EXODUS 13:3 - Bawm Common Language Bible Version

³ Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo,

EXODUS 13:3 ပူးပေါင်းရင်းမြစ်များ

GENESIS 15:16

San li an si lânlo chu hinah na thlâk tla an hawng kîr nawlh lai loh, Amor tla chu rêp leh nar an si khonâk ding an sual thlo lânlo chu,” a ti.

1 CHRONICLES 16:12

Nannih Pathian to-aw, Jakob thlâk tla, Pathian thîm mi Israel thlâk tla, LALPA thilchê ti leh lâirêlnâk hawng kan pêk mi chu theihkumza u.

NEHEMIAH 1:10

“LALPA, hi bang tla hi nangmah to-aw leh mi tla an si. Na thiltikhonâk leh na chaknâk hen ruang na suah na.

NEHEMIAH 9:10

Lal leh a mi tla leh a ram mi tlûnah thilchê tak hen na ti, na mi tla an nehsawh zia tla na theih ruangah. Tusûn ni tiangah na min a thang phah.

SAM 105:5

Nannih a to-aw, Abraham thlâk tla; A thîm mi Jakob thlâk tla: thilchê a timhtuah mi leh lâirêlnâk a pêk mi chu theihkumza u.

SAM 114:1

Israel fa tla nih Aigupta ram an kaltâk liauah, Jakob thlâk tla nih mi ram ah an umnâk an mâk liauah,

SAM 136:11

Israel mi tla chu Aigupta thawk hen a suaktir na le; a dâwtnâk chu zungzâl asi.

SAM 136:12

A chaknâk leh thiltikhonâk bân hen a ti mi asi; a dâwtnâk chu zungzâl asi.

SAM 89:14

Na lalram chu na repnâk leh na lâirêl diknâk ah a lang; na ti mi zawzawng lakah dâwtnâk leh zumhkâinâk a lang.

EXODUS 12:15

LALPA nih, “Ni sarih kar chu thilnu telh mi sang rerêng nan ei ding asi lo, thilnu tel lo mi karo nan ei ding asi. A ni khat ni ah nan in ah mi thilnu zawzawng nan thenh ver ding asi. Âuzawng nih ni sarih karah thilnu telh mi sang a ei chun, ka minung ah rêlsih asi lai lo.

EXODUS 12:17

Hi kût hi nei ule, Aigupta ram ah mi nan phun kan suaktir na mi ni asi ruangah; zeiliau zawng ah hi kûtnâk hi nan nei kumza ding asi.

EXODUS 12:19

Ni sarih kar chu nan in sung khur ah thilnu rerêng nan siah ding asi lo. A ram mi nih mawh ramdang mi nih mawh thilnu telh mi sang a ei chun ka minung lakah rêlsih kho asi lai loh,” a ti.

EXODUS 12:2

“Hi thla hi kum khat sungah nan rangah thla masa chem asi lai.

EXODUS 12:41

Kum 430 kum dawngh ah LALPA phun zawzawng nih Aigupta ram an mâk rawh.

EXODUS 12:42

LALPA nih Aigupta ram thawk hen a suakpi na liau kha zân asi le; chu zân chu zeiliau zawng ah Israel fa le nih LALPA sinah anna pumpêknâk zân si vima ding hen ruat asi.

EXODUS 12:8

Chu zân ah chun sâ chu an em lai le, an nah khâ mi thilnu telh lo sang hen an ei ding asi.

EXODUS 13:14

Mâilei ah nan fa tla nih, hi hi zei ulhnâk me si ti hen an deih na chun, ‘Sal ah kan umnâk Aigupta ram ah mi LALPA nih a thiltikhonâk rokual hen hawng kan suakpi mi ruangah asi’ ti hen nan sâng na ding asi.

EXODUS 13:9

Hi ulhnâk hi nan kut lakah mawh nan chal ah mawh theihkumzanâk ding hen khimh mi hâwi hen theih u; LALPA nih a thiltikhonâk hen Aigupta ram ah mi a nan suakpi na ruangah LALPA dân chu theih nawlh ding hen nanna sîn hen nan sim kumza ding asi.

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

EXODUS 20:8

“Dinhni ulh le, thenhlimh tak hen mang rawh.

EXODUS 23:15

Abib thla, Aigupta thawk hen nan suaknâk thla ah thu ka nan pêk na mi hâwi hen Sâng Thilnu telhlo Kût ulh u. Kût liauah ni sarih kar chu sang thilnu telh mi rerêng nan ei ding asi lo, thil ap ding put lo hen nan ka sawnh ding hen nan hawng ding asi lo.

