GENESIS 1:28 - Bawm Common Language Bible Version

²⁸ mal a sâwm na le, churawhchun, “Fa tam tak nei ule, nan thlâk tla nih tual tlûn zawzawng luah hen anmah thuneihnâk tangah siah na seh,” a ti. “Ngâ, vâ tla leh ramsa zawzawng tlûnah thuneitu ah ka nan siam.

GENESIS 1:28 ပူးပေါင်းရင်းမြစ်များ

GENESIS 1:22

Chubang zawzawng chu mal a sâwm na le, chun tî lakah thil nung um mi tla chu tisumsumriat khat ding leh vâ tla chu pua ding hen thu a pêk na.

GENESIS 17:16

Amah chu mal ka sâwm lai le, amah thawk hen fapa ka nan pêk lai. Amah chu mal ka sâwm lai le, phun tla nu a hawng si lai, a thlâk tla lakah lalchem tla an hawng um lai,” a ti.

GENESIS 17:20

Ismael thu ah na deihnâk khawm ka theih, churuang chun amah khawm mal ka sâwm lai le, fa tam tak leh thlâk tam tak ka pêk lai. Lal leinih pa ah ka siam lai le, a thlâk tla chu phun rokual tak ah ka siam lai.

GENESIS 24:60

Hi hâwi hen Rebek chu mal an sâwm: Ka farnu, nang hi, nuai tam tak nu hawng si rawh; na thlâk tla nih an mêlma tla khuapi chu neh na seh!” ti hen!

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 33:5

Esau chu â hâwi le, nunau ngâksia tla chu a muh na le, “Na sinah mi minung tla hi âu tla me an si?” ti hen a deih. Jakob nih, “Ka u, hi bang tla hi Pathian ka lakah a ṭha ruangah hawng ka pêk mi asi,” a ti.

GENESIS 49:25

A nan ṭangpitu chu na pa Pathian asi, Mal a nan sâwmtu Pathian chak chu Vân thawk hen malsâwmnâk ruah an pêktu, Tual tangah tî thûk tak siamtu, Ranrual tam tak leh ngâksia tla malsâwmtu,

GENESIS 5:2

Mipa leh Nunau a siam na le, mal a sâwm na le, “Minung” ti hen min a sak na.

GENESIS 6:1

Minung chu laikulh zawzawng an hawng khat rawh chun nungâk tla khawm an hawng suak bâk le,

GENESIS 8:17

Vâ tla leh ran tla khawm na sinah mi suakpi na, tual tlûn zawzawngah an hawng zan nawlh khonâk ding hen,” a ti.

GENESIS 9:1

Pathian nih Noa leh a fa tla chu mal a sâwm na le, “Fa tam tak nei ule, nan thlâk tla nih tual tlûn zawzawng khat hen luah na seh.

GENESIS 9:7

“Fa tam tak na nei ding asi, churawhchun na thlâk tla tual tlûn zawzawngah an um lai.”

1 CHRONICLES 26:5

Amiel, Isakar, Peulethai an si.

1 CHRONICLES 4:10

Jabez nih Israel Pathian sinah thla a cham le, “Pathian, mal hawng ka sâwm le, ram tam tak hawng ka pêk. Nganfâk hawng ka pêktu ding mi sualnâk zeizawng lakah hawng ka vêng le, ka sinah um rawh,” ti hen. A deih mi hâwi hen Pathian nih a pêk.

JOB LASUIBU 39:11

A chaknâk rokual tak chu na rianṭuan rit titu ding hen na lungum hen na ngauh san kho ma?

JOB LASUIBU 42:12

LALPA nih Job chu a san dih leikângah a tîr mi ngâk hen tam dauh malsâwmnâk a pêk. Dawrâ sâng leili, sangâwngsâu sâng ruk, ran lakah a lupu dauh sâng nih, leh sanatung sâng khat.

SAM 107:38

A mi tla chu mal a sâwm na le, fa tam tak an nei, an ranrual a vei ding mi chu a hum piak na.

SAM 115:16

Vân lam chu LALPA tâ cho asi, tual lam chu minung rangah a pêk mi asi.

SAM 69:34

Tual leh vân tla, Pathian chu sawr u, tipi leh a sungah um zawzawng tla nih khawm sawr u.

SAM 8:6

Na siam mi zawzawng tlûnah lâirêltu ah na siam le; thilsiam zawzawng tlûnah na siah.

SAM 8:7

Dawrâ tla leh ranrual leh ramsa tla khawm;

ISAI 45:18

LALPA nih vân tla a siam le, anih chu Pathian asi! Tual a tuah hen a siam le, um kumza ding hen bir tak hen a siam. A karo hen a siam lo, mi le tla umnâk mun ding ah a siam mi asi. “Kei, LALPA kasi, pathian dang a um lo,” titu chu amah asi.

LEVITICUS 26:9

Mal kan sâwm na lai le, fa tam tak ka nan pêk na lai; dân kan pêk na mi ziatê hen thil ka ti lai.

1 TIMOTHE 4:3

nupa umh an khap tâwn le, zei lo ei ding tla, thudik theih hen lungtu tla nih lâwmthu sim hen ting ding hen Pathian nih a siam mi tla chu ei lo ding an ti tâwn.