EXODUS 7:2 - Bawm Common Language Bible Version

² Thu ka nan pêk mi zawzawng Aron rangah simh ver, anih nih Israel tla a ram mi suaktir na ding hen lalchem rangah simh seh.

EXODUS 7:2 ပူးပေါင်းရင်းမြစ်များ

1 Lal 22:14

Sikhawmsele, Mikaiah nih a sâng le, “LALPA a nung mi min sal hen thu ka tiam, hawng ka simh ziatê hen ka sim awt,” a ti.

EXODUS 4:15

A sinah thusim ding mi vial na simh kho. Nan panih hen sim ding hen kan ṭangpi na lai le, nan panih hen ti ding mi tla kan simh na lai.

EXODUS 4:16

Nangmah ruangrûl ah thusimtu asi lai le, na ruangrûl ah zapi minung sinah thu a sim lai. Churawhchun, nang chu Pathian hâwi hen sim ding mi zawzawng amah chu na simh lai.

EXODUS 5:1

Mosi leh Aron chu Aigupta lalchem sinah an kal le, “LALPA, Israel Pathian nih chun, ‘Hawng ka chawnglawmh ding hen ramkaro ah ka mi tla nih kût nei ding hen kaltir na seh’ a nan ti,” an ti.

EXODUS 6:29

“Kei, LALPA chu kasi, ka nan simh mi zawzawng hi Aigupta lalchem sinah va sim,” a ti.

EXODUS 7:6

Mosi leh Aron nih LALPA thupêk hâwi hen an ti rawh.

JEREMIA 1:17

Jeremia, a tîm rawh; kal le, sim ding hen thu ka nan pêk mi zeizawng va simh na. Tu chun anmah tla ṭih lah na, chu hâwi silo chun an sinah na um tikah anmah ṭih ding hen zer khun hen kan siam awt.

JEREMIA 1:7

Sikhawmsele LALPA nih ka sinah, “Ka ngâksia tuk ti lah, sikhawmsele, ka nan fialnâk mi tla sinah va kal le, sim ding hen kan simh mi zawzawng simh na.

EZEKIEL 3:10

Pathian nih a sim vima le, “Thikho mi minung, nâi tek hen hawng ngâi le, thil zeizawng ka nan simh mi theihkumza rawh.

EZEKIEL 3:17

“Thikho mi minung, Israel phun tla vêngtu ah ka nan siam asi. Simhkannâk ka nan pêk mi hi simh vima na.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

THILTI 20:27

Pathian ruat zawzawng a ektê hen nan sinah simh kâ sûm lo kha.

DEUTERONOMY 4:2

Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.