GENESIS 13:2 - Bawm Common Language Bible Version

² Abram chu minei tak asi, dawrâ tla, kêl tla, ran rual leh ngûn leh tangka khawm a nei.

GENESIS 13:2 ပူးပေါင်းရင်းမြစ်များ

GENESIS 12:16

Amah ruang chun Abram chu lalchem nih thungâi a dâwt le, dawrâ rual, kêl rual, sanatung tla, sal tla leh sangâwngsâu a pêk.

GENESIS 13:6

Ran an nei vevê mi a tam tuk le, munkhat um ding hen ram ningnonâk nih a tinh lo rawh.

GENESIS 24:1

Abraham chu thungâi a tar rawh le, thil a ti mikip LALPA nih mal a sâwm piak.

GENESIS 24:35

“LALPA nih ka pu nei tak hen mal a sâwm. Dawrâ rual tla, kêl tla, ranrual tla, ngûn tla, tangka tla, salnu leh salpa tla, sangâwngsâu leh sanatung tla a pêk.

GENESIS 26:14

Dawrâ rual tla leh ranrual tla leh to-aw tla tam tak a nei ruangah Philistia mi nih amah chu an nahsuah rawh.

GENESIS 30:43

Hi hâwi hen Jakob chu minei a hawng si rawh. Ranrual tam tak, sal tla, sangâwngsâu tla leh sanatung tla a nei rawh.

JOB LASUIBU 1:10

Nangmah nih amah leh a dâwngsung tla na zauhkhenh kumza le, thil zeizawng na neitir. A thilti zeizawng ah mal na sâwm piak le, ram khat rê hen ranrual na pêk.

JOB LASUIBU 1:3

Dawrâ sâng sarih, sangâwngsâu sâng thum, ranrual sâng khat leh sanatung zanga a nei. To-aw tam tak a nei le, saklei mi minung lakah chun a nei chem mi asi.

THUFING LASUIBU 10:22

LALPA malsâwmnâk nih asi a nan neitir mi chu. Tha fâk tak rianṭuan nih an neitir khun lai loh.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

DEUTERONOMY 8:18

Nei ding hen thiltikhonâk a nan pêk natu chu LALPA nan Pathian asi ti theihkumza u. A nan thlâk natu sinah thu a tiamh mi lakah tusûn ni tiang hen zumh a kâi ruangah hi hi a ti mi asi.

1 TIMOTHE 4:8

taksa zawnghnâk hi ṭha chu a ṭha bâk le, Pathian sunhsaknâk nih chun tuah mi nungnâk leh nungnâk hawng um ding mi pêk ding hen tiamnâk a nei ruangah zeizawng ah a ṭha asi.

1 SAMUEL 2:7

Mi zeimaw mi chu pâm tak hen a siam le, a zeimaw mi chu nei tak hen a siam. A zeimaw mi chu nâu tak hen a siam le, a dang tla chu rokual tak hen a siam.