GENESIS 14:13 - Bawm Common Language Bible Version

¹³ Sikhawmsele, minung pakhat a suak le, Amor mi Mamre tâ thing thenhlimh kiangah um mi Abram Hebrai mi chu a va simh. Mamre leh a unaupa Eskol leh Aner chu Abram ṭangpitu an si.

GENESIS 14:13 ပူးပေါင်းရင်းမြစ်များ

GENESIS 10:16

Kanaan chu Jebus mi tla, Amor mi, Gergasit,

GENESIS 13:18

Churawhchun, Abram chu a um mun a ṭhial le, Mamre mi thing thenhlimh kiang Hebron ah a va um rawh, chunah chun LALPA rangah mâichâm a siam.

GENESIS 14:24

Na tâ rerêng zeikhawm ka rangah ka lâk awtlo. Ka minung tla tâ cho lo chu. Sikhawmsele, hawng ka bawptu, Aner, Eskol leh Mamre nih chun an vo lâk na seh,” a ti.

GENESIS 18:1

Lalpa chu Abraham sinah Mamre ah mi thing thenhlimh ah â va langh. Abraham chu a puanin kawtkâ ah sûn nî linh liau chirah a to le,

GENESIS 21:24

Abraham nih, “Ka tiam e,” a ti.

GENESIS 21:27

Churawhchun, Abraham nih dawrâ leh ranrual tla, Abimelek rangah a pêk; chun an panih hen remnâk thu an ruat rawh.

GENESIS 21:32

Hi Bersheba ah remnâk an siam thluh rawh chun, Abimelek leh Phikol chu Philistia ram ah chun an kîr nawlh rawh.

GENESIS 39:14

lênglei ah a va suak le, a in ah mi to-aw tla chu a kawh na le, an sinah, “Zauhnik u hi! Hi Hebrai mi ka pasal nih kan in ah a hawng put mi nih hawng kan siarlo zia hi, in kardang sungah a hawng lût le, tleihrêm ding hawng ka awt, a fâk kho rirî hen ka âu le;

GENESIS 40:15

A lân khawm ah Hebrai ram thawk hen a thup hen fîr hen ka um le, hi Aigupta ram khawm hin rêngtlâk phah rê ding hen zeikhawm ka ti lo,” a ti.

GENESIS 41:12

Hebrai tlangvâl pakhat kan sinah a um le, vêngtu hotu sal asi. Kan mang tla chu amah kan simh le, hawng kan simhfiang piak zek.

GENESIS 43:32

Josef rangah dawhkân pakhat an timhtuah le, a unau tla rangah dawhkân dang an timhtuah. Chun, Aigupta ram mi tla chu a dang ê hen buh an ei, Hebrai mi tla chu nau dauh hen an ruat na ruangah.

JOB LASUIBU 1:15

lâkkhatko ah Sabe mi tla an hawng le, an fîr hep. Na to-aw zawzawng keimah cho lo chu an thah hep na. Nangmah sinah kei cho hi thusim ding hen ka âwl asi,” a ti.

EXODUS 2:11

Mosi chu a hawng lian vima le, a mi Hebrai mi tla va zauh na ding hen a suak le, rian hamh tak an ṭuantir na mi a muh rawh. Aigupta mi nih amah mi Hebrai minung a thah mi a muh rawh.

EXODUS 2:6

Lalchem fanu nih bâwm chu a awng le, mipa ngâksiatê a muh mi chu a ṭap le, lalchem fanu nih thungâi a zângfah. “Hi hi Hebrai fa ma hi,” a ti.

EXODUS 3:18

“Ka mi le tla nih an sinah thu na sim mi tla chu an ngâi lai. Churawhchun, Israel ruitu tla hen Aigupta lalchem sinah chun nan va kal lai le, a sinah, ‘LALPA Hebrai Pathian, kan sinah a hawng a langh le, tuah ni thum kal ramkaro ah LALPA kan Pathian sinah bâwl ding hen hawng kan siang piak.’

JEREMIA 34:9

Israel chu sal ah siam an si lonâk ding hen.

JONA 1:9

Jona nih a sâng le, “Hebrai mi kasi, tual leh tipi siamtu vân Pathian LALPA sawnhtu kasi,” a ti.

NUMBER 13:23

Eskol Tivakuam an hawng tleng le, grep ṭeng an lengh le, a rah sûr khat chu minung panih zawnh a um, pomegranate leh theipi tla khawm an tlungpi.

NUMBER 21:21

Israel tla nih Amor mi Sihon lalchem sinah mi an fial:

2 KORIN 11:22

Hebrai mi an si mu? Kei khawm kasi. Israel mi tla an si mu? Kei khawm kasi. Abrahm thlâk tla an si mu? Kei khawm kasi.

PHILIPI 2:5

Hi thinlung, Krist Jisu khawm ah um mi kha nanmah lakah um seh:

1 SAMUEL 29:3

Philistia kawrsen hotu tla nih chu chu an muh na le, “Hebrai tla hi hinah zei an ti awt?” an ti. Akis nih, “Hi hi David, Israel lalchem Saul rianṭuantu asi. Ka sinah sâwt tak tutiang a um mi asi, a hawng nâk thawk hen ka lakah a palh-le-rahnâk zeikhawm ka muh lo,” a ti.

1 SAMUEL 4:12

Minung pakhat Benjamin phun ah mi chu tuknâk thawk hen Siloh khua leiah a hawng tek le, chu ni lîlâ ah a va tlung rawh. A ngaihsiat theihnâk ding hen a puan tla a thlêk le, a lû ah valei a phulh.