EXODUS 27:9 - Bawm Common Language Bible Version

⁹ “Ka umnâk Puanin kulh chu puan mangṭhia hen puanzâr tla siam. Simlei sîr ah mi puanzâr chu a dung dâwng zâ si seh.

EXODUS 27:9 ပူးပေါင်းရင်းမြစ်များ

1 Lal 6:36

Biakin tualmâi leiah chun kulh an siam le, vâm hen an kulh le, sidar thing kân pakhat nih a thângnâk lung pathum vima a nei.

1 Lal 8:64

Chu ni ah chun a kulh sung tualmâi kiangkam khawm Solomon nih Pathian sinah a ap le, a ektê hen duahnâk bâwlnâk sangvut ap mi tla, remnâk thil ap rang ding ah ran thâu tla a ap. Hi thil ap zawzawng rang ding ah dâr mâichâm chu a mê tuk ruangah hi hi a ti mi asi.

2 CHRONICLES 33:5

Biakin kulh mun nih ah ârfi sawnhnâk mâichâm a siam.

2 CHRONICLES 4:9

Bâwlpu tla rangah sunglei kulh leh lênglei kulh an siam. Kulh leh kulh karah mi kawtkâ inkhâr dâr hen luanh mi asi.

SAM 100:4

Biakin kawtkâ ah lâwmthusim bû hen lût u, sawr bû hen a Biakin kulh sungah chun lût u. A sinah lâwmthusim hen amah chu sawr u.

SAM 84:10

Na Biakin ah ni khat mang hi mun dangah ni sângkhat mang ngâk hen a ṭha dauh. Mi ṭhalo in ah um ngâk hen ka Pathian in kawtkâ ah ka dîr dauh lai.

SAM 92:13

LALPA in ah thing phun mi hâwi mi Pathian Biakin ah châwm mi hâwi an si,

EXODUS 27:10

Dâr tung kul, a tohnâk dâr kul a thlâinâk ngawih mi leh a fung tangka hen siam mi lakah bah ding asi,

EXODUS 35:17

a khârnâk ding puanzâr, a tung leh a tohnâk; a tualmâi puanzâr khârnâk;

EXODUS 36:17

A tîr ah mi lakah a nâ sâwmngâ a sâr ah an thlaih le, a panihnâk lakah khawm a sârah a nâ sâwmngâ an thlaih.

EXODUS 39:40

a kulhnâk ding puanzâr leh a tung leh a tohnâk; puanzâr tualmâi kulhnâk ding leh rirual; Puanin kilhnâk, Puanin ah mang ding mi a thuamthil zawzawng;

EXODUS 40:33

Mosi nih Puanin leh mâichâm kulhnâk ding puanzâr a zâr le, a kulh tualmâi khawm ah puanzâr a thlaih. Churawhchun, rianṭuan zawzawng chu a lîm rawh.

EXODUS 40:8

A kulhnâk puanzâr chu kulh dak hen zâr le, a tualmâi leikâng puanzâr chu thlâi.

EZEKIEL 40:14

A kardang lât chem dawnghnâk thawk hen kulh suaknâk tiang asi. Chu kardang chu a tah le feet 34 kâu hen a theih.

EZEKIEL 40:17

Chu minung nih kawtkâ ah hawng ka lanpi le, kulh sungah hawng ka kalpi. Chunah chun lênglei mi kulh lakah in kardang sâwmthum a um le, an tualmâi chu lung hen phah mi asi le,

EZEKIEL 40:20

Churawhchun, chu minung nih chun marlei kâng a mi lênglei kulh kalnâk kawtkâ chu a tah.

EZEKIEL 40:23

Saklei kâng sîrah a um mi hâwi hen marlei a mi kawtkâ thawk hen kulh kawtkâ tan phak hen kawtkâ dang sunglei ah kalnâk kawtkâ a um. Chu minung nih kulh kawtkâ panih kar lât dân chu a tah le, feet 168 asi.

EZEKIEL 40:28

Chu minung nih simlei kawtkâ ah lan hen, a sunglei kulh ah a hawng ka kalpi. Chu kawtkâ chu a tah le, lênglei mi kulh kawtkâ hen â tia.

EZEKIEL 40:32

Chu minung nih chun saklei mi kawtkâ ah lan hen sunglei mi kulh sungah a hawng ka kalpi. Kulh kawtkâ chu a tah le, a dang hen â tia ver.

EZEKIEL 40:44

Churawhchun, kulh sungah a hawng ka lûtpi. Chu a sunglei mi kulh tlûnah chun kardang panih awng hen a um le, pakhat nih marlei kâng mi kulh sîrah simlei a hawih, a dang nih simlei mi kulh kawtkâ sîrah mar leikâng a hawih.

EZEKIEL 42:3

Sîr khat nih chun mun lâwng feet 34 Biakin sîr lei a mi a hawih le, sîr khat dang nih lênglei mi kulh phah lei a hawih. Chan rang hen chuanh thum hen sak asi le, a tangah mi ngâk hen a tlûnlei kângah mi chu a sâng dauh hep.

NUMBER 3:26

puanzâr tla Puanin leh mâichâm kulhnâk leh a tualmâi kulhnâk tla lakah mawhphurhnâk an nei. Rianṭuannâk zawzawng leh hi bang tla lakah mawhphurhnâk an nei.

NUMBER 4:26

puanzâr leh a rirual, Puanin leh mâichâm kulhnâk, a tualmâi kulhnâk puanzâr; chubang thil zawzawng kilhnâk tla puttu ding hen mawhphurhnâk an nei. Hi bang thil lakah a herh mi zawzawng an ti ding asi.

NUMBER 4:32

Puanin kulhnâk tung, a tohnâk, a kilhnâk, Puanin kulhnâk rirual, chu lakah kaihkawhnâk ah mang mi zawzawng hen puttu ding ah mawhphurhnâk pêk an si. Mi kip mah vo chiau put ding hen ruat an si.