GENESIS 11:4 - Bawm Common Language Bible Version

⁴ “Tuah khuapi siam sele, vân tawngh khet hen insâng kan sak lai, kan min thangnâk ding leh tual tlûnah kanna rek ver lonâk ding hen,” an ti.

GENESIS 11:4 ပူးပေါင်းရင်းမြစ်များ

GENESIS 6:4

Chubang liau leh a nehnûn tla ah chun tual tlûnah milian tla nunau thlâk tla leh tlûnlei minung tla lakah an thlâk na mi an um. A lânah chun chubang mi tla chu an râlṭha hen an min thungâi a thang.

2 SAMUEL 8:13

David chu Chite Va ah Edom mi tla sîng khat sâng riat thah hen a hawng kîr le, churawhchun a min a thang khun rawh.

SAM 107:26

Meilawng tla chu tlûnlei ving ah a lawh le, tipi tawdeng ah a thlâk. Chu ṭihnungkâi ruangah chun mi tla nih an râlṭhatnâk an thlâu hep.

SAM 92:9

Na mêlma tla an thi ding mi leh misual tla neh hen an um ding mi chu kan theih.

THUFING LASUIBU 10:7

Mi ṭha tla chu malsâwmnâk hâwi hen theihkumza an si lai, sikhawmsele misual lam chu philh sawm an si lai.

JEREMIA 51:53

Babulon chu vân ah kâi hen chunah kulh bir tak tuah khawmsele amah veih ding hen mi ka fial awt nget. Kei, LALPA nih ka sim asi,” a ti.

DANIAL 4:11

Chu thing chu a lian dadauh le, vân a tawngh khet, laikulh mikip nih muh kho hen a um.

DANIAL 4:22

Bâwipa, thing sâng tak leh khauh tak chu nangmah na si, nang chu na rokual tuk le, vân na tawngh, na thiltikhonâk hen laikulh pumpi a khat.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

LUK 1:51

A bân hen a tha chak zia a zauhtir le, an thinlung dawnruatnâk tla ah anna zûm mi tla chu a ṭhiau phin.

JOHAN 5:44

Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

DEUTERONOMY 1:28

Zei rangah chunah kan va kal rîlmâl lai? Kan ṭih asi. Minung kan va fial mi tla nih chunah um mi tla chu kanmah ngâk hen an chak hen an sâng dauh, khuapi kulh vân tawngh khet mi lakah um mi an si. Milian tla an muh na an ti!’ nan ti.

DEUTERONOMY 4:27

LALPA nih phundang nâwngah a nan rektir phin na lai le, chunah chun a thibang tâwmtê cho nan um lai.

DEUTERONOMY 9:1

“Israel mi tla, ngâi u! Tusûn ni ah nanmah ngâk a chak leh rokual mi phun umnâk ram chu luah ding hen Jordan Va chu nan kanh awt rawh asi. An khuapi tla chu a lian hen a kulh tla thungâi a sâng.