GENESIS 10:19 - Bawm Common Language Bible Version

¹⁹ Sidon thawk hen Kanaan mi ramri tiang hen, simlei Gaza kiangah mi Gerar tiang hen, saklei kangah Sodom, Gomorah, Admah leh Lasa kiang mi Zeboim tiang asi.

GENESIS 10:19 ပူးပေါင်းရင်းမြစ်များ

GENESIS 10:18

Arvadit, Zemarit leh Hamathit mi tla thlâktu asi. Kanaan phun dang dang tla chu an hawng zan vima le,

GENESIS 10:20

Hi bang hi Ham thlâk an si, ram dang dang ah a phun phun hen an um, mah murui chiau nih mah hawlh chiau hen an hawlh.

GENESIS 14:2

chu lalchem dang panga tla: Sodom lalchem Bera, Gomorah lalchem Birsa, Admah lalchem Shinab, Zeboim lalchem Semeber leh Bela (mawh Zoar) lalchem tla chu do ding hen an suak rawh.

GENESIS 14:3

Hi lalchem panga tla hi Sidim Vakuam ah anna bawp le, chu chu tu liauah Tipi Thi asi.

GENESIS 18:20

LALPA nih Abraham sinah, “Sodom leh Gomorah thu ah phiarnâk hi ṭihnung a kâi thlo le, an sual zia khawm thungâi a fâk.

GENESIS 20:1

Abraham chu Mamre thawk hen Kanaan simlei Kedes leh Sur karah a va um. A nehnûnah Gerar ah a va um le,

GENESIS 26:1

Abraham um liau mi silo hen pâmnâk dang a hawng tlung le, Isak chu Philistia lalchem Abimelek Gerar ah a um mi sinah a va kal.

2 CHRONICLES 14:12

Juda kawrsen tla nih an do na le, Sudan kawrsen tla chu LALPA nih a neh na rawh.

2 CHRONICLES 14:13

An tek le, Asa leh a kawrsen tla nih Gerar tiang hen an ṭhâwl na. Sudan mi tla tam tak thah an si le, ṭangbâwm hen an do kho lo rawh. LALPA leh a kawrsen tla an chak ruangah râllâk sum tam tak an lâk.

JOB LASUIBU 38:20

An kalnâk tiang ding na simh na hen na kîrtir nawlh na kho ma?

ISAI 23:11

LALPA nih tipi tlûnah a bân a phar le, lalram tla chu a neh rawh. Sawlehnâk munpi chem Phoinikia râwk ding hen thu a pêk rawh.

ISAI 23:4

Sidon khuapi, na mualpho rawh! Tipi leh tisumsumriat rokual tak thûk tak nih a nan nawng rawh, “Fa rerêng ka nei lo. Fanu fapa khawm ka ring dahlo,” a ti.

JEREMIA 47:1

Aigupta lal nih Gaza a do lânah, LALPA nih ka sinah Philistia mi tla thu a sim.

EZEKIEL 28:21

“Thikho mi minung, Sidon khuapi chu sâwi.

HOSEA 11:8

“Israel, zeitin kan mâk kho na lai? Zeitin hen kan kaltâk kho na lai? Admah ka râwk mi hâwi hen kan râwk na hen Zeboim ka ti mi hâwi hen kan tikho na lai ma? hâwi ti ding hen ka thinlung ah a um lo. Ka nan dâwt na nâk a fâk tuktarâi:

THILTI 8:26

Chun, Lalpa vânmifial pakhat nih Philip chu a sawnh le, “Thawk le, simlei Jerusalem thawk hen Gaza khua a tleng mi lampi ah khan kal rawh,” a ti. (Chu lampi chu ramkaro lampi asi.)

DEUTERONOMY 2:23

Kret tikulh lei mi tla chu Mediteranian kiangkam tla ah an um. Avim tla a tîr thawk hen umtu tla chu an veih na le, an ram Gaza khuapi simlei kâng mi tiang an lâk hep.)

DEUTERONOMY 32:8

Chungnungchem nih chun phun tla chu an ram tla a ruat piak na le; Mi zapi tla chu an umnâk ding ruat piak na a tum. Phun kip rangah pathian a ruat piak chiau na.

JOSUA 19:28

Ebron, Rehob, Hamon leh Kanah pal hen Sidon tiang a kal.

LÂIRÊL 16:1

Ni khat chu Samson chu Philistia khuapi Gaza ah a va kal le, chunah chun nunau â zuar mi hen anna tawng le, a ihpi.

LÂIRÊL 6:4

Chu ram ah chun mun an va khuar le, an thil chîng tla chu Gaza ram simlei kiangkam tiang hen an râwk piak na. Dawrâ, ranrual leh sanatung tla an lâk piak na le, Israel tla rangah nungnâk ding zeikhawm an mâk piak na lo.

1 SAMUEL 13:18

a dang chu Beth Horon ah an kal, a dang tla chu Zeboim leh ramkaro kuam ramri tlûn leiah an kal.