GENESIS 1:14 - Bawm Common Language Bible Version

¹⁴ Churawhchun, Pathian nih, “Zân leh sûn ṭhentu ding ah vândum ah khin chêu hawng um seh; tik-le-ri, kum tla leh sakhua puai ni tla dawmh hen;

GENESIS 1:14 ပူးပေါင်းရင်းမြစ်များ

GENESIS 1:13

Zânlei a vei le, zînglei a hawng um. Chu chu a ni thumnâk asi.

GENESIS 1:15

vândum thawk hen tual hi hawng cherh seh,” ti hen thu a pêk le-- chu hâwi hen a hawng um.

GENESIS 8:22

Laikulh a um kar vial chu thlâi chîng leh fângât tik a um kumza lai. A dâi mi leh a lîn mi, ṭhâl leh busik, sûn leh zân a um kumza lai rawh,” a ti.

GENESIS 9:13

Sûm lakah ka chumchâ ka siah asi. Chu chu laikulh ah ka thudântuk singsiahnâk asi lai.

JOB LASUIBU 25:3

Amah rianṭuantu vânmifial âunih rêl kho lai? Pathian chêu nih a cherhlo mi ram rêng a um mazei?

JOB LASUIBU 25:5

A mitmuh ah chun thlâ khawm a chêu lo, ârfi tla khawm an thenlimh lo.

JOB LASUIBU 3:9

Deirêl ârfi chu chêu lo hen siah le, chu zân chu khuadei lungumnâk nei lo hen siam.

SAM 119:91

Na thupêk ruangah thil zawzawng tla chu tutiang hen a um le, nangmah to-aw tla hep an si ruangah.

SAM 148:3

Nî leh thlâ khawm nih amah chu sawr u; ârfi chêu tla khawm nih amah chu sawr u.

SAM 148:6

anmah umnâk mun chiauah um kumza ding hen thu a pêk na le, zûl lo hen an um kho lo.

SAM 150:1

LALPA chu sawr u! Pathian chu a Biakin ah sawr u! A chaknâk chu vân ah sawr u!

SAM 81:3

Thlalâi leh thladêt liauah puai rangah tâwtawrâwt tum u.

ISAI 40:26

Vândum khi zauhnik! Ârfi na muh mi khi âunih a siam? Kawrsen rual hâwi hen ruitu asi le, zeizat an si a theih hep na, an min chiau hen a auh na. A thiltikhonâk chu thungâi a rokual le, pakhat khawm a relh dahlo.

JEREMIA 10:2

LALPA nih chun, “Phundang tla umdân châwng lah u; vân ah muh dahlo mi muh ruangah a nawktir lah u, phun dang tla nih ṭih na khawmsele.

JEREMIA 31:35

LALPA nih sûn ah cherhtu rang ding ah nî a pêk le, zân cherhtu rangah thlâ leh ârfi a pêk. Tipi tla a chawk le, hâu a suaktir; a min chu LALPA Zeizawng tikho asi.

JEREMIA 33:20

“Sûn leh zân lakah a tiktê um vima ding leh chu thudântuk chu a râwk lonâk ding hen thudântuk ka siam.

JEREMIA 33:25

Sikhawmsele Kei, LALPA nih sûn leh zân lakah thudân ka tuk le, ka dân siam nih tual leh vân lâi a rêl.

EZEKIEL 46:1

LALPA Zahkâi nih, “Kulh sunglei ah kalnâk saklei mi kulh kawtkâ chu rianṭuan ni ni ruk sung chu khâr ding asi. Dinhni leh Thla Thar Kût ni ah chun awng ding asi lai.

EZEKIEL 46:6

Thla Thar Kût ni ah chun chawchal tuai pakhat, dawrâ fa paruk leh dawrâ chal pakhat simsâwinâk umlo mi hep a ap lai.

JOEL 2:10

An kal rawh chun tual â nîn le, vân a thir. Nî leh thlâ a mûi le, ârfi tla khawm an chêu lo rawh.

JOEL 3:15

Nî leh thlâ khawm a thim le, ârfi tla khawm a chêu lo rawh.

AMOS 5:8

LALPA nih ârfi tla, Firuk leh Lîkûk chân thum tla a siam na. Mûi chu sûn ah a changtir le, sûn chu zân ah a changtir. Tipi mi tî tla chu a kawh na le, tual tlûnah a thlêt. A min chu LALPA asi.

AMOS 8:9

Sûn chirah nî ka tlâktir ding mi leh sûn chirah tual ka mûitir ding tik a tlung awt rawh. Kei, LALPA Zahkâi nih chu chu ka sim mi asi.

MATHAI 2:2

Khawsak leiah a ârfi kan muh le, amah mâimûk ding hen kan hawng kal asi,” an ti.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

MARK 13:24

“Sikhawmsele, chubang ni ah, chubang hamhnâk nûnah chun nî thimtir hen a um lai le, thlâ a chêu lai lo le,

LUK 23:45

nî chêu a reh rawh le, chun, Pathian Biakin puanzâr chu a lâi ah â thlêk rawh.

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.

THUPHUANG 6:12

Chun, Dawrâ Fa nih singsiahnâk paruknâk chu a samh mi ka zauh le, chun lî thungâi a hawng a nîn le, nî chu samul puandum hâwi hen a hawng dum le, thlâ khawm thisen hâwi hen a hawng sen.

THUPHUANG 8:12

Chun, vânmifial panihnâk nih chun a tum le, nî mun thum ṭhen hen mun khat leh thlâ mun thum ṭhen hen mun khat leh ârfi tla khawm mun thum ṭhen hen mun khat chu â râwk hep rawh; an chêunâk tla leh sûn khawm mun thum ṭhen hen mun khat a tlâu le, zân khawm chu hâwi ber hen a um.

THUPHUANG 9:2

Chun, anih nih chun khurtawdawnglo chu a awng le, chun khurtawdawnglo thawk hen meialh fâk tak khû hâwi a hawng suak le, chu mei khû ruang chun nî leh boruak chu a hawng mûitir rawh.