EXODUS 5:3 - Bawm Common Language Bible Version

³ Mosi leh Aron nih, “Hebrai Pathian chu kan sinah a hawng a langh asi. Ramkaro ni thum kal ah LALPA kan Pathian sinah bâwlnâk ap ding hen hawng kan siang piak râu rawh, chu hâwi kan tilo chun, ri leh râi hen mawh râl kut hen mawh hawng kan thah lai,” an ti.

EXODUS 5:3 ပူးပေါင်းရင်းမြစ်များ

2 Lal 17:25

Chunah an um kâ chun LALPA an sawnh lo, churuang chun Pathian nih chakeibaknei a fial le, mi zeimaw mi a seh na.

2 CHRONICLES 30:8

Anmah hâwi hen lungkhung lah u, LALPA thu ngâi u. Jerusalem a Biakin ah hawng u, chu chu LALPA nan Pathian nih thenhlimh tak hen amah sawnhnâk ah a siam mi asi le, chu tikah LALPA chu nan lakah a thinthawk lai lo rawh.

Ezra lasuibu 7:23

Vân Pathian Biakin rangah thil herh nan pêk ding mi thu ah a thiamthih u, ka lakah leh ka nehnûnah lâirêltu tlûnah a rothawk sual lai ti theih u.

EXODUS 3:18

“Ka mi le tla nih an sinah thu na sim mi tla chu an ngâi lai. Churawhchun, Israel ruitu tla hen Aigupta lalchem sinah chun nan va kal lai le, a sinah, ‘LALPA Hebrai Pathian, kan sinah a hawng a langh le, tuah ni thum kal ramkaro ah LALPA kan Pathian sinah bâwl ding hen hawng kan siang piak.’

EXODUS 7:16

Churawhchun, lalchem sinah, ‘LALPA Hebrai Pathian nih ramkaro ah amah sawnh ding hen a mi tla chu na kaltir na ding hen nangmah simh ding hen hawng ka fial asi ti hen thu va simh. Sikhawmsele, chu tik tiang khawm ah na ngâi dahlo rih.

EXODUS 8:1

Chun, LALPA nih Mosi sinah “Lalchem sinah kal le, LALPA nih ka mi tla chu hawng ka sawnh ding hen kaltir na.

EXODUS 8:20

Chun, LALPA nih Mosi sinah, “Zîngtê hen thâi ah lalchem tiva ah a kal mi hen va a tawng ding hen kal le, ‘Ka mi tla kaltir na, an hawng ka sawnh kho ding hen,’ a nan ti.

EXODUS 8:27

LALPA nih thu hawng kan pêk mi hâwi hen ramkaro ni thum kal ah a sinah bâwlnâk kan pêk ding asi,” a ti.

EZEKIEL 6:11

LALPA Zahkâi nih, “Israel mi tla nih thil fihnungkâi leh sualnâk zawzawng an ti ruangah na kut bengh le! Na kê lamhbêk le! Ngaihsia tak hen ṭap. Tuknâk lakah leh pâmnâk leh râi lakah an thi lai.

LEVITICUS 26:25

Nanmah rêpnâk ding hen tuknâk ka tlungtir lai, ka thudântuk nan buar ruangah; khuapi ah him ding duh hen nan tek lai le, chunah chun dam kho lo mi râi ka hawng tlungtir lai, nan mêlma tla lakah zângran hen pêk nan si lai.

DEUTERONOMY 28:21

Tuah luah ding hen nan tum mi ram ah râi dang dang a hawng tlungtir lai le, pakhattê khawm zuah nan si lai lo.