GENESIS 1:9 - Bawm Common Language Bible Version

⁹ Churawhchun, Pathian nih, “Vândum tangah tî tla chu a pûm hep na seh, chun tlâng hawng lang seh,” ti hen thu a pêk le, chu hâwi hen a hawng um.

GENESIS 1:9 ပူးပေါင်းရင်းမြစ်များ

GENESIS 1:8

Boruak min chu “Vân” ti hen min a phuah. Zân chu a vei le, zînglei a hawng um. Chu chu a ni nihnâk asi.

NEHEMIAH 9:6

Churawhchun, Israel mi tla nih hi hâwi hen thla an cham: “LALPA, nangmah cho chu LALPA na si; vân tla leh vân ah mi ârfi tla na siam na. Ram leh tisumsumriat leh a sungah thil zeizawng na siam le, an ektê rangah nungnâk na pêk na. Vân thiltikhonâk tla chu kûn hen, nangmah an sawnh.

JOB LASUIBU 26:10

Tipi lakah a ramri a siam le, chêu leh mûi a ṭhen.

JOB LASUIBU 26:7

Vân chu marlei kâng Pathian nih a pharh le, boruak ah tual chu a thlâi.

SAM 104:3

tî tlûnah na in chu na sak. Sûm tla chu kari hâwi hen na mang. Thli thla tlûnah na chuan.

SAM 33:7

Tipi tla chu munkhat ah a pumh le, a khawngnâk ah tisumsumriat thûk tak chu a dil.

SAM 95:5

Amah ngelchel nih a siam mi tipi leh ram tlûnah lâi a rêl.

THUSIMTU 1:7

Tiva kip chu tipi ah an suak le, sikhawmsele tipi chu a khat lêm lo. Tî chu tiva dawmhnâk leiah a kîr nawlh le, an ektê hen an hawng a thawh nawlh.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

JONA 1:9

Jona nih a sâng le, “Hebrai mi kasi, tual leh tipi siamtu vân Pathian LALPA sawnhtu kasi,” a ti.

2 PETER 3:5

Pathian thu hen tuan liau vân tla a hawng um le, tual khawm tî thawk hen siam asi.

THUPHUANG 10:6

zungzâl hen a um kumza mi Pathian min chu sâl hen, “Hun a tlâi lai lo rawh,