EXODUS 3:20

Sikhawmsele Aigupta ram rêp ding hen ka thiltikhonâk ka mang lai le, chunah chun thil ṭihnungkâi tla ka ti lai. Chu nûnah suak ding hen an siang na lai.

EXODUS 34:18

“Sang Thilnu telh lo Kût nei ule, thu ka nan pêk mi hâwi hen Abib thla ah sang thilnu telh lo ni sarih sung nan ei ding asi, chu thla ah chun Aigupta ram nan suaktâk ruangah.

EXODUS 6:1

LALPA nih Mosi sinah, “Tuah lalchem sinah thil ka ti ding mi chu na muh lai. Ka mi le tla suaktir ngelchel ding hen ka nâwr awt. A ram ah mi chu ka nartir ngelchel awt,” a ti.

EXODUS 6:6

Churuangah Israel fa tla chu ‘Kei, LALPA nih ruang ka suah na ding mi leh Aigupta sal an sinâk lakah mi ka suah na awt mi chu simh na. An tlûnah rêpnâk ṭihnungkâi tak hawng tlung ding hen ka bân chak ka phar lai le, ruang ka suah na lai.

EXODUS 6:7

Ka minung ah kan siam na lai le, Kei nan Pathian kasi lai. Aigupta sal nan si mi ka nan suah na tikah chun, Kei, LALPA nan Pathian kasi mi nan ka theih lai rawh.

EXODUS 7:4

Chu nûnah Aigupta ram ah rêpnâk fâk tak ka tlungtir lai le, ka mi le tla phun, chu ram ah mi chu ka suakpi na lai.

JEREMIA 34:13

Israel Pathian nih zapi sinah thusim ding hen hawng ka fial: “Nan thlâktu tla hen Aigupta ram ah mi kan suakpi na hen sal ah mi kan suah na liauah thudântuk ka siam.

DANIAL 9:15

“LALPA, kan Pathian, na mi tla Aigupta ram thawk hen na suah mi lakah na thiltikho zia na langh le, na thiltikho zia chu theih asi kumza asi. Thilsual kan ti le, thil diklo kan ti.

MATHAI 10:12

Chun, in ah chun nan lût awt bâiah chibai bûk na u.

LUK 22:19

Chun, sang a lâk le, lâwmthu a sim thluh rawh chun a phel le, “Hi hi ka taksa, nan rangah pêk ding chu asi; nan hawng ka theihkumzanâk ding hen hi hi ti tâwn u,” a ti.

1 KORIN 11:24

lâwmthu a sim thluh nûnah, a phel le, “Hi hi ka taksa, nan ruangrûl ah pêk ding mi chu asi, nan ka theihkumzanâk ding hen ti tâwn u,” a ti kha.

1 KORIN 5:8

Churuangah, kanna kût lai, thilnu li a kût lo hen, nunsiat leh sualnâk ah kût lo hen, thilnu tel lo hen taknâk leh diknâk sang hen kanna kût lai.

EPHESI 1:19

mithi lakah mi a thawh nawlh liau leh lalnâk, thuneihnâk, thiltikhonâk, lâirêlnâk zawzawng tla, hi laikulh ah cho silo hen laikulh hawng tlung ding khawm ah min sak zawzawng tla tlûn ving ah vân mun tla ah a vawrhlei ah a totir liauah Krist lakah a ṭuan mi, a thari chaknâk ṭuan zia hâwi vima hen khan kannih lungtu leikângah a thiltikhonâk a lianh zia tla zei hâwi asi nan theih kho lai.

DEUTERONOMY 13:10

Thi thlo hen seh u! Aigupta ram ah sal nan sinâk ah mi an suah natu LALPA nan Pathian lakah mi chu mahlo leikângah an pialpi na ding hen a awt ruangah.

DEUTERONOMY 13:11

Chu tikah Israel mi tla nih thil umdân chu an theih lai le, an lâu lai le, chu hâwi thilsual chu âukhawm nih an ti lai lo rawh.

DEUTERONOMY 13:5

Aigupta ram ah sal nan sinâk ah mi an suah natu lakah heltu, mang simhfiangtu mawh, khuavâng mawh si mi âutal nan thah na ding asi. Chubang hâwi minung tla chu misual, LALPA nih um ding dân thu an pêk na mi lakah mi chu pial tâk ding hen an awt natu an si. Chu sualnâk lakah mi chu nan suak khonâk ding hen anmah tla chu nan thah na ding asi.

DEUTERONOMY 13:6

“Na unau nih mawh, na fapa nih mawh, na fanu nih mawh, na nupi na dâwt tak mi nih mawh, na kâwi tak nih mawh, an thlâk natu nih an sawnh dahlo mi pathian sawnh ding hen an fawrh na kho.

