GENESIS 14:20 - Bawm Common Language Bible Version

²⁰ Chungnungchem Pathian na mêlma lakah nehnâk a nan pêktu chu sawr hen um seh!” a ti. Chun, Abram nih Melkizedek rangah a thil lâk parâ lû ah pakhat a pêk.

GENESIS 14:20 ပူးပေါင်းရင်းမြစ်များ

GENESIS 14:21

Chun, Sodom lalchem nih chun Abram sinah “Thil na suh mi vial kil le, ka minung tla vial hawng ka pêk ko,” a ti.

GENESIS 24:27

“LALPA, ka pu Abraham Pathian chu sawr hen um seh, ka pu sinah zumhkâi tak hen thutiamtu chu. LALPA nih ka pu chik-le-ngerh sinah tluang tak hen hawng ka tlengtir rawh,” a ti.

GENESIS 28:22

Hi theihkumzanâk lung ka phun mi hi nangmah sawnhnâk mun ding a hawng si lai le, na ka pêk mi thil zawzawng lakah mi parâ lû pakhat ka nan pêk lai,” ti hen.

GENESIS 47:24

Fâng zûn tikah anrang nga ṭhen hen anrang khat chu lal sinah nan pêk ding asi. A dang vial chu fachî rang leh nan dâwngsungkhur rangah si seh,” a ti.

GENESIS 47:26

Churuangah, Josef nih an fâng neih zat anrang nga ṭhen hen anrang khat lalchem sinah pêk ding hen dân a siam piak na rawh. Hi dân hi tûtiang hen bir tak hen an nei kumza. Bâwlpû mun cho lalchem tâ asi lo.

GENESIS 9:26

LALPA, Sem Pathian chu sawr hen um seh! Kanaan chu Sem sal asi lai.

2 SAMUEL 18:28

Ahimaz chu tual lei kûn hen lalchem rangah chibai a bûk le, “LALPA na Pathian, nangmah lakah heltu tla tlûnah nehnâk a nan pêktu chu sawr hen um seh!” a ti.

2 CHRONICLES 31:12

chunah chun parâ lû pakhat pêk mi vial chu an kil. A zauhkhenhtu ding ah Levi a min Konaniah an siah le, a ṭangpitu ding ah a unaupa Shimei an siah.

NEHEMIAH 10:37

Kumsiar hen fathar ât masa chem mi sang leh uain, oliv sariak, theirah chi dang dang tla chu Biakin Bâwlpu sinah kan put lai. Kan khua phâisen ah mi fâng parâ lû pakhat khawlh mi chu Levi sinah kan pêk lai. Kan ram ah fâng kan tawng mi zawzawng parâ lû ah pakhat kan tawng mi khawm.

NEHEMIAH 13:12

Churawhchun, Israel mi zawzawng nih an fâng parâ lû ah pakhat leh uain leh oliv sariak chu Biakin ah thil siahnâk kardang ah an hawng put nawlh rawh. Hi bang minung tla hi Biakin zauhkhenhtu ah ka siah na: bâwlpu

SAM 144:1

LALPA, hawng ka humtu chu sawr u! Râltuk hawng ka sîntir hen râltuk ding hen hawng ka timhtuah.

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

SAM 68:19

Nisiar hen kan ritphurh phurhtu LALPA chu sawr u; amah chu ruang hawng kan suahtu Pathian chu asi.

EXODUS 18:10

“LALPA, Aigupta lalchem leh a mi tla lakah mi ruang an suah natu chu sawr hen um seh! A mi tla sal ah tâng mi suah natu LALPA chu sawr hen um seh!

AMOS 4:4

LALPA Zahkâi nih, “Israel mi tla, ti ding na tum chun mun thenhlimh Bethel ah va kal le, thilsual va ti rawh. Gilgal ah na ti kho rirî hen thilsual va ti. Zîng siar hen a masa chem ah bâwlnâk ding ah ran tla put hen kal le, a ni thum ni kip ah parâ lû ah pakhat na put mi pêk.

MALAKI 3:10

Tî-râwl tam tak um kho ding hen Biakin ah parâ lû pakhat hawng put u. Hawng ka nik ule, vân langawtkawt ka awng lai le, thil ṭha chikip tam tak ka hawng thlêt mi nan muh lai.

MALAKI 3:8

Kei nih, minung nih Pathian rangah a perpet mi hi a dik ma?’ A diklo thlo sikhawmsele nannih nih nan hawng ka perpet, ‘Zei lakah? nan ti. Parâ lû ah pakhat pêk leh nan thil ap lakah.

NUMBER 28:26

Fângzûn Kût a ni khat ni ah LALPA sinah fa thar nan ap chun, Pathian sawnh ding hen nanna pûm lai le, zei rian khawm nan ṭuan ding asi lo.

LUK 18:12

Dinhni kar khat kip ah vei nih buh ka ngei tâwn, ka nei mi zawng parâ lû ah pakhat ka pêk tâwn, a ti.

EPHESI 1:3

Kan Lalpa Jisu Krist Pathian leh Pa chu sawr hen um seh! Anih nih chun vân mun tla ah khin Krist ah chun thlarau lei malsâwm piaknâk kip hen mal hawng kan sâwm le,

DEUTERONOMY 12:17

LALPA sinah nan pêk mi chu zei thil khawm nan umnâk ah nan ei ding asi lo; fâng parâ lû pakhat, uain, oliv sariak, nan ranrual leh dawrâ lakah a ring tîr mi LALPA sinah thilpêk ding nanna tiam mi, nanmah thinlung suak hen nan ap mi leh thil dang ap mi tla zawzawng hi.

DEUTERONOMY 14:23

Churawhchun, LALPA nan Pathian nih amah sawnhnâk ding a ruat mi mun ah kal ule, chunah chun nan parâ lû ah pakhat fâng, uain, oliv sariak leh nan ranrual lakah a fa tîr, dawrâ lakah mi khawm ei u. LALPA nan Pathian nan chawnglawmhnâk ding ah ti kumza u.

DEUTERONOMY 14:28

Kum thumnâk pâwl tlâk ah nan parâ lû pakhat nan thilneih zawzawng chu khua lakah pumh u.

JOSUA 10:42

Josua nih veikhat rûnnâk ah lalchem zawzawng leh a ram tla a lâk hep, LALPA, Israel Pathian nih Israel tla ruangrûl ah a do piak na ruangah.