GENESIS 12:2 - Bawm Common Language Bible Version

² Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

GENESIS 12:2 ပူးပေါင်းရင်းမြစ်များ

GENESIS 13:16

Âukhawm nih rêl châwklo rê ding hen thlâk tla ka nan pêk lai le, mi nih sep an rêl kho lo hâwi hen asi lai!

GENESIS 15:5

LALPA nih lênglei ah a suakpi le, a sinah, “Vân lei khi zauh le, ârfi tla khi rêl nik, khi zat khin na thlâk tla chu tam tak an um lai,” a ti.

GENESIS 17:20

Ismael thu ah na deihnâk khawm ka theih, churuang chun amah khawm mal ka sâwm lai le, fa tam tak leh thlâk tam tak ka pêk lai. Lal leinih pa ah ka siam lai le, a thlâk tla chu phun rokual tak ah ka siam lai.

GENESIS 18:18

A thlâk tla chu an hawng rokual hen phun chak tak an hawng si lai le, amah ruangah phun zawzawng tla chu mal ka sâwm na lai.

GENESIS 18:19

A fa tla leh a thlâk tla nih ka sinah ê-aw ngâi ding leh diknâk leh repnâk chu zûl ding hen thu a pêk kho na ding hen ka thîm mi asi. An ti mi asi chun, a rangah thil zeizawng ka tiamh mi chu ka ti lai,” a ti.

GENESIS 19:29

Pathian nih chu khuapi tla tivakuam mi Lot umnâk a râwk liau chun, Abraham chu a theihkumza le, Lot khawm nung dam a um hen a suaktir.

GENESIS 24:1

Abraham chu thungâi a tar rawh le, thil a ti mikip LALPA nih mal a sâwm piak.

GENESIS 24:35

“LALPA nih ka pu nei tak hen mal a sâwm. Dawrâ rual tla, kêl tla, ranrual tla, ngûn tla, tangka tla, salnu leh salpa tla, sangâwngsâu leh sanatung tla a pêk.

GENESIS 25:11

Abraham thih nûnah Pathian nih ‘Beer-lahai-roi’ (Hawng ka Muhtu a Nung mi Tikhurchawh) ti mi kiangah um mi a fapa Isak rangah mal a sâwm.

GENESIS 26:3

Hinah um ko, na sinah ka um lai le, mal ka nan sâwm lai. Hi ram tla zawzawng hi na thlâk tla leh nangmah rangah ka nan pêk lai. Na pa Abraham sinah, thu ka tiamh mi khawm ka theihkumza lai.

GENESIS 26:4

Vân ah mi ârfi zat hen thlâk tla ka nan pêk lai. Hi ram zawzawng tla hi ka pêk na lai. Na thlâk tla mal ka sâwm na mi hâwi hen phun zawzawng nih an hawng ka deih lai.

GENESIS 27:29

Phun tla chu na to-aw si na sele, mi tla chu na mâika ah kûn na seh. Na unau tla zawzawng tlûnah lâirêltu si rawh, na nu thlâk tla chu na mâika ah kûn na seh. Siat an barhtu chu siatbarh hen um na seh, mal a nan sâwmtu chu malsâwm hen um na seh,” a ti.

GENESIS 28:14

Na thlâk tla chu tual ah valeidip zat hen an zan lai. Mun kip ah an ram an kauh vima lai le, nang leh na thlâk tla ruangah phun zawzawng mal ka sâwm na lai.

GENESIS 35:11

Chun, Pathian nih a sinah, “Kei, Pathian chak zeizawng tikho kasi. Fa tam tak nei le, phun tla chu nangmah thawk hen thlâk mi si seh, nang chu lal tla thlâktu na si lai.

GENESIS 46:3

A sinah, “Kei, na pa Pathian kasi,” a ti. “Aigupta ah kal ding ṭih lah; chunah chun na thlâk tla chu phun rokual tak ah ka siam lai.

2 SAMUEL 7:9

Na kalnâk zawng ah na sinah ka um le, na mêlma zawzawng tla ka nan nehtir. Laikulh ah mi minthang ruitu rokual chem ah ka nan siam awt.

