GENESIS 11:31 - Bawm Common Language Bible Version

³¹ Terah nih a fapa Abram leh Haran fapa Lot a tupa a kalpi na le, a monu Sarai Abram nupi khawm anmah tla hen Babulon ram ah mi Kaldai tla umnâk Ur khuapi chu an mâk le, Kanaan ram leiah an kal rawh. Haran tiang hen an kal le, chunah chun an va um.

GENESIS 11:31 ပူးပေါင်းရင်းမြစ်များ

GENESIS 10:19

Sidon thawk hen Kanaan mi ramri tiang hen, simlei Gaza kiangah mi Gerar tiang hen, saklei kangah Sodom, Gomorah, Admah leh Lasa kiang mi Zeboim tiang asi.

GENESIS 11:32

Terah chu kum 205 a tling hen chunah chun a thi rawh.

GENESIS 12:4

Abram chu kum 75 asi ah LALPA nih a simh mi hâwi hen Haran thawk hen a suak rawh. Chun Lot chu a sinah a kal bâk.

GENESIS 12:5

Abram nih a nupi Sarai, a unaupa fapa Lot leh a neih zawzawng Haran ah mi a to-aw zawzawng a nei mi chu a put na le, Kanaan ram lei fûk hen anna thawh rawh. Kanaan ram an va tleng rawh chun,

GENESIS 14:12

Abram unaupa fapa Lot chu Sodom ah um mi asi le, amah leh a thilneih hen an lâk hep.

GENESIS 15:7

Churawhchun, LALPA nih a sinah, “Kei LALPA, Babulon ram ah mi Kaldai tla umnâk Ur khua thawk hen hi ram hi nangmah tâ ah a nan pêk ding hen a nan suakpitu chu kasi,” a ti.

GENESIS 24:10

Abraham to-aw, a neih lakah hotu si mi pa chu, a pu sangâwngsâu parâ a put le, Mesopotamia marlei kângah Nahor umnâk khuapi ah a kal rawh.

GENESIS 24:15

A thlacham a lîm lântê ah Rebek chu a liangah tibêl put bû hen a hawng tleng. Anih chu Bethuel fanu asi le, chu chu Abraham unaupa Nahor nupi Milkah fapa asi.

GENESIS 27:43

Tuah ka fapa, ka sim mi hi ngâi rawh, Haran ah ka ṭapa Laban sinah kal sawm rawh;

GENESIS 28:10

Jakob nih Bersheba a kaltâk le, Haran leiah â thawh.

2 Lal 19:12

Hawng ka thlâktu tla nih, Gozan, Haran leh Rezeph khuapi tla an râwk le, Betheden leh Telasar ah um mi tla an thah na le, an pathian tla nih âukhawm a hum kho na lo.

NEHEMIAH 9:7

LALPA Pathian, nangnih Abram, na thîm le, Babulon ram Ur khua mi na suakpi le; a min chu Abraham ti hen na lêt.

JOB LASUIBU 1:17

Chu thu a sim mi dawngh lân chun, to-aw dang a hawng fâwn le, “Kaldai murui nih hawng kan rûn le, sangâwngsâu an lâk hep le, na to-aw an thah hep na. A nan simh ding hen keimah cho ka âwl,” a ti.

ISAI 37:12

Hawng ka thlâktu tla nih Gozan, Haran, leh Rezep khuapi tla an râwk le, Betheden mi tla, Talasar ah um mi tla an thah na le, an pathian tla nih pakhat khawm a hum na kho lo.

HEBRAI 11:8

Abraham chu Pathian nih a kawh liau khan lungnâk hen Pathian nih pêk ding hen a tiamh mi ram leiah a suak le, a kalnâk lei ding khawm theihlo hen a suak le, a ram chu a mâk rawh.