EXODUS 3:9 - Bawm Common Language Bible Version

⁹ Ka minung tla âu hâu ka theih hen, Aigupta mi nih an nehsawh na mi tla khawm ka muh.

EXODUS 3:9 ပူးပေါင်းရင်းမြစ်များ

GENESIS 16:11

Fapa na nei lai le, a min ah Ismael na sak lai, na ngaihsia ruangah na ṭap mi hâu LALPA nih a theih ruangah.

GENESIS 31:12

‘Zauhnik,’ kêl chal tla nih kêl a dum mi, a ṭial mi tla, a râng mi tla an kâi nawh mi chu, Laban nih na lakah a thilti dân ka muh ruangah keimah nih ka ruat mi asi.

2 Lal 13:4

Churawhchun, Jehoahaz nih LALPA sinah thla a cham le, LALPA nih Siria lal nih Israel tla a nehsawh na fâk zia a muh hen a thlachamnâk a sâng rawh.

2 Lal 20:5

LALPA mipi tla lâirêltu Hezekiah sinah thu sim nawlh ding hen a kîr le, a sinah, “Kei, LALPA, na thlâktu David Pathian nih na thlachamnâk khawm ka theih, na mitthli tlâk khawm ka muh, ka nan damh nawlh lai le, ni thumnâk ah Biakin ah na kal lai. Kum leinga hen na san ka sâutir nawlh lai.

NEHEMIAH 9:9

“Kan thlâktu tla nih Aigupta ah an tuarnâk tla chu na muh na. Tipisen ah ṭangpi an ngiar mi na theih.

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

SAM 9:14

Jerusalem mi zapi mâika ah ka dîr khonâk ding hen, leh ka nan sawrnâk san zawzawng tla ka simh na ding hen ruang na ka suah ruangah ka lâwm lai.

EXODUS 1:11

Churawhchun, Aigupta mi tla nih anmah neh ding hen rian fâk tak ṭuantir na ding hen vêngtu tla an siah. Churawhchun, Israel tla nih lalchem rangah thil-leh-rî siahnâk ding hen Pithom leh Rameses khuapi an siam.

EXODUS 1:22

A dawnghnâk ah lalchem nih a mi le zawzawng hi hâwi hen thu a pêk na: “Hebrai mipa fa a suak mi vial chu Nile tiva ah lawnh ule, nunau fa vial chu zuah na u,” ti hen.

EXODUS 1:8

Chu nûnah chun, lalchem thar, Josef theihlotu Aigupta ram ah thuneitu a hawng um rawh.

EXODUS 2:23

Kum tam tak nûnah Aigupta lalchem chu a thi le, sikhawmsele Israel tla chu an sal sinâk ruangah rûm leh âi hen an um le, ṭangpi deih hen an âu. An âu hâu chu Pathian sinah a tleng rawh.

EXODUS 2:25

Israel tla sal an si mi chu a muh le, a siherh na.

EXODUS 3:7

Churawhchun, LALPA nih a sinah, “Ka mi tla Aigupta ram ah an nehsawh na zia ka muh le, anmah rangah Aigupta sal vêngtu tla lakah mi ruangsuah na ding hen an âu hâu khawm ka theih. An tuar zia tla ka theih le,

THUSIMTU 4:1

Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

THUSIMTU 5:8

Lâirêlnâk ah mipâm nehsawh hen um mi leh, an diknâk lakah diklo hen an ruat na mi chu na muh tikah chê ti lah. Rianṭuantu kip hi amah tlûnah mi nih a zauhkhenh le, an panih hen sâng dauh a rianṭuantu tla nih an zauhkhenh vevê na.

AMOS 4:1

Nannih Samaria ram mi nunau, Basan chawpinu bit tal a châwm mi hâwi tla, mi chaklo leh mipâm tla nehsawhtu, din phung hen nan pasal le nih an châwm na ding hen hauhtu tla, ngâi u!

DEUTERONOMY 26:7

Churawhchun, ṭangpi deih hen LALPA hawng kan thlâktu Pathian chu kan auh. Anih nih chun kan tuar mi tla, kanna hamh zia tla, kan vânduai zia tla a theih hen hawng kan muh rawh.

1 SAMUEL 9:16

“Thâizîng ah tutik ding ah Benjamin phun lakah mi minung pakhat ka hawng fial awt, ka mi Israel tla lâirêltu ding ah sariak thuh le, amah nih Philistia mi tla lakah a hum na lai. Ka mi le nih an tuar fâk zia khawm ka muh, ṭangpi ding an hawng ka auh mi khawm ka theih,” a ti.