DEUTERONOMY 15:15

Nannih khawm Aigupta ram ah sal nan si mi kha theihkumza ule, chunah mi chu LALPA Pathian nih an suah na mi nan si ruangah, hi thupêk tla hi tuah kan pêk na mi asi.

DEUTERONOMY 16:1

‘LALPA nan Pathian zahnâk ding hen Abib thla ah Kalkanh Kût ulh u;’ chu thla zân ah chun Aigupta ram ah mi ruang an suah na ruangah.

DEUTERONOMY 16:12

Hi thupêk tla hi zûl ding hen theihkumza u; Aigupta ram ah sal nan si mi kha philh lah u.

DEUTERONOMY 16:3

Chu buh chu nan ei tikah sang thilnu telh mi hen nan ei ding asi lo. Aigupta ram nan mâk awt liauah mawhsareh nan ei hâwi khan ni sarih chu sang thilnu telhlo mi nan ei ding asi. Chu sang nan ei ding mi chu- tuarnâk sang ti asi lai. Aigupta ram thawk hen nan hawng suak hen, chu ram chu tuarnâk ram asi ti nan damsung zawzawngah nan theih khonâk ding hen.

DEUTERONOMY 24:18

Aigupta ram ah sal ah nan um mi LALPA nan Pathian nih an suah na mi kha theihkumza u; churuang tak chun hi thupêk hi kan pêk na mi asi.

DEUTERONOMY 24:22

Aigupta ram ah sal nan si mi kha philh lah u; churuangah asi hi bang thupêk tla kan pêk na mi hi.

DEUTERONOMY 26:8

A chaknâk leh a thiltikhonâk rokual hen Aigupta ram ah mi hawng kan suah rawh. Thilchê ti leh thilchê tla, thil ṭihnungkâi tla a tlungtir.

DEUTERONOMY 4:34

Aigupta ram ah LALPA nan Pathian nih a nan ti piak na mi hâwi hen phun dang lakah um mi suah ding hen kal ngamtu leh amah minung ah siam natu pathian rerêng nan nei mazei? Nan mitmuh ngelchel hen a thiltikhonâk rokual leh a chaknâk mang hen râi leh râltuknâk a tlungtir, thilchê a ti le, thilchê a umtir, thil ṭihnungkai tla a tlungtir.

DEUTERONOMY 5:15

Nannih khawm Aigupta ram ah sal nan si. Kei, LALPA nan Pathian nih ka thiltikhonâk rokual leh ka chaknâk hen kan suah na mi nan si ti theihkumza u. Churuang tak chun Dinhni ulh ding hen thu ka nan pêk na asi.

DEUTERONOMY 5:6

‘Aigupta ram ah sal ah nan um mi an suah natu LALPA nan Pathian kasi.

DEUTERONOMY 6:12

LALPA nih Aigupta ram ah sal ah nan um mi an suah na mi kha philh lah ule, theihkumza u.

DEUTERONOMY 6:21

Churawhchun, nannih nih, Aigupta lalchem sal ah kan um le, LALPA nih a thiltikhonâk rokual tak hen ruang hawng kan suah.

DEUTERONOMY 7:8

Sikhawmsele LALPA nih an dâwt na le, an thlâk natu sinah thu a tiamh mi zûltu siding hen an duh na. Churuangah asi, Aigupta lalchem sal nan si mi a chaknâk hen ruang an suah na mi chu.

DEUTERONOMY 8:14

Aigupta ram ah sal nan si mi ruang an suah natu LALPA nan Pathian chu philh hen nanna zûm sual lai, theih set u.

DEUTERONOMY 9:12

“Churawhchun, LALPA nih ka sinah, ‘Hi tlângah mi hi ṭum rereh, Aigupta ram thawk hen na hawng suakpi mi tla kha thilsual an ti le, anna râwk ver rawh. Thu ka pêk na mi duh lo hen kâng dang leiah anna her ving le, an rangah milem an siam,’ a ti.

JOSUA 24:17

LALPA kan Pathian nih chun Aigupta ram ah kan pa leh kanmah sal ah kan tâng mi hawng kan suah le, thilchê a ti mi tla khawm kan muh. Kan kalnâk leh kan pal mi zawzawng phun lakah mi hawng kan hum.

LÂIRÊL 2:12

LALPA an thlâktu tla Pathian, Aigupta ram ah mi suakpi natu an sawnh mi chu an bângtâk le, pathian dang tla an kiangkam mi pathian chu an sawnh rawh. An mâimûk na le, LALPA thin an runhtir rawh.

LÂIRÊL 6:8

churawhchun khuavâng hi thusimtu ding hen LALPA Israel Pathian thawk hen fial hen a um: