GENESIS 13:10 - Bawm Common Language Bible Version

¹⁰ Lot nih a kiangkam Jordan Vakuam zawzawng chu a zauh le, Zoar lei kalnâk tî tamnâk lei tla, LALPA DÛM mawh Aigupta ram ah mi hâwi chu a muh. (chu chu Sodom leh Gomorah khuapi LALPA nih a râwk lânah mi chu asi.)

GENESIS 13:10 ပူးပေါင်းရင်းမြစ်များ

GENESIS 11:27

Hi bang tla hi Terah thlâk tla an si; Abram, Nahor leh Haran. Haran chu Lot pa asi.

GENESIS 13:11

Lot nih Jordan Vakuam zawzawng chu a rangah a thîm le, saklei kângah â ṭhial rawh. Chu chu an panih hen anna dangnâk chu asi.

GENESIS 13:9

Churuang chun a dang hen kan um râu lai. Zei ram tal na duh mi thîm rawh, kâng khat lei na kal chun kei kâng dangah ka kal lai,” a ti

GENESIS 14:2

chu lalchem dang panga tla: Sodom lalchem Bera, Gomorah lalchem Birsa, Admah lalchem Shinab, Zeboim lalchem Semeber leh Bela (mawh Zoar) lalchem tla chu do ding hen an suak rawh.

GENESIS 14:8

Churawhchun, Sodom lalchem, Gomorah lalchem, Admah lalchem, Zeboim lalchem leh Bela lalchem hi lalchem panga tla nih chun an kawrsen tla Sidim Vakuam ah an pumh na le,

GENESIS 3:6

Nunau nih thing ṭha tak leh rah dawh tak chu a muh le, ei hen hawng fing ding mi chu a chê awt chiam e! ti hen a ruat. Churawhchun, a rah zeimaw mi chu a kawih le, a ei rawh. Chun, a pasal khawm zeimaw mi chu a pêk le, anih khawm a ei rawh.

GENESIS 47:6

Aigupta ram chu an ram asi rawh. Ram ṭha chemnâk Gosen ram ah umtir na. Chun, an lakah mi thiltikho dauh an um châng chun, keimah ranrual tlûnah hotu ah siam na,” a ti.

GENESIS 6:2

tlûnlei mi minung tla nih nungâk tla an muh na le, thungâi dawh an ti le, churuangah an duh mi tla an lâk na.

1 Lal 7:46

Jordan Vakuam ah Sukot leh Zarethan mun ah thil siamnâk mun chu lalchem nih â ting rawh.

JOB LASUIBU 40:23

Tivapi hâwi tî luang fek tak mi khawm a ṭih lo, Jordan tî nih a mêl a nîm khawmsele, zeikhawm a siarlo,

SAM 107:34

Chunah um mi tla sualnâk ruangah ramkaro ah mi tual chu a altir.

ISAI 15:5

Moab ruangah ka thinlung a fâk a! Mi tla chu Zoar khuapi ah leh Eklath Selisiah ah an tek. A zeimaw mi chu ṭap bû hen Luhith lam leiah an kal; a zeimaw mi chu lungzûr bû hen Horonaim leiah an tek.

ISAI 51:3

“Jerusalem leh â râwk mi lakah um mi zawzawng tla sinah sunhsaknâk ka langh lai. A ram chu a karo hen um menza khawmsele Eden ah dûm ka tuah mi hâwi hen dûm ah ka tuah awt. Lâwmnâk leh lâwptlonâk chunah chun a um lai le sawrnâk la an sak lai le, ka sinah lâwmthu an sim lai.

JEREMIA 48:34

“Hesbon a mi leh Elealeh a mi tla an ṭap le, an ṭap hâu chu Jahaz tiang hen theih asi; Zoar a mi tla khawm nih an theih, Horonaim leh Eglath Selisiah a mi tiang khawm nih an theih. Nimrim tivatê khawm a kang hep.

EZEKIEL 16:46

Na unu chu Samaria, a khua tla hen marlei ah um mi asi. Na naunu chu Sodom, a khua tla hen simlei kângah um mi asi.

EZEKIEL 16:49

Ei ding tam tak nei hen thlangam tak hen dâi riang an um ruangah amah leh a fanu tla chu anna zûm phah, sikhawmsele mipâm tla an zauhkhenh lo hen thawsuak hen an siam na lo.

EZEKIEL 28:13

Pathian dûm Eden ah na va um le, lungsung chikip na awih: rubi, diamon, topaz, beril, karnelian, leh jasper, saphir leh emeral leh garnet tla hen. Ngûn hen mi thuam na nei. Siam hen na um ni ah nangmah rangah an siam mi asi.

EZEKIEL 31:8

Pathian dûm a mi sidar thing hen khawm tahṭhimh kho asi lo. Zei far thing khawm nih chu hâwi hen ṭeng a nei dahlo. Phâi mi thing khawm chu hâwi hen a nung lo. Pathian dûm khawm ah chu hâwi hen thing dawh a um lo.

EZEKIEL 31:9

A ṭeng tla chu dawh tak hen zâm dul hen ka siam. Pathian dûm Eden ah mi thing kip nih an nahsuah.

EZEKIEL 47:18

“Saklei kâng ramri chu simlei kângah Damaska leh Hauran ram kar thawk hen, Jordan Va chu Israel ram thlanglei leh Gilead ram saklei kângah a luang le, Tamar leiah Tipi Thi ah a suak.

JOEL 2:3

Belh a kho mi tla chu mei nih a khangh mi hâwi hen an ei hep. An mâilei ram chu Eden dûm hâwi asi le, an dunglei ram chu ramkaro a lâwng tlo mi hâwi hen a um. Zei thil khawm an zuah lo.

DEUTERONOMY 34:3

Juda ram simlei kâng mi khingkhuai; leh Zoar thawk hen Jeriko tiang a tleng mi phâi, Tûm khuapi tiang hen.