EXODUS 7:3 - Bawm Common Language Bible Version

³ Sikhawmsele, lalchem chu a lung ka khungtir lai le, nan thu a ngâi dah lai loh; Aigupta ram ah thil ṭihnungkâi zeital ti khawmsele a siar lai loh.

EXODUS 7:3 ပူးပေါင်းရင်းမြစ်များ

NEHEMIAH 9:10

Lal leh a mi tla leh a ram mi tlûnah thilchê tak hen na ti, na mi tla an nehsawh zia tla na theih ruangah. Tusûn ni tiangah na min a thang phah.

SAM 135:9

Lal leh a rianṭuantu tla rêp ding hen an tlûnah thilchê tla a tlungtir.

SAM 78:12

An thlâktu tla nih an chawnh liauah Aigupta ram ah Zoan phâi ah Pathian nih thilchê a ti.

EXODUS 11:10

Mosi leh Aron nih hi bang thilchê zawzawng hi lalchem mâika ah an ti. Sikhawmsele, lalchem thinlung chu a khungtir ruangah Israel tla chu a ram ah mi a suaktir na lo.

EXODUS 11:9

LALPA nih Mosi sinah, “Aigupta ram ah thilchê ka ti vima khonâk ding hen lalchem nih na thu a êl vima lai,” a ti.

EXODUS 14:4

a thinlung ka khungtir lai le, an ṭhâwl na lai, lalchem leh a kawrsen tla neh hen an um mi chu kei rangah chawnglawmhnâk asi lai, chu tikah Aigupta mi tla nih Kei LALPA kasi ti an theih lai,” a ti. Israel tla nih a sim mi hâwi hen an ti rawh.

EXODUS 3:20

Sikhawmsele Aigupta ram rêp ding hen ka thiltikhonâk ka mang lai le, chunah chun thil ṭihnungkâi tla ka ti lai. Chu nûnah suak ding hen an siang na lai.

EXODUS 4:21

LALPA nih Mosi sinah thu a sim fâwn le, “Tuah Aigupta ram leiah na kîr awt rawh le, lalchem mâika ah thilchê ti ding kan pêk mi kha theihkumza rawh. Sikhawmsele, lalchem chu a lung ka khungtir lai le, mi tla chu a suaktir siang na lai lo.

EXODUS 4:29

Mosi leh Aron chu Aigupta ram ah an va kal le, Israel ruitu zawzawng tla an pumh hep na.

EXODUS 4:7

Chun, LALPA nih, “Tuah na kawrdawh sungah na kut thuh nawlh” a ti. Chu hâwi hen a ti le, a hawng thuak nawlh rawh chun a dam tleng le, a lânah a taksa hâwi hen a um nawlh rawh.

EXODUS 7:13

Lalchem chu zei ti tal khawm hen lungkhung kumza hen a um le, LALPA nih a sim mi hâwitê hen Aron leh Mosi thusim chu a ngâi duh loh. Thisen

EXODUS 9:16

Ka thiltikho zia ka nan muhtir khonâk ding leh laikulh pumpi ah ka min a thangnâk ding hen na nungnâk lam chu ka zuah lai.

THUFING LASUIBU 21:1

LALPA nih tiva duh duh hen a luangtir mi hâwi hen lal thinlung khawm a siam kho.

ISAI 51:9

LALPA, meng le, hawng kan ṭangpi! Na thiltikhonâk mang le, ruang hawng kan suah rawh; a lânah na ti mi hâwi hen mang rawh. Tipi mi thilnung lian Rahab sâm diptu na si.

MIKAH 7:15

LALPA, Aigupta ram ah na kan suakpi liauah thilchê na ti hâwi hen kan rangah thilchê hawng kan ti piak.

JOHAN 4:48

Chun, Jisu nih a sinah, “Singsiahnâk tla leh thilchê tla nan muh lo chun nan lung rîlmâl lai loh,” a ti.

THILTI 2:22

“Nannih Israel mi le tla, hi bang thu hi theih u rawh: Nazaret Jisu, Pathian nih amah mang hen nan lakah thil rokual tla, thilchê tla, leh singsiahnâk tla a ti mi nih khan a nan theihfiangtir na kha; nannih nih chubang chu nan theih asi.

THILTI 7:36

Anih nih chun Aigupta ram tla, Tipi Sen tla leh ramkaro tla ah chun kum sâwmli karah thilchê leh singsiahnâk tla a muhtir tâ le, anmah tla a rui na rawh.

ROM 9:18

Pathian nih a duh mi zawng a zângfah tâwn le, a duh mi zawng a lungkhungtir tâwn asi.

DEUTERONOMY 4:34

Aigupta ram ah LALPA nan Pathian nih a nan ti piak na mi hâwi hen phun dang lakah um mi suah ding hen kal ngamtu leh amah minung ah siam natu pathian rerêng nan nei mazei? Nan mitmuh ngelchel hen a thiltikhonâk rokual leh a chaknâk mang hen râi leh râltuknâk a tlungtir, thilchê a ti le, thilchê a umtir, thil ṭihnungkai tla a tlungtir.

DEUTERONOMY 7:19

Nanmah mit ngelchel hen râi ṭihnungkâi nan muh mi kha theihkumza u, thilchê ti leh thilchê tla, thiltikhonâk rokual leh chaknâk hen LALPA, nan Pathian nih an suah na mi kha theihkumza u. Chu hâwi hen Aigupta mi khawm a veih na le, tuah nan ṭih mi minung tla khawm hi a veih ver na lai.