1 Lal 1:47

Chu lâwng khawm asi lo, lal rianṭuantu tla zawzawng nih lalchem David rangah zahnâk langh hen, ‘LALPA na Pathian nih Solomon chu nangmah ngâk hen a min thangtir dauh sele, na lâirêl liau ngâk hen a lâirêlnâk chu tluangtir dauh seh,’ an ti. Churawhchun, David chu a kûn le, a ihkhun tlûnah thla a cham,

JOB LASUIBU 35:8

Na sual ruangah tuartu leh na ṭhat ruangah ṭhat phahtu chu na hâwipa rang asi.

SAM 107:38

A mi tla chu mal a sâwm na le, fa tam tak an nei, an ranrual a vei ding mi chu a hum piak na.

EXODUS 1:7

Sikhawmsele, an thlâk tla Israel mi tla chu fa tam tak an nei vima le, thungâi an pung hen an chak le, Aigupta ram an khat rawh.

EXODUS 32:10

Tuah hawng ka khap rîlmâl lah, ka thin an hawng ka thawktir tuk; ka kal lai le, ka veih dep na awt. Churawhchun, nangmah leh na thlâk tla phun rokual takah ka nan siam na awt,” a ti.

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.

EZEKIEL 34:26

“Mal ka sâwm na lai le, ka tlâng thenhlimh kiangkam ah ka umtir na lai. Chunah chun fâng chî tuhtu nih an herh liauah malsâwmnâk ruah ka sûrtir lai.

MIKAH 7:20

A lânah hawng kan thlâktu sinah thu na tiamh mi hâwi hen zumh na kâinâk leh na dâwtnâk dawnglo Abraham leh Jakob thlâk na mi tla sinah na langh lai.

ZEKARIA 8:13

Juda leh Israel mi tla! Ramdang mi tla nih a lânah Juda leh Israel lakah siatnâk a tlung mi hâwi hen na tlûnah tlung seh’ ti hen siat anna barh tawnh le! Sikhawmsele ruang ka nan suah na lai le, churawhchun ramdang minung siat anna barh tawnh mi tla nih ‘Juda leh Israel mi tla tlûnah malsâwmnâk a tlung mi hâwi hen a malsâwmnâk a ting rawh’ anna ti tawnh rûl lai rawh. Churuangah râlṭha tak hen um ule, lâu lah u,” a ti.

NUMBER 14:12

Râi ka tlungtir lai le ka veih dep na awt, sikhawmsele nang hi anmah ngâk hen tam dauh leh thiltikho dauh phun pa rangah kan siam lai,” a ti.

NUMBER 22:12

Pathian nih Balaam sinah, “Hi minung tla hi zûl lah na, Israel mi tla khawm siatbarh lah na, keimah malsâwmnâk tingtu tla an si,” a ti.

NUMBER 23:20

Malsâwm ding hen simh kasi, Pathian nih mal a sâwm mi chu kei nih ka lêt kho lo.

ROM 4:11

Chun, fêmtan lo hen a um liauah lungnâk ah repnâk a tawng ti theihnâk fêmtan singsiahnâk chu â ting le, chu repnâk chu an rangah ruat a sinâk ding hen fêmtan lo tla lakah lungtu zawzawng thlarau pa asi khonâk ding hen.

GALATIA 3:14

Chun, Abraham rangah malsâwmnâk chu Krist Jisu ah Phundang tla tlûnah a hawng um kho lai le, chun lungnâk ruangah Thlarau tiamh chu kan tawng kho lai.

GALATIA 3:7

Chun, theih u, lungnâk ah um mi tla, chu tak chu Abraham fa tla an si.

DEUTERONOMY 26:5

Churawhchun, LALPA mâika ah hi bang thu tla hi nan sim ding asi: ‘Hawng ka thlâktu chu Aramean mi mivâi asi le, ramdang minung dawrnâk nei lo mi asi, um ding hen a dâwngsung tla Aigupta ram ah kalpitu asi. An kal liauah chun minung tâwmtê an si, sikhawmsele, phun rokual leh thiltikho tak an hawng si rawh.