EXODUS 3:2 - Bawm Common Language Bible Version

² Chunah chun LALPA vânmifial chu thingbû nâwngah meialh hâwi hen â langh. Mosi nih thingbû chu meialh lakah um mi hâwi hen a muh le, sikhawmsele a kâng lo fâwn.

EXODUS 3:2 ပူးပေါင်းရင်းမြစ်များ

GENESIS 21:17

Pathian nih ngâksia ṭap hâu a theih le, vân thawk hen vânmifial nih Hagar sinah, “Hagar, zei rangah ti ti na lawksawng? Ṭih lah. Pathian nih ngâksia ṭap hâu a theih rawh.

GENESIS 22:11

Sikhawmsele, vân thawk hen LALPA vânmifial nih, “Abraham, Abraham!” ti hen, a auh. Anih nih, “Uai, hinah ka um,” ti hen a sâng.

GENESIS 48:16

Vânmifial, ṭihnungkâi zawzawngah hawng ka humtu nih malsâwm na seh! Hi ngâksia tla lakah hin ka pu Abraham leh Isak min chu um kumza seh! fa tam tak leh thlâk tam tak nei na seh,” a ti.

SAM 66:12

Ka mêlma na kan lamhbêktir le; mei leh tîlian lakah kan lan, tuah lam chun himnâk ah na kan siah rawh.

EXODUS 19:18

Sinai Tlâng pumpi chu meikhû nih a tuam pang, LALPA chu mei hen a hawng ṭum ruangah. Meikhû chu meialhpî lakah mi meikhû hâwi hen a kâi le, zapi minung tla chu thungâi an thir.

EXODUS 23:20

“Nan mâilei ah nan kal liauah an vêng natu ding hen vânmifial ka hawng fial lai le, ka timhtuah mi mun ah a nan kalpi na lai.

EXODUS 3:16

Kal le Israel ruitu tla pumh na le, Kei, an thlâktu tla Pathian, Abraham Pathian, Isak leh Jakob Pathian na sinah ka langh mi tla simh na. An sinah ka hawng mi leh Aigupta mi tla nih an tlûnah an ti na dân ka muh mi tla simh na.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

DANIAL 3:27

Lal zawzawng, governor tla, leutanant governor tla leh lal rianṭuantu dang tla lal nih a pumh na mi zawzawng nih chu minung pathum zeikhawm an pawi lo mi chu an zauh. An sam khawm a kir lo, an nipuan khawm a kâng lo, mei rim khawm an nam lo.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MALAKI 3:1

LALPA Zeizawng tikho nih a sâng le, “Ka rangah lampi hawng ka siam piak ding hen ka fial awt. LALPA hawng ding hen nan lungum mi chu Biakin ah a hawng sawm lai. Mifial muh ding nan duh mi chu a hawng lai le, ka thudântuk a phuang lai,” a ti.

MARK 12:26

Chun, mithi tla thawh hen an um ding thu chu-- Mosi lasuibu ah, Thingbû thu ah khan Pathian nih, ‘Kei Abraham Pathian, Isak Pathian, Jakob Pathian kasi,’ ti hen, a sawnh zia kha nan rêl lo mazei?

LUK 20:37

Mithi thawh hen an um lai ti Mosi khawm nih Thing bû thu ah Lalpa chu, Abraham Pathian, Isak Pathian, Jakob Pathian, a ti liau khan a theihtir kha.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

DEUTERONOMY 33:16

An ram chu thil ṭha hen khat seh, Thing bû lakah mi meialh thawk hen thusimtu LALPA ṭhatnâk hen malsâwm hen um seh. Hi bang malsâwmnâk tla hi Josef phun tla sinah um seh, Anih chu a unau tla lakah ruitu asi ruangah.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

LÂIRÊL 13:13

Vânmifial nih a sâng le, “Na nupi nih ka sim mi thil zeizawng ti ding mi a theih ko lai rawh.