israel mi tla sinah va kal le, anmah simh ding hen thu kan simh mi va simh na.

NUMBER 12:6

churawhchun LALPA nih, “Thu ka sim ding mi hi ngâi u, nan sinah khuavâng an um liauah an sinah Keimah tak ka langh le, mang leiah an sinah thu ka sim.

NUMBER 18:20

LALPA nih Aron sinah “Israel tla lakah ro ting ding leh ram tingvo zeikhawm nan nei ding asi lo. Kei, LALPA hi nan herhnâk zawzawng rang ding ah nan vo kasi,” a ti.

NUMBER 24:4

Pathian nih thu a sim mi theihkhotu Pathian chak tak thawk hen langhnâk lakah mit zauh hen ka muh.

MATHAI 28:5

Chun, vânmifial nih chun nunau tla chu a sawnh na le, an sinah, “Nannih nih chun ṭih lah u, Jisu an khenh mi kha nan hâwl ti ka theih.

MATHAI 8:26

Chun, Jisu nih chun an sinah, “Lung tâwm tla, zei rangah nan ṭih?” a ti. Churawhchun, a thawk le, thli leh rilî chu a fâi le; chun a hawng reh dup ko.

LUK 1:13

Sikhawmsele, vânmifial nih chun a sinah, “Zekaria, ṭih lah, Pathian nih na deih mi kha a theih asi, na nupi Elizabet nih fapa a nan ring piak lai, a min ah Johan na sak ding asi.

LUK 1:30

Chun, vânmifial nih chun a sinah, “Mari, ṭih lah; Pathian sunhsaknâk na tawng.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

THILTI 10:22

Chun, annih nih chun, “Vânmifial thenhlimh pakhat nih Kornelia kawrsen zâ hotu, mirep tak, Pathian ṭih mi, Juda phun zawzawng nih an zah mi sinah chun na thusim theih ding hen, a in ah nangmah kawh ding hen a simh asi,” an ti.

1 KORIN 3:22

Pawl mawh, Apolo mawh, Kipha mawh, laikulh mawh, nungnâk mawh, thihnâk mawh, thil um chia mawh, thil hawng um ding mi mawh, a ektê hen nan tâ ver asi; nannih khawm Krist tâ nan si;

DEUTERONOMY 18:2

Phun dang tla nih an nei hâwi hen ram an nei ding asi lo; an vo chu LALPA nih a tiamh mi hâwi hen LALPA bâwlpu tla sinâk chu asi.

DEUTERONOMY 31:6

Zumh thlir le, tum thlir. Annih tla chu ṭih na lah u. Nan Pathian, LALPA amah tak chu nan sinah a um lai. A nan thlahthlamh hen a nan kaltâk na lai lo,” a ti.

HEBRAI 1:1

A lânah Pathian nih kan thlâktu tla sinah vei tam tak leh kâng tam tak hen khuavâng tla mang hen thu a sim le,

THUPHUANG 1:17

Chun, amah chu ka muh kâ hen mithi hâwi bang hen a kê bul ah ka tlû rawh. Chun, anih nih chun a kut vawrhlei chu ka tlûnah a thâng le, ka sinah, “Ṭih lah, kei masa chem leh madung chem leh,

RUTH 2:12

Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.

1 SAMUEL 15:10

LALPA nih Samuel sinah,

1 SAMUEL 9:9

Saul nih a sâng le, “Krai ṭha tak asi, kan kal ngâk lai,” a ti. Churawhchun, mi thenhlimh pa umnâk khua ah chun an va kal rawh. Chu khua umnâk tlâng leiah an kal liauah chun nungâk tla tî than an hawng mi tla an tawng na. An deih na le, “Hi khua ah hin muh khotu a um ma?” an ti. (Chu liau chun khuavâng hi muhtu an ti ruangah zeiliau zawng ah Pathian deih ding hen an duh chun “Muhtu sinah kan kal lai,” an ti tâwn.)