GENESIS 10:5 - Bawm Common Language Bible Version

⁵ chu tla chu tivakap leh tikulh ah um mi tla thlâktu tla an si. Hi bang tla hi Japhet thlâk tla an si, a phun phun leh a ram ram hen mah dang chiau hen an um le, murui kip ah mah hawlh chiau hen an hawlh.

GENESIS 10:5 ပူးပေါင်းရင်းမြစ်များ

GENESIS 10:20

Hi bang hi Ham thlâk an si, ram dang dang ah a phun phun hen an um, mah murui chiau nih mah hawlh chiau hen an hawlh.

GENESIS 10:25

Eber nih fapa panih a nei le, pakhat min chu Pelek, amah san ah laikulh minung chu ṭhen hen an um. Pakhat dang min chu Joktan asi.

GENESIS 10:32

Hi zawng minung hi Noa thlâk hep an si. A phun phun hen anmah thlâk dân vima hen, buanso a tlung nûnah tual ah mi phun zawzawng chu Noa fapa tla thlâk hep an si.

GENESIS 10:4

Javan thlâk tla chu Elisah, Spain, Kupra leh Rodes;

GENESIS 10:6

Ham thlâk tla chu Kus, Aigupta, Libia leh Kanaan an si. Hi bang tla hi thlâktu min puttu tla an si.

GENESIS 9:19

Hi Noa fapa pathum tla hi tual tlûnah mi zawzawng thlâktu an si.

ESTHER 10:1

Lalchem Zerzes nih a ram sung leh mun dang mi tla chu thu a pêk na.

SAM 72:10

Spain ram lal tla leh tikulh ah um mi tla nih thilthawt an pêk lai le, Arabia leh Ethiophia ram mi lal tla nih thil ap ding an hawng put lai.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 24:15

Chun, saklei mi nih amah chu an sawr lai. Tipi dungah um mi tla nih LALPA Israel Pathian chu an sawr lai.

ISAI 40:15

Phun tla chu LALPA lakah zeikhawm an si lo, tî a zut mi tluk khawm an si lo le, tlâwn lât tak tla khawm phildip hâwi hen a zâng.

ISAI 41:5

“Ram lât tak ah um mi tla nih ka thilti an muh le, an ṭih le; lâu hen an thir. Churawhchun, an ektê hen anna pûm le, an hawng.

ISAI 42:10

LALPA sinah la thar sak u; laikulh zawzawng nih a sawrnâk la sak u! Tipi dung zawhtu tla, amah chu sawr u: Tipi ah thilsiam zawzawng tla, amah chu sawr u! Ram lât takah um mi tla, la sak u!

ISAI 42:4

Lungumnâk leh râlṭhatnâk a tlâu lai lo; tual tlûnah diknâk a birhtir lai. Ram lât tak mi nih a sîntirnâk mawhlah tak hen an ngâk lai,” a ti.

ISAI 49:1

Nannih ram lât takah um mi phun tla, Ka thu ngâi u! Ka suak lânah, LALPA nih a to-aw rangah hawng ka thîm ving rawh.

ISAI 51:5

Ka hawng sawm lai le, ruang ka suah na lai; ka nehnâk tik chu a nâi rawh. Keimah tak nih phun tla tlûnah lâi ka rêl lai. Ram lât tak ah mi tla nih ka hawng ding mi leh anmah ruang ka suah na ding mi lungum tak hen an hawng ka ngâk lai.

ISAI 59:18

Ram lât takah um mi tla sin tiang khawm ah a mêlma tla chu an thilti zia hâwi vima hen a rêp na lai.

ISAI 60:9

Ram lât tak thawk hen Pathian mi tla in leiah An hawng putnâk lawng tla asi. LALPA Israel Pathian thenhlimh, Phun zawzawng mi tla Zah ding hen siamtu min zahnâk ding hen; Ngûn leh tangka tla an hawng put.

JEREMIA 2:10

Thlanglei Kupra tikulh ah kal le, saklei ah mi Kedar ram ah âu mawh fial na. Hi hâwi hen a lânah thil a hawng um mi na muh rerêng lai lo.

EZEKIEL 26:15

LALPA Zahkâi nih hi thu hi Tura khuapi a sim nawh ding mi chu asi: “Neh hen na um tikah chun chu ram ah um mi tla chu thah mi râk hâu ah an lâu lai.

EZEKIEL 26:18

Tuah a tlûk ni ah tikulh tla an thir le, Chu hâwi râwknâk lakah an mi tla an lâu,” a ti.

DANIAL 11:18

Chu nûnah chun phun tla chu tipi kiangah a do na lai le, a neh na lai. Sikhawmsele ramdang minung ruitu nih amah chu an neh lai le, â zûmnâk chu a veih piak lai le; Siria lal zûmnâk chu amah tlûn lîlâ ah a tlungtir lai.

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

DEUTERONOMY 32:8

Chungnungchem nih chun phun tla chu an ram tla a ruat piak na le; Mi zapi tla chu an umnâk ding ruat piak na a tum. Phun kip rangah pathian a ruat piak chiau na.